Сабақтың тақырыбы: Анималистік жанр

Пәннің  атауы:

бейнелеу өнері

Күні:  07.10.2015ж

Сыныбы: 2  «Г»

Сабақтың  тақырыбы

Анималистік жанр

Сабақтың  мақсаты

 «Алтын  сандық» ойыны Анималистік жанр туралы мағлұмат беру, оқушылардың шығармашылық ой-өрісін дамыту, бейнелеу өнеріне деген қызығушылығын арттыру.

Күтілетін  нәтиже

Оқушылар мүсін өнері туралы біледі.Сұрақ қою арқылы  дүниетанымы, шығармашылық қабілеттері дамиды.

Ресурстар

Бояу түрлері, ойынның тақырыбы жазылған плакат және қақпа көрінісі бейнеленген плакат, ұпай есептеуге арналған геометриялық фигуралар.

Іс-әрекет  барысы

Мұғалімнің  іс – әрекеті

Оқушының  іс - әрекеті

 Ұйымдастыру

Топқа  бөлу

Оқушыларды түгендеу сабаққа дайындықтарын тексеру.
Үйге берілген тапсырманы тексеру.
Өткен тақырыптарды қайталауға сұрақтар.
Топқа  бөлу:   Оқушылар  геометриялық  фигуралар  арқылы  2  топқа  бөлінеді

(жауап  берген  топқа ұпай  беріледі)

Оқушылар  шеңберге  жиналып,мұғаліммен  бірге  бүгінгі  сабаққа  сәттілік  тілейді.Оқушылар тездетіп екі топқа бөлінеді.

Тұсау  кесер

Оқушылар  бүгінгі  сабақта  «Алтын  сандық»  ойынын  ойнаймыз.

Алтын  сандықтың  бірнеше  тапсырмасын  орындау  арқылы  ішіндегі  сіздерге  арналған  сыйлықты  аламыз.

1-слайд

1- тапырмасы. Сұрақтарға  жауап бер.

-Мына сүйкімді жануар туралы не айтасыңдар?

-Басты кейіпкерлері жануарлар болатын қандай мультфильмдерді білесіңдер?

-Жануарлардың қандай пайдасы бар?

Ø Натюрморт дегеніміз не?
Ø Пейзаж дегеніміз не?
Ø Палитра дегеніміз не?
Ø Мольберт дегеніміз не?
Ø Қазақстан суретшілерін атаңыз?
Ø Живописьте қолданылатын бояу түрлерін атаңыз?
Ø Ермексаз дегеніміз?
Ø Портрет дегеніміз не?

Оқушылар  сұраққа  жауап  беру  арқылы өз  ойларын  айтады

Негізгі  бөлім

2-слайд 

2 тапсырмасы  Оқулықпен жұмыс.

Мүсіннің шығу тарихы  Қазақстан аумағында ежелгі мүсін өнері ескерткіштері тас дәуірінде пайда болған.
Бұл тас мүсін – Балбал тастар.
Оны жасауға сопақ пішінді тастарды іріктеп алған. Олар: Орталық Қазақстан, Жетісу өңірінде көп кездеседі. Ертеректегі тас мүсіндер жалпақ, әрі көлемді болып келеді. Одан кейінгілері жұмырлы мүсін болып келеді.
Мүсіндеу өнері - көркем өнердің бір түрі.
Мүсіндеудің түрлері: 1. жұмыр мүсіндеу 2. рельеф(бедерлі) Жұмыр мүсінді барлық жағынан қарауға болады.
Мүсіншілер өздерінің шығармаларын жасау барысында адам мен жануарлардың мүсіндерін жан - жақты қарап отырып сомдайды.
Мысалы: Хакімжан Наурызбаев (27. 08. 1925 жылы туған, қазіргі Қостанай облысы, Ленин ауданы) — қазақтың тұңғыш кәсіпқой мүсіншісі, қазақ халқының көрнекті қайраткері, А. Иманов, Ж. Жабаев, А, Құнанбаевтың монументалды бюстері шықты.

3-слайд  Н.  Тілендиевтің  «Аққу»  күйі тыңдалады.

3-тапсырмасы   мына  күйден  қандай  дыбысты естідіңдер?

Мұғалім:

Аққу туралы қандай аңызды немесе өлеңді білесіңдер.
Нұрғиса шығармашылығының негізгі бір қыры күйші композитор. «Аққу» күйі орындалғанда, бірде Нұрғисаның әкесі Тілендінікі де, енді бірде Нұрғисаның өзінікі деп екі есім аталады. Осылай жазылып та жүр. Енді ойланып көрейікші Нұрғисаның 5 - 6 жасында әкесі Тіленді дүние салады. Әкесінің орындаған «Аққу», «Терісқақпай», «Арман» күйлері Нұрғисаның құлағында қалады. Бүгінгі орындалып жүрген «Аққу» күйі сол әке сарынының жылдар өте жетілдірілген нұсқасы. «Аққу» күйінің жетілдіріле түскенінен Нұрғиса қолының табы білінеді. Олай болса «Аққу» күйінің авторларының атын жеке - жеке атамай Нұрғиса Тілендінің күйі «Аққу» деп екеуін де бірдей атаған дұрыс па дейміз «Аққу» күйі Қыз Жібек фильмінде орындалады. Түсіру кезінде аққулар қамыс арасынан шықпай қойған. Күй тартылғанда аққулар домбыраның дыбысын аққудың сұңқылы деп қабылдап, қамыс арасынан шыққан дейді.

4-слайд
Сергіту  сәті:
Түрлі - түсті келбетті,
Қандай әсем жер беті!
Алуан бояу баулары,
Аппақ басты таулары.
Қандай әсем жер беті

4-тапсырмасы. 

Анималистік  жанр  дегеніміз  не?

Мұғалім:  Анималистік жанр -(лат. Жануар ) хайуанаттар дүниесін бейнелеу өнері.
Анималист мүсінші – Жануарларды бейнелейтін мүсінші.

Суретшілердің  осындай  күйлерді, шығармаларды  тыңдай  отырып, мазмұны  бойынша  жануарларды  бейнелейтін  суреттер анималистік  жанр  деп  атайды.
 

5-слайд

6-слайд  Машықтық жұмыс.
І топ. Түйені қалай бейнелейміз?
« Түйені бейнелеу тәсілі» Композиция құрастыру.
ІІ топ. Аққуды қалай бейнелейміз?
«Аққуды бейнелеу тәсілі»
Аққулы композиция құрастыру
Түйе мен аққуды бейнелеу жолдары көрсетіледі.

7-слайд  Аққудың,  түйенің  суреттері.

Ермексаздан құстарды мүсіндеу.

Қауіпсіздік ережесін біледі.

Шаршағандары  басылып,көңіл – күйлері  көтеріледі.

Үн  таспадан  күй  тыңдалады.

Естіген  дыбыстарын  айтады.

Аққу  туралы  естігендерін, өз ойларын  айтады.

Шаршағандары  басылып,көңіл – күйлері  көтеріледі

Композицияны құрастыру әр оқушының өз қиялынан шығуы тиіс.
 

Қорытынды

8-слайд

Оқушылардың жұмыстарын тексеріп, сұрақ қою арқылы түсініктерін тексеру.Оқушылардың жұмыстарын салыстырып қателерін айту.

Өз  ойларын  білдіреді.

Бағалау

Екі топтан ұпай сандарын есептеп, марапаттау.

Рефлексия:

• Сабақ өте ұнады   қызыл
• Сабақ ұнады         жасыл
• Сабақ ұнамады    сары

Сандықшаның  ішіндегі  сабаққа жақсы  қатысқан  топты  марапаттап әр топтың  сыйлығын  тапсыру.

Оқушылар бір-бірін бағалайды.

Оқушылар  сыйлықтарын  алады.

Үйге тапсырма

Жануарларды мүсіндеу
 

Күнделіктеріне  жазып  алу.

Кері  байланыс

Өздерінің  ой-пікірлерін  жазып  іледі.