Тапқыр математик

Жамбыл облысы, Шу ауданы Төле би атындағы орта мектебінің

бастауыш сынып мұғалімі Садырбаева Құралай Сабырқызы.

Сабақтың тақырыбы: Тапқыр математик

Мақсаты: Оқушылардың математикаға деген қызығушылығын арттыру, математикалық ойлау қабілетін дамыту, алған білімдерін тереңдету, кеңейту, есептеу дағдыларын жетілдіру.

2.Оқушылардың зейінін, ойлау, зерде процестерін дамыту.Қиялын ұштап, қабілеттерін шыңдау, шығармашылық қабілетін дамыту.

3.Логикалық т.б. тапсырмалар арқылы оқушылардың ақыл - ой белсенділігін тәрбиелеу, ұйымшылдыққа, тиянақтылыққа баулу.

Сабақтың түрі: Жарыс сабақ.

Сабақтың әдістері: Сұрақ - жауап, сұхбаттасу, түсіндіру, көрнекілік.

Көрнекілігі: презентация, қима тапсырмалар.

Сабақтың барысы: І Ұйымдастыру кезеңі.

Мұғалім: Бүгінгі "Тапқыр математик " сайыс сабағына қош келдіңіздер.

1.Психологиялық дайындық.

Дос болайық бәріміз,

Жарасып тұр әніміз.

Тыныштықты сақтаймыз,

Атсын күліп таңымыз.

2.Кіріспе.

Бүгін сайыс төріне

Математика тілінде

Есеп шешіп таласып,

Жұмбақ айтып аңдысып,

Шабыттасып шалқысып

Кең пейілді жігермен

Келді міне көп білген.

Бүгінгі сайысымыз 5 кезеңнен тұрады.Сайысқа 3 топ қатысады.

"Тапқыр" тобы, "Намыс" тобы, "Жігер" тобы.

3.Енді сайысымыздың кезеңдерімен танысайық.

1."Кім жылдам?"

2."Ойлан, тап"

3."Сандар сыры"

4. "Мерген"

5."Көкпар" топбасшылар сайысы.

4.Шын жүйрік шабысынан танылады,

Нақты білім, терең ой сыналады.

Баға берер әділқазы ортамызда,

Сідерге құрметпен қол соғылады - дей келе әділқазылар алқасымен танысып алайық.

1. ........................................

2. ........................................

3. .........................................

ІІ.Жаңа сабақ.

1.Балалар Орыс ғалымы Ломоносов "Ақыл ойды тәртіпке келтіретін математика " сондықтан да оны оқу керек деген.Олай болса сндер қызықты математиканың жұмбақты да тартымды әлемімен танысасыңдар.Сайыста сендерге әртүрлі қызықты сұрақтар мен тапсырмалар беріді.Сайысты жеңу үшін, сендер белсенділік танытып, берілген сұрақтарға тезірек ойланып жауап берулерің керек.Олай болса сендерге сәттілік тілей отырып, сайысымызды бастайық.

2 Әр топ өзін - өзі таныстырып өтеді.

І топ - "Тапқыр"

Жарыс десе жанамыз,

Бүгінгі күн жарыста тапқырлықпен аламыз.

ІІ топ - "Намыс"

Қандай сынақ болса дағы беріспе,

Әрқашанда үміткерміз жеңіске.

ІІІ топ - "Жігер"

Бәріміз біргеміз,

Берік іргеміз.

Бірге: Біз дайынбыз бұл сайысқа достарым,

Көрсетеміз бізде қандай күш барын.

Алға қойған мақсатымыз бір екен,

Сәтті болсын сапарымыз әрдайым!

І - кезең "Кім жылдам"

Қадірін білсең егер сен,

Қол ұшын берер ол саған.

Есептеп жүрсең бәрін де,

Сүрінбейсің өмірде.

І - топ "Тапқыр"

1.Үш орындықтың неше аяғы бар? (12 аяғы бар)

2.Екі адам 4 сағат шахмат ойынады, олардың әрқайсысы неше сағат ойнады? (4 сағат)

3.Нанды үш бөлікке бөлу үшін нанды неше рет кесу керек? (2 рет)

4.Қырықаяқта неше жұп аяқ бар? (20)

5.Сенбіден кейін 2 күннен кейін қай күн келеді?

ІІ - топ "Намыс"

1.Үстел беті төрт бұрыш, оның бір бұрышын кесіп алсақ неше бұрыш қалады? (5)

2.Қай айда 28 деген сан бар? (ақпанда)

3.Ағаш үстінде 100 торғай отырды.Аңшы 10 торғайды атып алды, торғайлардың қаншасы қалды? (10)

4.2 мысық, 3 тауықтың аяғы нешеу? (14)

5.Егер тырна бір аяғымен тұрса 3 кг. тартады, ол екі аяғымен тұрса оның салмағы неше кг. болады? (3 кг.)

ІІІ - топ "Жігер"

1.50 саны шығу үшін қандай санды 4 - ке бөлу керек? (200)

2.Шөпте қояндар тығылып отыр, тек 10 құлақтары ғана көрініп тұр.Қанша қоян тығылып отыр? (5)

3.Екі баланың біреуі солға, біреуі оңға қарап тұр.Олар бір - бірін көре ма? (көрмейді)

4.Поезда 7 вагон бар.Ортадағы вагонның номеры қандай сан? (4)

5.Екі қолтырауын ұшып жарысты.1 - уі қызыл, 2 - сі көк.Қайсысы мәреге бұрын жетеді?

(қолтырауын ұшпайды)

ІІ кезең "Ойлан, тап"

І - топ "Тапқыр

Талғат атасынан "Сіз неше жастасыз деп сұрады?"Атасы "Егер менің жасымды 7 есе кеміткенде , шыққан санды 7 - ге кемітсең 2 шығады.Менің жасым нешеде екенін өзің таба ғой" депті.Талғаттың атасы неше жаста? (63 жаста)

ІІ - топ "Намыс"

Қорада қаздар жүр.Олардың аяқтарының саны 22. Оларға 3 үйрек пен 4 лақ келіп қосылды.Енді қорада неше аяқ серуендеп жүр? (44 аяқ)

ІІІ топ "Жігер"

Мен бір сан ойладым.Сол санды 5 - ке көбейтіп, нәтижеге 2 - ні қостым.Қосындыны 6 - ға бөлгенде 7 саны шықты.Мен қандай сан ойладым? (8)

Өнерлі балаларға кім жеткен,

Әр салада небір өнер көрсеткен

Үшінші сайысты біз бастайық,

Өнерлінің әрқашанда өрісі кең - дей келе келесі "Сандар сыры"кезеңіне келіп жеттік.

Мұнда сандардан құралған мақал - мәтелдер беріледі.Мақалдың басын мен айтамын, аяғын сендер жалғастырасыңдар (әр дұрыс жауапқа 1 ұпайдан қосылады)

ІІІ кезең "Сандар сыры"

І - топ "Тапқыр"

1.Білекті бірді жығады,...............................(білімді мыңды жығады)

2.Бір тал кессең ................................... (10 тал ек)

3.Досыңды үш күн сынама .......................... (үш жыл сына)

4.Жеті атасын білмеген .............................. (жетімдіктің белгісі)

5.Ерке бала ...........................................(екі жылар)

ІІ - топ "Намыс"

1.Бір кісі қазған құдықтан, ................................................. (мың кісі су ішеді)

2.Қырықтың бірі .......................................... (қыдыр)

3.Тоқсан ауыз сөздің .................................. (тобықтай түйіні бар)

4.Бес саусақ ....................................(бірдей емес)

5.Тойған жерге ................................(тоғыз кел)

ІІІ - топ "Жігер"

1.Екі жақсы қас болмас..............................( екі жаман дос болмас)

2.Жеті рет өлшеп ....................................(бір рет кес)

3.30 тістен шыққан сөз ............................(30 рулы елге тарайды)

4.Бес бармақ жиналса ..............................(жұдырық болады)

5.Отыз күн оразаның ................................( бір күн айты бар)

ІІІ.Сергіту сәті. "Қаражорға"

ІV кезең "Мерген"

Ғылымның сырын ұғына,

Шығыңдар білім шыңына

Ұқыптылықпен зеректік

Жеткізер сендердей өренді

Жеңістің мынау шыңына деп "Мерген" кезеңіне де жеттік

ІV кезең "Мерген"

І топ "Тапқыр" ІІ топ "Намыс" ІІІ топ "Жігер"

Бір күні Қожаның үйіне ұрылар түспек болады.

Үй иесі мұны сезіп:

Сапырып - сапырып Сарманға бер,

Құйып - құйып Құрманға бер.

Есіктегі екеуге бер,

Төрдегі төртеуге бер.

Өзің іш те, маған бер деген екен.

Мұны естіген ұрылар - "Қой мұнымыз болмас, бұл үйде толы кісі болды, әрі бізден екі есе артық екен, кетейік" деп кетіп қалыпты.Үй иесі тапқырлығымен аман қалыпты.Үйдегі кісі нешеу, ұры нешеу. (үйдегі адам 10, ұры 5)

V кезең "Көкпар" топбасшылар сайысы.

Әр топбасшысына 10 V кезең "Көкпар" топбасшылар сайысы.

сұрақ қойылады.1 минутта жауап беру керек.Әр сұраққа 1 ұпай.

ІV.Сабақты қорыту.

Осымен сайыс сабағымыз өз мәресіне жетті.Келесі сөзді әділқазылар алқасына береміз. Сайыстың қорытындысын шығарып, бүгінгі ең тапқыр оқушылар тобын атап өтсе.

V.Марапаттау.