Сөз құрамы

11.01.16ж.Тақырыбы: Сөз құрамы

Мақсаты: а) 2 - сыныпта өткенді қайталау, жүйелеу; сауатты жазу дағдыларын қалыптастыру; сөз және оның мағынасы туралы түсініктерін пысықтау;ә)сөзді талдау қабілеттерін дамыту; сөз мағынасын ұғыну қабілеттерін дамыту, белсенділіктерін дамыту;б)ұқыптылыққа, ұйымшылдыққа тәрбиелеу;

Сабақ түрі: қайталау сабағы

Көрнекіліктер: кесте;, суреттер, қималы карточкалар.

Әдіс - тәсілдер: жұптық, топтық, өзіндік

Сабақ барысы: I.Ұйымдастыру

II.Өткен сабақты еске түсіру. Сұрақ- жауап.

Көп мағыналы сөздер деген не? Мәндес сөздер деген не?

III.Сөз құрамы.

Сөз дыбыстардан құралады. Дыбыстар әріптермен таңбаланып жазылады. Дыбыстарды айтамыз, естиміз. Әріптерді көреміз,жазамыз. Мысал келтіріп оны сөз құрамына талда ауызша.

1-жаттығу. Ауызша орындау.

2-жаттығу.Сызбаға қарап, оны толықтыр.

3-жаттығу.Берілген сөздердің түбірі мен қосымшасын ажырат. Сөйлем құрастырып жаз.

Құр-ақ, құр-ақ-тар, күй-ші, күй-ші-нің, оқу-шы, оқу-шы-ның, теңіз-ші-ні, теңіз-ші-лер, теңіз-ден, кітап-тар, қобыз-шы-лар, ауыл-дар-ға, үй-ге, өнер-лі, орау-шы-лар.

4-жаттығу.Сөздерге жұрнақты жалғап жаз.

1.Мүсін-ші, қой-шы, ел-ші, мал-шы, би-ші.

2.Саз-гер, қала-шық, іс-кер, көл-шік.

3.Мұнай-лы, көктем-гі, қыс-қы, дала-лы, жылқы-лы.

IY. Сергіту. Ойын: кім жылдам?

Y. Өзіндік жұмыс.Қима қағазбен жұмыс.

YI.Бекіту. Сұрақ-жауап.

1.Түбір деген не? 2. Қосымша деп нені айтамыз?

3.Жалғау деген не? 4. Жұрнақ дегеніміз не?

YII.Бағалау. Үйге: 5-жаттығу. 115 бет.

12.01.16ж. Сабақтың тақырыбы: Сөз құрамы.

Сабақ мақсаты: а)оқушылардың   сөз құрамы  бойынша   алған  білімдерін    тиянақтау, қосымшаларды сөздерге  дұрыс   жалғай  білуге үйрету ; сөйлеу мәдениетін жетілдіру, топпен жұмыс істеуге дағдыландыру.

ә)ауызша, жазбаша жаттығулар   жүргізе отырып оқушылардың   сауаттылығын ,  тілін  дамыту, логикалық ойлау   және сөздік  қорын  молайту.  

 б) сыни тұрғыдан талдауға өз көзқарастарын білдіре алуын,сөйлеу мәдениетін,ой түюге баулу қабілеттерін шыңдау, адамдық асыл қасиеттерге тәрбиелеу.

Сабақтың түрі:  ойын сабақ

Сабақтың әдіс-тәсілі: СТО технологиясы, ойын әдісі, шығармашылық жұмыс

Сабақтың көрнекілігі:  сызбалар, топшамалар, бағалау парақтары.

САБАҚ БАРЫСЫ: І.Ұйымдастыру кезеңі:

- Әрбір адам? - Туысым, досым, жұрағат.

- Әрбір сабақ? - Үйрену, ұғу, ұлағат.

- Әрбір ісім? - Тірлік,тірек, адамдық.

- Әрбір сөзім? - Шындық, бірлік, адалдық.

ІІ.Үй тапсырмасын тексеріп, пысықтау.

Жұппен жұмыс. Қатар отырған екі білім алушы бір-біріне сұрақ қойып, жауап береді.

ІІІ.Жаңа сабақ: Сөз құрамы.

Түбір дегеніміз – сөздің  бөлшектеуге келмейтін ең түпкі мағыналы бөлігі. Ал, қосымша дегеніміз түбірге жалғанатын бөлшектер. Мысалы: жолдастық, сауыншылар, мектептердің, көрінген деген сөздердің түбірлері – жол, сау, мектеп, көр. Себебі бұлар қосымшасыз тұрып та белгілі бір мағынаны білдіреді. Осы түбірлерге жалғанған –дас,  - тық, - ын, - шы, - тер, дің – бөлшектері қосымша деп аталады. Қосымша жеке тұрғанда ешбір мағына білдіре алмайды .Қосымша екіге бөлінеді:жұрнақ,жалғау .

.  «Ой шақыру» стратегиясы. Білім алушылар өз ойларын ортаға салады.

1.Жұрнақ деп нені айтады? 2.Жалғау деген не? 3.Қосымша деген не?

Оқулықпен жұмыс.6-жаттығу. Тақтаға орындау.

7-жаттығу.Берілген сөздердің түбірі мен қосымшасын ажырат.

8-жаттығу. Өз бетімен орындау.

1.Ән-ші, жылқы-шыл, жер-шіл, мал-шы, би-ші.

2.Жұмыс-кер, ойын-шық, іс-кер, үй-шік.

3.Арба-лы, жаз-ғы, қыс-қы, қала-лы, күз-гі, түйе-лі.

9-жаттығу. Ауызша орындау.

10-жаттығу. Жаңылтпашты оқып, жатқа жаз. Ребусты шеш: егіншілер

11-жаттығу.Сөйлем құрастыр.

дәрі-гер, оқу-шы, жұмыс-шы, кітап-тар, өнер-лі, бүркіт-ші.

12-жаттығу.Көп нүктенің орнына тиісті жалғауды қойып жаз.

Еңбектің наны тәтті, жалқаудың жаны тәтті. Ердің атын еңбек шығарады. Жері байдың елі бай. Шеге тағаны сақтайды, таға тұлпарды сақтайды.

14-жаттығу. Өз бетімен жазу.

Ұш-қыш, ұш-па, ұш-ты, ұш-ақ.

15-жаттығу. Жұппен жұмыс.

IV. Сергіту. Ойын: Қай топ шапшаң? Топшамамен жұмыс. 

 V. Қорытындылау:  «Зерделі сұрақ, дәлелді жауап». 

• Сабақтан қандай әсер алдыңдар?

• Сабақ барысында қандай қиындықтар туындады?

• Қай тапсырма орындауда қызықты болды?

• Білімдеріңді қай тапсырманы орындағанда толық жеткізе алдыңдар?

VI. Үй тапсырмасы:16-жаттығу. Ережені қайталау.

VIІ.Білімді бағалау:  Үш топ бірін-бірі бағалайды.   Бағалау парағы