План урока для 1 класса

Пән: жаратылыстану

Мектеп: «Қ.Байсықов атындағы орта жалпы білім беретін мектебі» КММ

Ұзақ мерзімді жоспар бөлімі:

5- бөлім. Табиғат физикасы: Жарық

Мұғалімнің аты – жөні: Альмешова Бибинур Сериковна

Күні: 03.04.2017.

Қатысқандар: 19

Сынып: 1 «б» сыныбы

Қатыспағандар: 0

Сабақ тақырыбы:

Жарықтың табиғи және жасанды көздері

Осы сабақта қол жеткізетін оқу мақсаттары (оқу бағдарламасына сілтеме)

1.5.2.1 жарықтың табиғи және жасанды көздерін ажырату

Сабақ мақсаттары:

Барлық оқушылар: күнделікті өмірде адамдардың жасанды жарық көздерін пайдаланатындығын біледі;

Оқушылардың басым бөлігі: кейбір жасанды жарық көздерін (шамшырақ, белгі беретін тапанша және шамдарды) белгі беру үшін пайдаланатындығын біледі;

Кейбір оқушылар: белсенді оқу арқылы сын тұрғысынан ойлауы және коммуникативті дағдысы қалыптастырады.

Бағалау критерийлері:

• Жарықтың ерекшеліктерін сипаттайды.

• Қараңғылықтың ерекшеліктерін сипаттайды.

Тілдік мақсаттар:

Оқушылар: жарықтың табиғи және жасанды көздерін мысалдар арқылы түсіндіре алады.

Лексика мен терминология: жасанды – искусственный – artificial Табиғи жарық көзі, жасанды жарық көздері

Диалог/жазылымға арналған сөздер/сөздер тіркестері: Табиғи жарыққа… жатады Күнделікті өмірде ...жарық көздерін қолданады Жасанды жарық көздерін ... алу керек жарықтың табиғи және жасанды көздерін салыстырғандағы артықшылықтары/ кемшіліктері ...

Құндылықтарды дарыту:

Жауапкершілік, сыйластық, өзара түсіністік құндылықтарды қалыптастыру.

Еңбек және шығармашылық

Пәнаралық байланыстар:

Дүниетану. «Кеме» ойыны барысында қолданылған географииялық атауларды зерттеу.

Көркем еңбек. Шамшырақтың аппликациясы.

Дене шынықтыру. Сергіту сәтін өткізу

АҚТ қолдану дағдылары:

бейнежазба, таныстырылым, слайд, суреттер көрсету

Бастапқы білім:

табиғи жарық көзі

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Ұйымдастыру кезеңі

Оқушыларға жайлы ахуал ұйымдастыру

Шаттық шеңбері

Шеңбер болып тұрайық,

Бізге келсін қуаныш нұр іздеген.

Шуақ толы жанымыз, жүрегіміз,

Үлгі алсын көрген жан мына бізден.

ОМ анықтап алу

Бүгін сабақта

• қандай жасанды жарық көздері болатынын білетін боласың;

жасанды жарық көзін табиғи жарық көзінен қалай ажыратуға болатынын білетін боласың.

Сабақтың ортасы

Ойын: жарық көздері бейнеленген бірнеше суретті екі топқа топтастыра отырып, түсіндіреді.

Табиғи жарық көздерін атайды.

Оқулықпен жұмыс

Қала көшесі. Тапсырмада оқушыларға фотосуреттердегі жарық көздерін қарастыру және салыстыру ұсынылады. Бірінші суретте күндізгі уақыт бейнеленген, ал екінші суретте табиғи жарық көзі — жұлдыздар. Бірақ олардың жарығы әлсіз. Алайда қала көшелері жақсы жарықтандырылған. Оқушылар көшеге жарық беріп тұрған жарық көздерін атай алады.

Сен білесің бе? айдары. Оқушылар алғашқы жасанды жарық көздерінің пайда болуы туралы тарихын біледі.

Жасанды жарық көздері.

-Жарық көздерінің қайсысын жиі кездестіресің?

-Бұл жарық көздерін қайдан көруге болады?

-Оқушылар күнделікті қандай жарық көздерін қолданады?

Түнде жұмыс істейтін адамдар қандай жарық көзін пайдаланатынын айту, мысалы, наубайханада, зауытта және фабрикада.

-Қандай маман иелері түнде жұмыс істейді?

-Кімнің ата­анасы түнгі уақытта жұмыс істейді?

Жасанды жарық көзі не үшін қажет?

-Жарық көздерінің әрқайсысы не үшін қолданылады?

Жауабы

1.Шамшырақ. Кемелер жартастарға соғылмау немесе суасты үңгірлеріне түсіп кетпеу үшін және жағалаудың қауіпті аумағын жарықтандырy үшін қажет.

2.Үлкен аспашам. Бөлмені жарықтандыру үшін керек.

3.Көше шамдары. Түнгі уақытта көшені жарық­ тандыру үшін қажет.

4.Белгі беретін құрал. Белгілі бір арақашықтықта белгі беру үшін керек.

“Шамшырақ” атты жаттығу

“Көздеріңді жұмыңдар. Терең тыныс алыңдар. Теңіздің ортасында жартасты жағалау бар деп елестетіңдер. Аралдың ең биік нүктесінде шамшырақ тұр. Әркім өзін адамдарға көмектесетін шамшырақпын деп есептесін. Аралда күшті жел тұрғанда сен қозғалмайсың. Күн демей, түн демей сен мұнара басынан жарық сәулесін шашып тұрасың. Саған адамдар сенеді, көмекке дайын тұратыныңды бағалайды, көздеріңді ашыңдар”.

-Шамшырақтың орнында өзіңді қалай сезіндің?

-Теңізшілерге жол көрсетy сендерге ұнай ма?

-Сендерге қандай жағдайда сенім артуға болады?

Сергіту сәті: «Жарық-қараңғы» ойынын ойнау

(Т)Шығармашылық жұмыс

Оқушыларға флипчат пен маркерлер беріледі.Оқушылар топта ақылдаса отырып, жарықтандыру мақсатында қолданылатын жарық көздерінің суретін салып, постер құрастырады.

1-топ:Көшедегі жарық

2-топ:Мереке күндері қолданылатын жарық

3-топ:Реклама мақсатында қолданылатын жарық

4-топ:Үйдегі жарық

Ойлан! Оқушылардан далада жанған алауды көргені болса, еске түсіріп, от жалынының күшеюін қимылмен көрсетеді.

-Алаудың қандай жарық көзіне жатады? (жасанды)

Үйіміздегі жарық көзі

Оқушылар өз отбасында қолданылатын жасанды жарық көздерінің суретін салады.

Аппликация.Жұмбақ шешкенде жұмыс парағына аппликациядан шамшырақ жасап көрсетеді.

ҚБ тапсырмаларын орындату.

- сурет бойынша тәуліктің мезгілдерін анықтайды;

- суретке сүйеніп, жарықтың ерекшеліктерін сипаттайды;

- суретке сүйеніп, қараңғылықтың ерекшеліктерін сипаттайды.

Дәптермен жұмыс: “Білгір” ойыны. Оқушылар екі топқа бөлініп, жасанды жарық көзін атау бойынша жарысады. Кім қатесіз көп сөз атайды, сол жеңімпаз болады.

(шырақ, от, алау, ошақ, белгі беретін құрал, отшашу, шамшырақ, торшер, шам, аспашам, қолшам және т.б.)

тірек сөз жазылған үлестірмелі материалдар жиынтығы;

алғашқы жарық көздерінің суреттері. Интернет­ ресурстар. htp://svet58.ru/ru/articles/34).

Көңілді әуен

Маркерлер мен ватман

Сабақтың соңы

Сабақты қорытындылау.
(Ұ) Кері байланыс.

Жасанды жарық көзі дегеніміз не?

Адам өміріндегі жасанды жарық көздерінің маңыздылығы қандай? Өзін-өзі бағалау:
Бүгінгі сабақта өзінді қалай бағалар едің? «Бағдаршам» бойынша бағалау.
Қызыл- түсінбедім
Сары- сұрақтарым бар
Жасыл- бәрін түсіндім

Саралау- оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Өзіндік жұмысы барысында қиындық туындаған оқушыларға көмек көрсету.

Оқушылардың жұмыс жасау барысын бақылау жүргізіп бағалаймын. Оқушылардың алған білімдерін жетістік критерийлері арқылы бағалаймын. Комментарий беру арқылы бағалауға да болады.

Сергіту сәтін өткізу

Рефлексия

«Егер жарық болмаған жағдайда, сендер қандай ойын ойнар едіңдер?» Оқушыларға «Соқыр теке » ойынын ойнауға ұсынылады.

Осы сабағымда алған оқу мақсатымен сабақ мақсаты толығымен жүзеге асты. Сабаққа оқушыларым аса қызығушылықпен қатысты, өйткені жоспарланған уақытымды дұрыс пайдалана отырып, оларға тың материалдар бердім, әрі көптеген жұмыс түрлері оқушы үшін қызықты болды деп есептеймін.

Қорытынды бағалау

Ең жақсы өткен екі нәрсені атап көрсетіңіз(оқыту мен оқуға қатысты)

1. Жарықтандыру мақсатында қолданылатын жасанды жарық көздерін анықтап, бояу барысында топта бірге жұмыс жасату барысында.

2. Аппликациядан шамшырақ жасап көрсету барысында

Қандай екі нәрсе немесе тапсырма сабақтың одан да жақсы өтуіне ықпалын тигізер еді (оқыту мен оқуға қатысты)?

1.Постер қорғауда әлі де сөздік қорлары моларса деймін

2.

Осы сабақтың барысында келесі сабағыма қажет болуы мүмкін барлық сынып немесе жекелеген оқушылар туралы қандай ақпарат білдім?

1. Кейбір оқушылар жасанды мен табиғи жарық түрлерін табуда сәл болса да ойланыңқырап отыр, сондықтан да осы оқу мақсатымен тағы да жұмыстану керектігін түсіндім.

2. Әлі де болса материалды тереңірек түсіндірсем және осы тақырыптар жайында оқушы білімін тереңірек меңгерсе