Тіл асыл қазына

Сабақтың тақырыбы: Тіл асыл казына.
Сабақтың мақсаты: Оқушылардың еліне, ұлтына,тіліне деген сүйіспеншілігін арттыру, тілді ұлттық мұра ретінде сезінуге, тіл мәдениетін сқтай білуге үйрету, тіліміздің қадір қасиетін бойларына дарыту.
Көрнекілігі: Ұлағатты сөздер, ақын – жазушылардың портреттері, кітап бұрышы, интерактивтік тақта.
Сабақтың барысы: І. Ұйымдастыру
Қазақстан Республикасының мемлекеттік Әнұраны орындалады.
ІІ. Кіріспе сөз
Тыңдаңдар,мөлдір аспан,бұйра қырат,
Таулардан сылдырап бір құла бұлақ.
Бүгін міне «Қазақ тілі апталығы»,
Көпшілік салыңыздар жырға құлақ.
Қымбатты ұстаздар,оқушылар,бүгін сіздер 21-26 қыркүйек аралығында өтетін «Тіл -асыл қазына»атты тілдер мерекесінің ашылу салтанатына жиналып тұрсыздар. Тіл – қай ұлтта, қай елде болса да қастерлі, құдыретті. Тіл –ана сүтімен бойымызға сіңіп,атадан балаға жетіп отырған ұлы күш. Елімізде қыркүйек айының үшінші жексенбісі – Қазақстан Республикасы халықтарының тілі күні. Тіл байлығы - әрбір елдің ұлттық мақтанышы. Ол атадан балаға мирас болып қалып отыратын баға жетпес мұра. Демек, әр адам ана тілін қорғауға, оның орынсыз шұбарлануының қандайына болса да қарсы тұруы тиіс.
Тәуелсіздіктің негізгі тірегі – ұлттың тілі, діні. Тәуелсіз еліміз – көпұлтты мемлекет екендігі баршамызға аян. Елбасының көреген саясатының арқасында еліміздегі барша ұлт өкілдерінің ана тілдеріне ешқандай нұсқан келтірілмей, мемлекет қолдауымен өркендеп дамуда. Сонымен қатар, тілдерді құқықтық тұрғыдан қорғау Қазақстан Республикасының Конституциясымен, ҚР «Қазақстан Республикасындағы тіл туралы» Заңымен және өзге де заң актілерімен қамтамасыз етілген. Өзіне тән тілі мен әдебиеті болмаған халық халықтығын сақтай алмас.Сондықтан өз тіліміз бен әдебиетімізді құрметтейік.
«Ана тілім өркенде,
Бола бер күшті,көркем де.»
Қазақстан Республикасы Ата заңының 7бабында «Қазақстан Республикасындағы мемлекеттік тіл қазақ тіл» деп көрсетілген.ҚР-ның мемлекеттік тілі қазақ-тілі болуы заңдылық. Ана тілінің құдіретін қанша атйсақта түгендеу мүмкін емес,біле –білгенге адамдағы ұлттық мақтаныштың алғашқы ұшқыны жүрекке тіл арқылы ұялайды,өмір бойы адамға ең тамаша эстетикалық ләззат беретін де құдіретті тіл гой»деген Расул Ғамзатов.
Тілім менің
Ұлы Абайдай,Мұхтардай пірім менің!
Тұнығым,рухани жан азығым,
Ол бүлінсе менің дебүлінгенім.
Туған жері-түп қазығы,айдыны,
Туған тілі-сатылмайтын байлығы.
Туған дәстүр,салт-санасы-тірегі,
Қадамыңа шуақ шашар үнемі.
Және туған тарихы...
Міне,құрметті ұстаздар,оқушылар, «Ана тілі бәріміздің анамыз,өйткені ол-ұлтымыздың анасы», «Ана тілін қадірлеу-әр азаматтың перзенттік парызы» демекші,анамыздың ақ сүтімен бойымызға дарыған туған тілімізді ұмытпай,ұрпақтан ұрпаққа жеткізу-мына отырған сіздер мен біздердің міндетіміз.
Ана тілі – ана сүтім, арым менің
       Сәулетім, сая бағым, сәнім менің.
       Аспаным өзіңменен арайланып
     Нұрланып атар ылғи  таңым менің
Біздің еліміз, яғни тәуелсіз Қазақстанда көптеген ұлттардың өкілдері тату-тәтті өмір сүріп жатқаны мәлім. Бүгінгі таңда Қазақстан әлемдегі ең бейбітшіл, саяси тұрақтылық, әлеуметтік-экономикалық өркендеу қалыптасқан мемлекет ретінде танылып отыр. Бұл жетістік барша қазақстандықтардың көздің қарашығындай сақтайтын байлығы деп түсінуіміз керек. Осы орайда еліміздегі ұлтаралық келісімге, әлеуметтік –экономикалық даму үрдісіне, азаматтық қоғамның орнығуына кепілдік болып отырған Президентіміз Нұрсұлтан Әбішұлы Назарбаевтың жүргізіп отырған саясатын ел болып бағалай білуіміз қажет. «Ана тілінде еркін сөйлеп, шын жүрегіңмен құрметтесең ғана өзгелерге де ана тіліңді құрметтете аласың», - деп атақты жазушы бабамыз Ахмет Байтұрсынов айтқандай, ана тіліміз өркендеп, асқар шыңдардан көріне берсін!
Мақал-мәтелдердің жалғасын табу:
1. Тіл тас жарады, тас жармаса ... (бас жарады).
2. Дәлелсіз сөз ... (желмен тең).
3. Ине көзінен сынады, ... (шешен сөзінен сынады).
4. Піл көтермегенді, ... (тіл көтереді).
5. Сөз тапқанға ... (қолқа жоқ).
6. Жеті жұрттың тілін біл, (Жеті түрлі ілім біл).
7. Шебердің қолы ортақ, ... (шешеннің қолы ортақ).
8. Қаһарлы сөз ... (қамал бұзар).
9. Бас кеспек болса да, ... (тілкеспек жоқ).
10. Айтылған сөз, атылған ... (оқпен тең).
11. Бал тамған тілден ... (у тамған).
12. Тауды, тасты жел бұзар, ... (адамзатты сөз бұзар).
13. Жақсы сөз ... (жарым ырыс).
14. Жақсы байқап сөйлер, ... (жаман шайқап сөйлер).
15. Тіл қылыштан ... (өткір).
16. Ана сүті бой өсіреді, ана тілі ... (ой өсіреді).
ІІІ.Қортынды:
Тіл – достық дәнекершісі, мәдениет көрсеткіші. Өткеніміз бен бүгініміз және ертеңгі болашағымыз тіл арқылы сыр шертеді. Сондықтан әрбір азамат ана тілін жетімсіретпей, босағаға отырғызбай төрге шығаруға, биікке көтеруге тиіс.
Осымен «Тіл асыл казына» атты әдеби сазды кешіміз аякталды. Уақыт бөліп, тыңдағандарыңызға рахмет!