Сабақ тақырыбы : "Үй жануарлары"

Мектепалды даярлық сыныбына арналған

оқу жұмыстарын ұйымдастырудың технологиялық картасы

Білім беру саласы: «Қатынас»

Бөлімдері: Қазақ тілі.

Тақырыбы: «Үй жануарлары» 1 – сабақ.

Мақсаты: Үй жануарларының атын айтуға үйрету, неліктен үй жануарлары деп аталатынын түсіндіру.Қазақ тілінде жануарларға не? сұрағы қойлатынын түсіндіру.Аталған тақырып бойынша мақал- мәтел жаттату.

Сөздік жұмыс: үй жануарлары, жылқы, сиыр, түйе, қой, ешкі, шошқа, ит,мысық.

- Сәлеметсіздер ме, балалар!

- Отырыңдар.

- Бүгінгі біздің сабағымыздың тақырыбы: «Үй жануарлары».

-Ал,енді балалар фонетикалық жаттығу жасап, тілімізді жаттықтырып алайық:

• қы,қы,қы –жайлауда жылқы.

• қа,-қа,-қа –мынау шошқа.

• түйе-түйе –түйе – көп түйе.

• ыр-ыр-ыр –ала сиыр.

-Кәнекей, барлығымыз интерактивтік тақтаға қарап, үй жануарларының атауларын бірге атайық:

Сиыр – корова.

Ешкі – коза.

Жылқы – лощадь.

Түйе – верблюд.

Шошқа – свинья.

Қой – овца.

Ит –собака.

Мысық – кошка.

Орындарынан тұрады.

Амандасады.

Балалар мұғалімнен кейін сөздерді қайталап, тілдерін жаттықтырады.

Балалар интерактивтік тақтада берілген үй жануарларының атын қайталап, еске сақтайды.

Іздену

ұйымдастырушы

Сергіту сәті «Кірпі».

-Балалардың назарын суретте берілген жануарларға аударып, қазақ тілінде орыс тілімен салыстырғанда жануарлаға «Не?» деген сұрақ қойылатынын ұғындыру.

Мысалы:

-Бұл не?

-Бұл сиыр.

Ойын: «Домино».

Мақсаты: балаларға үй жануарларының атауларын есте сақтату.

Балалар сергіту сәтін орындап,серігіп алады.

Балалар бір – біріне сұрақ қойып, жауап береді.

Балалар доминоны құрастыра отырып, үй жануарларының атауларын жадында сақтайды.

Рефлексивті коррекциялаушы

• Үй жануарлары туралы мақал –мәтел жаттату.

• Ер қанаты – ат.

• Жақсы ат – жанға серік.

• Қой – байлық.

Жылқы – сәндік.

• Балалар бүгінгі сабақты қорытындай келгенде қандай сөздерді үйрендіңдер?

• Мадақтау.

• Қоштасу.

Балалар мақал – мәтелдерді қайталап, жаттайды.

Балалардың жауаптары.

-Балалар қоштасады.

Күтілетін нәтиже:

Орындайды: үй жануарларының атын атайды, қандай сұрақ қойылатынын ажыратады.

Түсінеді: Сөздік қоры арта түсіп, ой – өрісі кеңейеді, сұрақтарға жауап береді.

Қолданады: сұрақтарға жауап беріп, сөйлем құрастырады, қазақ халқының аталған тақырып бойынша мақал – мәтелдерін біледі.

Мектепалды даярлық сыныбына арналған

оқу жұмыстарын ұйымдастырудың технологиялық картасы

Білім беру саласы: «Қатынас»

Бөлімдері: Қазақ тілі.

Тақырыбы: «Үй жануарлары» 2 – сабақ.

Мақсаты: Үй жануарларының төлдерінің атауын білдіретін сөздермен таныстыру, жаңылтпаш арқылы тілдерін дамыту.

Сөздік жұмыс: төлі,бұзау, лақ, құлын, бота, торай,қозы,күшік, марғау.

- Сәлеметсіздер ме, балалар!

- Отырыңдар.

- Бүгін біз «Үй жануарлары» тақырыбын жалғастыра отырып, олардың төлдерімен танысамыз.

Тақырыбымызды бастамай тұрып, фонетикалық жаттығу жасап алайық.

Жаңытпашты қайталау арқылы орындаймыз:

• Ақ тай ақ па?

Қара тай ақ па?

• Тебіншек ат – шегіншек

Шегіншек ат – тебіншек

• Ақ тай лақтай

Қай лақ тайлақтай.

Жарайсыңдар, балалар!

-Кәнекей, енді барлығымыз интерактивтік тақтаға қарап, үй жануарларының төлдерінің атауларын бірге атайық:

Төлдері – детёныши.

Бұзау – телёнок.

Лақ – козлёнок.

Құлын- жеребёнок .

Бота – верблюжонок.

Торай – поросёнок.

Қозы – ягнёнок.

Күшік – щенок.

Марғау – котёнок.

Орындарынан тұрады.

Амандасады.

Балалар мұғалімнен кейін жаңытпаштарды қайталап, тілдерін жаттықтырады.

Балалар интерактивтік тақтада берілген үй жануарларының төлдерінің аттарын қайталап, еске сақтайды.

Іздену

ұйымдастырушы

«Игровизор» ойыны.

Мақсаты: ойын арқылы төлдердің атауларын бекіту.

Енді мен сендерге «Игровизор» ойыны арқылы үй жануарларының төлдерін тауып, атауларыңды ұсынамын.

Балалар игровизор ойыны арқылы үй жануарларының төлдерін тауып, атайды.

Рефлексивті коррекциялаушы

• Балалар, енді қамшы жүгірту арқылы өткен сабақта өткен үй жануарлары туралы мақал–мәтелдерімізді еске түсірейік.

• Балалар бүгінгі сабақты қорытындай келгенде қандай сөздерді үйрендіңдер?

• Мадақтау.

• Қоштасу.

Балалар қамшыны бір – біріне бере отырып, мақал – мәтелдерді еске түсіреді.

Балалардың жауаптары.

-Балалар қоштасады.

Күтілетін нәтиже:

Орындайды: үй жануарларының төлдерімен танысу.

Түсінеді: Сөздік қоры арта түсіп, ой – өрісі кеңейеді, сұрақтарға жауап береді.

Қолданады: сұрақтарға жауап беріп, сөйлем құрастырады, қазақ халқының аталған тақырып бойынша жаңылтпаштарын қайталайды.

Мектепалды даярлық сыныбына арналған

оқу жұмыстарын ұйымдастырудың технологиялық картасы

Білім беру саласы: «Қатынас»

Бөлімдері: Қазақ тілі.

Тақырыбы: «Үй жануарлары» 3 – сабақ.

Мақсаты: Үй жануарларының атауларын және төлдерінің атауларын білдіретін сөздерді қайталау. Үй жануарларының дыбыстау ерекшеліктерімен таныстыру.Олардың берер пайдасымен таныстыру.

Сөздік жұмыс: үй жануарлары және оның төлдерінің атаулары.Әкелер пайдасы туралы сөйлем құрастыру.

- Сәлеметсіздер ме, балалар!

- Отырыңдар.

- Бүгін біз «Үй жануарлары» тақырыбын жалғастырамыз.

-Алдымен балалар интерактивтік тақтадан үй жануарларының дыбысталуын тыңдап, фонетикалық жаттығу жасау арқылы қайталайық: - Түйе боздайды. Бе-бе-бе, бе-бе-бе. - Қой-ешкі маңырайды. Қой м-ә-ә-ә, м-ә-ә-ә. Ешкі м-е-е-е, м-е-е-е. - Жылқы кісінейді. И-и-и-о-о-о. -Сиыр мөңірейді. Му-му-му.

Орындарынан тұрады.

Амандасады.

Балалар интерактивті тақтадан жануарлардың дыбыстарын тыңдап, мұғаліммен бірге қайталай отырып тілдерін жаттықтырады.

Іздену

ұйымдастырушы

- Енді балалар үй жануарларының әкелер пайдасымен танысып, сөйлем құрастырамыз.Барлығымыз интерактивтік тақтаға қарап,тақтада берілген тірек сызба арқылы сөйлем құрастыруды үйренеміз:

• Сиыр сүт, ет береді.

• Жылқы ет,қымыз береді.

• Қой ет, жүн береді.

• Түйе ет, шұбат,жүн береді.

• Ешкі ет, сүт,жүн береді.

• Шошқа ет береді.

Сергіту сәті «Ақбұлақ».

Ойын «Төлін тап».

Мақсаты: төлін тауып, салыстыру, сипаттау.

Балалар интерактивтік тақтада берілген тірек сызба арқылы сөйлем құрастыруға дағдыланады.

Балалардың жауаптары: Мысалы: Сиыр үлкен, бұзау кішкентай.

Рефлексивті коррекциялаушы

• Балалар, енді қамшы жүгірту арқылы бүгінгі сабақта өткен үй жануарларының пайдасы туралы сөйлемдерді еске түсірейік.

• Мадақтау.

• Қоштасу.

Балалар қамшыны бір – біріне бере отырып, сөйлем құрастырады.