Шешенің балаларын сүюі

Сабақтың тақырыбы

М.Дулатов Шешенің балаларын сүюі

Сабақтың мақсаты

Оқушыларды ақын өмірбаянымен таныстыра отырып, берілген өлеңінің тақырыбы мен идеясын ашу.
Ананың құдіреті мен қасиеті туралы дерек беру. Оқушылардың ой - өрісін, тіл байлығын, жүйелі сөйлеуге, өз ойын айта білуге баулу.
Қазақтың ұлы адамдарына сүйіспеншілікпен, мақтанышпен, құрметпен қарау сезімдерін тәрбиелеу.
Сабақтың түрі: Аралас сабақ.
Сабақтың әдіс - тәсілі: сызбамен жұмыс, сұрақ - жауап, өлең шығару, эссе жазу.
Сабақтың көрнекілігі: слайд
Пәнаралық байланыс: қазақ тілі.

Психологиялық дайындық

Сәттілік біздер тілейік,
Мен саған, сен маған.
Күндей күліп жүрейік,
Күннің нұрын төгейік,
Мен саған, сен маған.

Оқушылар шеңберде жиналып,мұғаліммен бірге бүгінгі сабаққа сәттілік тілейді.

Топқа бөлу

І-топ Ата

ІІ-топ Әже

ІІІ-топ Ана

ІV-топ Әке

Оқушылар топқа бөлініп отырады.

Үй тапсырамасы

Әңіме кім туралы айтылады?

А. Байтұрсынұлының сөйлеген сөзінен, іс-әрекетінен қандай адам екенін байқауға бола ма?

Балалардың айтқан жұмбағы мен жаңылтпашы ұнады ма?

Қызығушылықты ояту

Үш әріптен тұратын,
Есімі оның тұрақты
Оңға оқы, солға оқы,
Өзгермейді еш одан
Күнім, жаным дейтұғын,
Айтады кәні, кім атын? / Ана/
Топтастыру стратегиясы.
- Сонымен, балалар, «Ана деген кім?» сұрағына қойылатын жауаптар тізбегін жазайық.
Ана кім?
- Қамқоршы
- Дос
- Ұстаз
- Жарық өмір сыйлаушы
- Жанашыр
- Ақылшы
- Мейірімді жан
- Пана
- Аяулы жан

Ана

Мағынаны тану

Бүгін біз М. Дулатов туралы білетін боламыз. М. Дулатов кім? (Оқушылар тақтаға өздері жазады)
М. Дулатов
Ақын, жазушы, Алаш қайраткері, аудармашы, драматург
Міржақып Дулатұлы 1885 жылғы 25 қарашада бұрынғы Торғай облысы, Жанкелдин ауданындағы Қызылбел елді мекенінде дүниеге келген.
1935 жылы 50 жасқа 1 ай қалғанда «Ақ теңіз - Балтық» каналының бойындағы Сосновец станциясындағы түрме ауруханасында ауыр науқастан қайтыс болды.
Міржақып «Оян, қазақ» кітабында ұран салып халқын өнер - білімге шақырған. Қазақ елінің басқа жұртпен терезесі теңеліп, іргелі ел болуын көксеген.
Міржақып шығармалары
Өлеңдері:
Алашқа
Зар заман
Мектепке
Елім - ай
Жас қазақ, қайдасың?
Шешенің балаларын сүюі т. б
Әңгімелері:
Жазғы кеш.
Оқымысты бала.
Күз.
Қасқыр қысты қалай өткізеді?
Шалдың үш баласы.
Ешкімге жауыздық қылма. т. б.

Олай болса, балалар, бүгін біз осы өлеңдердің ішінен өзімізге ең жақын адам ана туралы, анасы балаларын қалай жақсы көретіндігі туралы «Шешенің балаларын сүюі» деп аталатын өлеңімен танысамыз.
Анаға баланың алалығы жоқ - демекші әр ана өз баласын жақсы көреді. Сендерді әрдайым ойлап, үлгілі, әдепті, білімді болғандарыңды қалайды.
Операциялық - орындаушылық кезең
«Шешенің балаларын сүюі» өлеңін мәнерлеп оқу. Мағынасын түсіндіру. Оқушыларға оқыту.
Өлеңнің ішінен сұрақ - жауап үлгісінде жазылғанына назар аудар.
Бала дүниеге шыр етіп келгеннен бастап, анасының қасында болады. Біз ана туралы өз ойымызды айтайықшы.
- Ең жақын адам
- Ең қымбат адам
- Тілекші
- Қамқоршы
- Жарық өмір сыйлаушы.
Сөздікпен жұмыс.
Көз жасын көлдету - қатты жылау.
Төбесі көкке жету - қуану.

Ой толғаныс

1. Бүгін кімнің өмірбаянымен, қандай өлең шумағымен таныстық.

2. Өздерің аналарың туралы қандай жылы сөздер айтар едіңдер.

Шығармашылық жұмыс. «Анашым» әні орындалып тұрады.
1 - топ. Ана туралы эссе жазу
2 – топ . Ана туралы мақал - мәтел жазу
3 - топ. Ана туралы өлең құрастыру.

4 –топ. Ананың суретін салу
------------------ данасың,(анашым)
------------------ панасың. (Біздерге)
------------------ баласын, (аялап)
------------------ анашым. (өсірген)

Рефлексиялық - бағалау кезеңі
Ана өмір шырағы,
Ана өмір тірегі.
Ана – деген жылы есім,
Жан тербетер ұлы есім.

Сабақты қорыту

1. Бүгін кімнің өмірбаянымен, қандай өлең шумағымен таныстық.

2. Өздерің аналарың туралы қандай жылы сөздер айтар едіңдер.

Оқушылар өз ойларын айтады.

Үйге тапсырма

Өлеңді жаттап алыңдар.

Күнделіктеріне жазып беремін

Бағалау

Оқыту үшін бағалау және оқуды бағалау

Бағалау парақшасын толтырады.

Кері байланыс

Смайликтерді өзі қалаған нұсқаға жабыстырады