Сабақтың тақырыбы: Буын. Не деу керек? Ә. Дүйсенбиев.

Сабақтың тақырыбы: Буын. Не деу керек?  Ә. Дүйсенбиев.                  

Білімділік:  Оқушылардың  буын туралы білімдерін жетілдіре отырып, буын түрлерін қайталайды. Өлеңді түсініп, мәнерлеп оқуға дағдыланады.

Дамытушылық: Оқушылар  оқу және сөйлеу дағдыларын қалыптастырады. Сөздік қорларын молайтады, ой –өрісін, тіл байлығын дамытады, сауатты жазуға дағдыланады.

Тәрбиелік:  Оқушыларға  ұлттық тәрбие бере отырып, бір –біріне деген жанашырлыққа, ұйымшылдыққа, белсенділікке, үлкенді құрметтей білуге тәрбиелеу.

Сабақтың түрі:саяхат сабақ

Сабақтың әдісі: сұрақ-жауап, көрнекілік, әңгімелеу, түсіндіру.

Көрнекілігі:  қазақ үй, сандықша, қима тапсырмалар.

Техникалық құрал: интербелсенді тақта, слайд, музыкалық аудио таспа.

Пәнаралық байланыс: математика, дүниетану, музыка.

Сабақтың барысы:

І.Ұйымдастыру кезеңі – 2 мин

ІІ.Үй тапсырмасын тексеру – 8 мин

ІІІ.Жаңа сабақ -15 мин

ІV.Сергіту сәті - 2 мин

V. Қорытындылау -7 мин

VІ.Үйге тапсырма беру – 3 мин

VІІ.Бағалау – 3 мин

              -Сәлеметсіңдер ме балалар, қазір бізде қай  сабақ?

              -Ана тілі.

              -Балалар, сәлемдесудің қандай түрлерін білеміз?

              -Сәлеметсіз бе, амансыз ба, сәлем т.б.

              -Ендеше, қазір біз сәлемдесудің мына түріне назар аударайықшы.

І.Ұйымдастыру кезеңі: / көрініс, екі бала ортаға шығып амандасады /

           -Ассалаумағалайкүм!  - «Алланың нұры жаусын!»

           -Уағалайкүмассалам! – «Өзіңізге де соны тілеймін!»

           -Өте, жақсы.

            Алдымыздан кезіккен,/оқушылар хормен/

            Көп танысты көреміз.

            Бәріне де ізетпен,

            Біздер сәлем береміз.

ІІ.Үй тапсырмасын тексеру.

            -Балалар, үйге қандай тапсырма берілді?

            -«Көрші атам» өлеңін жаттау.

ІІІ. Жаңа сабақ. Тамаша балалар, дайындықтарың ұнады.

         -Балалар, біз өткен сабақтарда қандай өлеңдермен танысып едік?

         -Төлдер,  әдептілік, ата-ана жөніндегі  өлеңдерді жаттап, мәнерлеп оқыдық.

         -Балалар, сендер ертегілерді жақсы көресіңдер ме? –Ия.

         -Бүгін біздің сабағымыз ерекше өткелі тұр, біз ауылға саяхатқа барамыз.

         -Балалар, бірақта біздің баратын ауылымыздың аты құпия?

         -Сендер өте ақылды, тапқырсыңдар ғой осы ауылымыздың атын өздерің тапсырма орындау арқылы табады деп сенемін.

1-слайд  / бәріміз тақтаға назар аударайық/

         -Міне, қызық бізге математика пәнінен де тапсырмалар бар екен.

Тапсырмаларды орындай отырып, жаңа сабақтың тақырыбын ашу.

                               8+2        10-4         6+4         7-5

                                 Б         у               ы            н 

2-слайд «Буын»/ауылдың аты/

Оқулықпен жұмыс. 58-жаттығу./ауызша оқытып/, буынға бөліп, дауысты дыбыстарды атау.

        -Сонымен балалар, буын деген не екен?

        -Буын –сөйлеу мүшелерінің тұтастай қимылынан пайда болған бір немесе бірнеше дыбыстың тіркесі.

        -Буынды тек дауысты дыбыстар ғана құрайды.

       -Дауысты дыбыс өзі де буын бола алады.

       -Буында мағына болмайды.

       -Буынның түрлерін  есімізге түсірейік. /Ашық, тұйық, бітеу/

          Ашық буынды айтқызу /мысал/

          Тұйық буынды айтқызу

          Бітеу буынды айтқызу.

          -Балалар, Буын ауылында үш үй бар екен. Әр үйдің бізге дайындаған жеке тапсырмасы бар. Осы тапсырмаларды орындай отырып, біз өзіміздің білімді екенімізді көрсетеміз.

       Бірінші, осы ауылдағы ашық буын үйінде қонақтамыз.

Ашық буын тапсырмасы суретке қарап,сөйлем құрау.

        -Суретте кімдер бейнеленген?/әже мен бала/ 

        -Әже мен балаға ат қою./Айша, Жансая/

        -Балалар Жансаяның іс –әрекеті дұрыс па?

        -Балалардың жауабы /Әрине, дұрыс/   

                 Ә-же, ба-ла сөздерін  талдау арқылы ережені түсіндіремін.

Сөзде қанша дауысты дыбыс болса, сонша буын болады: от, а-та,  ме-ре-ке, бей-біт-ші-лік.

       Келесі тұйық буын үйінің тапсырмасы.

Дәптермен жұмыс.  Бүгінгі күн мен сынып жұмысын жазу.

       Көркем жазу П п әрпі.

59-жаттығу        А-на-ның  сү-ті  бал,

                           Ба-ла-ның  ті-лі  бал

ІV.Сергіту сәті: «Тұлпарым»

        Келесі бітеу буын үйінің тапсырмасы.

Оқулықпен жұмыс.  Не деу керек?Ә. Дүйсенбиев.

Өлеңнің авторы жайлы қысқаша мәлімет/3-слайд/

        Әнуарбек Дүйсенбиев Алматы облысында, Жамбыл ауданында  дүниеге келген. Балаларға арналған бірнеше шығармалары бар. Бүгін біз «Не деу керек?» өлеңімен танысамыз.

        Өлеңді мәнерлеп оқимын.  Тізбектей оқыту.

Өлең соңындағы сұрақтарға жауап береміз.

         Сыпайы сөздер: ғафу етіңіз, мың алғыс, ризамын, рақмет.

V. Сабақты қорытындылау:

         Тамаша балалар,  енді «Адасқан буындар» ойынын ойнайықшы.

        -Өте жақсы, балалар жарайсыңдар!

         Саяхатымызды аяқтап, осы ауылдан  үй тапсырмасын алып,  ауылдың сыйы  ұлттық тағамымыз құрттан ауыз тиейік.

VІ.Үйге тапсырма беру: 59-жаттығу /2/, 69-бет  Не деу керек? өлеңін  мәнерлеп оқу.

VІІ.Бағалау: оқушыларды мадақтау.

          №4 жалпы орта білім беретін мектеп КММ

                Бастауыш сынып мұғалімі

                          Р.Т. Момынбаева.