Сабақтың мақсаты: Балаларға табиғат туралы түсінік беруде бүкіл әлемдегі тіршіліктің төрт құдіреті күн,ауа,жер,су екенін түсіндіру,туған табиғатқа сүйіспеншілікпен,мақтаныш сезіммен қарауға баулу,мақал-мәтел,жұмбақ,нақыл сөздер,өлеңдер айтқызу арқылы Отанға,туған жерге,елге деген сүйіспеншілігін арттыру.
Просмотр содержимого документа
«Табиғаттың төрт құдыреті»
Сабақтың тақырыбы : Табиғаттың төрт құдіреті.
Сабақтың мақсаты:Балаларға табиғат туралы түсінік беруде бүкіл әлемдегі тіршіліктің төрт құдіреті күн,ауа,жер,су екенін түсіндіру,туған табиғатқа сүйіспеншілікпен,мақтаныш сезіммен қарауға баулу,мақал-мәтел,жұмбақ,нақыл сөздер,өлеңдер айтқызу арқылы Отанға,туған жерге,елге деген сүйіспеншілігін арттыру.
Сенен алып тұрғандай бар тынысын,-деп осы өлең жолдарымен тәрбие сағатын ашамыз.
Балалар мен сендерге жұмбақ жасырамын.Сендер сол жұмбақтың шешуін тапсаңдар,бүгінгі әңгімеміздің тақырыбы шығады.
Көктемде көгереді,
Жазда ырысқа бөленеді.
Күзде пісіп марқаяды,
Қыста бірден қартаяды.(Жер)
Міне,ортамызға жұмбақтың шешуі де келді.
Жер: Армысыздар,ағайындар!
Мұғалім: Балалар,бізге жер не береді?
1-оқушы: Табиғаттың басты байлығы-жер.Жер-біздің қазынамыз,байлығымыз.
2-оқушы: Адамдар,жануарлар,өсімдіктер өз қорегін осы жерден алады.
3-оқушы: Ата-бабамыз осы жер үшін сан ғасырлар бойы қан төгіп,басын қатерге тіккен.
Мұғалім: - Жер туралы қандай мақал-мәтел білеміз?
Оқушылар жер туралы білетіндерін ортаға салады.
-Жер туралы қандай өлең білесіңдер?
4-оқушы: Адамдар,жер-сенің аяулы бесігің,
Осы жер үстінде аштың сен тіршілік есігін.
Онымен кіндіктес жаның да,қаның да,
Жер жаһан аялап тұр алақаныңда.
Мұғалім: Жер,сіздің тілегіңізге,пейіліңізге рахмет,төрге шығып жайғасыңыз!Ал,балалар екінші жұмбақты шешейік.
Өмірде одан мол ештеңе болмайды,
Құшақтасаң,құшағың толмайды.(Ауа)
Мұғалім: Ал,балалар,бір тәжірибе жасап көрейікші.Аузымызды жауып,танауларымызды қысып,дем алмай тұрайық.
Балалар,біз дем алмасақ тұншығамыз.Демек,бізге өте қажет.
(Ортаға ауа кіреді)
Ауа: Сәлеметсіздер ме,қонақтар! Сендерге ауа керек пе? Қане дем алыңдар ауамен. Мен туралы не білесіңдер? Мен не үшін керекпін?
Оқушылар: Жер бетінде барлық тіршілік ауамен ғана өмір сүреді.
Таза ауада ұзақ жүрген ұзақ өмір сүреді.
Атамекен ауасы-жан-жүйенің дауасы.
Ауаны былғама,ауа-Алланың демі.
Мұғалім: –Ауаны былғамау үшін не істеу керек?
-Кім ауа туралы өлең біледі?
5-оқушы: Жер шары дәу әлем,
Қоршалған ауамен.
Ауасыз кім шыдар,
Ауасыз тұншығар.
Өмір сүріп тамаша,
Қуанайық балаша.
Мұғалім: Ал,балалар,келесі жұмбағымыздың шешуін тауып көрейік.
Өзі-көзі,
Көзі-өзі.
Түнде сөнеді,
Таңертең шығады.(Күн)
(Ортаға күн кіреді)
Күн: Армысыздар,жер бетіндегі тіршілік иесі.Мен жылуыммен жер бетін қыздырып,әр кеудеге қуаныш сеуіп,әр жүрекке күлкі болып енемін.Әрбір арайлап атқан таңмен бірге сіздерге тыныштық,бейбітшілік тілеймін.
Мұғалім: Нұрын төккен қайырымды күн, төрден орын алыңыз.
Оқушылар: Адам бойына шабыт,көңіліне қуат,сезіміне саулық пен сағыныш ұялататын-күн.
Күн-жер бетіне тіршілік пен сәуле шашатын құдіретті от.
Мұғалім: –Балалар күнге қандай тілек айтар едіңдер?
Оқушылар жауап береді.
6-оқушы: Ал,халайық,халайық,
Табиғатқа қарайық!
Жер,су,ауа тазарса,
Пайдалы екен бұл аса.
II.Сергіту сәті.
7-оқушы: Жауын жауып басылды,
Күннің көзі ашылды.
Құлақ тігіп далаға,
Тыңдап тұрмын мен бәрін.
Келіп кетті менің де,
Жер анаға ұқсағым.
Мұғалім: Балалар, менің соңғы шумағымды шешіп көріңдер.
Өмірдің өзені,
Өмірдің өзегі.
Онсыз жер өмірсіз.(Су)
(Ортаға су кіреді)
Су: Армысыздар,халайық!Мен сіздерге қонаққа келдім.
Мұғалім: Төрлетіңіз!Оқушылардың өнерін тамашалаңыз.
8-оқушы: Керек,керек жуыну,
Таңертең және кешке.
Жуынбайтын жалқауға
Ұят-ау,ұят бұл деген.
Мұғалім: Оқушылар, судың қажеті не?
9-оқушы: Су-тазалық пен денсаулық кепілі.Сусыз тіршілік жоқ.Суға түкірме.Судың да сұрауы бар.
Мұғалім: Атам қазақ судың шағап жатқан жерін »Әулие бұлақ»деген.»Бұлақ көрсең,көзің аш»деген.
Көрініс: «Кірқожалақ»
(Бұл көріністен Кірқожалақ судың пайдасын түсінеді).
Оқушылар су туралы білгендерін айтады.
III.Қорытындылау:
Мұғалім: Балалар,біз не жайында сөйлестік?(Табиғаттың төрт құдіреті ауа,жер, су, күн жайында.)
Осы төртеуі болмаса,тіршілік болар ма екен?Жоқ. Табиғат, Атамекен, туған жер-бір-бірінен ажырамайтын ұғым. Оларды қорғау, сүйе білу –біздің борышымыз.
