Урок. начальные классы

Fan nomi:Odobnoma (1-sinf ).

Bo’lim:Ajdodlar xotirasi abadiydir.(4-bo’lim).

Mavzu:9-may Xotira va qadrlash kuni.Sharafli burch.

Dars turi:Kirish darsi

Dars jihozi:Darslik,tarqatma,ko’rgazma,multimedia ilovasi.

Darsning maqsadi:

1. ta’limiy maqsad:O’quvchilarga bo’lim haqida qisqacha ma’lumot berish,mavzu bilan tanishtirish,mavzuga oid ma’lumotlar berish;

2. tarbiyaviy maqsad:O’quvchilarni vatanparvarlik ruhida tarbiyalash,keksalarni e’zozlashga, kattalarni hurmat qilishga o’rgatish;

3. rivojlantiruvchi maqsad:O’quvchilarning mavzuga oid bilimlarini,shuningdek,og’zaki nutqini,to’g’ri o’qish ko’nikmasini rivojlantirish;

Kompetensiyaviy maqsad:O’quvchilarda umumiy va faol fuqarolik kompetensiyasini shakllantirish;

Tayanch kompetensiya:

Axborot bilan ishlay olish kompetensiyasi:Kitob bilan ishlay olish,ko’rgan lavhalarini tushunish va fikr bildira olish;

Fanga oid kompetensiya:

Milliy va umummadaniy kompetensiyasi:Umumbashariy ahamiyatga ega bo’lgan qadriyatlar(urf-odat, marosimlar, milliy- madaniy an’ana) ni hurmat qilish;

Darsning borishi:

I.Tashkiliy qism:

1.Salomlashish

2. Davomatni aniqlash

3. Navbatchi axboroti

4. Siyosiy daqiqa

II.Asosiy qism:

1. yangi mavzu bayoni:

O’qituvchi:O’quvchilar bugun biz yangi bo’lim bilan tanishamiz.Bu bo’limning nomi “Ajdodlar xotirasi abadiy” bo’lib, bo’lim 1 ta mavzudan iborat.Bu mavzu “9-may Xotira va qadrlash kuni”hisoblanadi va darsligimizda mavzuyimizga oid “Sharafli burch” nomli matn berilgan.Biz bugun sizlar bilan ushbu mavzu bo’yicha dars o’tamiz.Bizning tinch,baxtiyor yashashimiz uchun hamda yurtimiz mustaqilligi uchun kurashgan va bu yo’lda jonini fido qilgan insonlarni hurmat bilan tilga olamiz.Ularning xotirasi abadiy qalbimizda yashaydi.Shunday insonlardan biri hurmatli 1-prezidentimiz I.A.Karimov hisoblanadi.Karimov O’zbekiston mustaqilligining asoschisidir.Uning Vatan ravnaqi, xalq farovonligi uchun qilgan ishlari haqiqiy fidoyilikdir va kelajak avlod uchun ibratdir.

Vatan fidoyilarini xotirlash burchimizdir.Keksalarni qadrlash va bemorlar holidan xabar olish go’zal fazilat hisoblanadi.Shunday ekan, hammamiz keksalarni hurmat qilishimiz,ularni og’irini yengil qilishimiz lozim.

Urush qatnashchilari bizning faxr-iftixorimiz hisobanadi.Ular urush boshlangach , Vatan himoyasi uchun otlanganlar va janglarda jasorat ko’rsatganlar.Mustaqillik maydonida Vatan himoyasi uchun farzandlarini jangga yo’llagan onalarimiz ramzi bo’lgan “Motamsaro ona” haykali o’rnatilgan.

Shuningdek, poytaxtimizda yurtimizning ozodligi uchun kurashgan va bevaqt qatl etilgan Cho’lpon,Fitrat, Qodiriylar nomi bitilgan “Shahidlar xiyoboni” mavjud.

Endi barchamiz e’tiborimizni kitobimizda berilgan “Sharafli burch” matniga qaratamiz.Matnni avval men sizlarga o’qib beraman.Keyin sizlar o’qiysizlar.(O’qituvchi matnni o’qib bergach, o’quvchilarga matnni zig-zag usulida o’qitadi).

Sharafli burch

Alisher Navoiy mulozimlari bilan sayrdan qaytib kelayotgan ekan.Qabristonga yetgach, otdan tushib, piyoda ketibdi.Mulozimlar ham undan o’rnak olib,otdan tushibdilar.Qabristondan uzoqlashgach, barchalari otga minibdilar.Mulozimlar Alisher Navoiydan qabriston yonidan piyoda o’tganlarining sababini so’rashibdi.Ulug’ shoir shunday deb javob beribdi:

• Bu yerda xalqimizning jigargo’shalari, tabarruk zotlar mangu uyquda yotibdilar.Bular yonidan ot choptirib o’tish insonlik sha’niga isnod.Ota-bobolar xotirasini e’zozlash sharafli burchimizdir.

Demak, biz ajdodlarimiz yotgan qabrlarni muhofaza qilishimiz,qabriston yonidan o’tayotganimizda shovqin solmasligimiz kerak.Ota- bobolarimiz xotirasini e’zozlash sharafli burchimiz hisoblanadi.

Lug’at ishi

Sharafli – ulug’

Mulozim – yordamchi

Sha’n – g’urur

Isnod – yomon nom

O’qituvchi o’quvchilar bilan matn bo’yicha suhbat va savol-javob o’tkazadi.

1. yangi mavzuni mustahkamlash:

O’quvchilar hamma quyonchani ko’ryaptimi? Uning qorni judayam och ekan, unga sabzilarni olish uchun yordam berish kerak.Sabzilarni olish uchun ularni ortida yashiringan savollarga javob berishingiz kerak.Quyonchaga yordam berasizmi?

O’quvchi:Ha, albatta yordam beramiz.

Savollar:

1.Qaysi kunni Xotira va qadrlash kuni sifatida nishonlaymiz.

2.Kim O’zbekiston mustaqilligining asoschisi hisoblanadi?

3.Navoiy nima uchun qabriston yonidan piyoda o’tadi?

O’quvchilar sabzi ortida yashiringan shu kabi savollarga javob berib sabzini oladilar va quyonning qornini to’ydiradilar.

III.Yakuniy qism:

Dars yakunlandi.Faol o’quvchilar rag’batlantirildi.Uyga vazifa qilib, mavzuni mustahkamlab, takrorlab kelish berildi.