Өзін-өзі тану пәнінен сабақ. Тақырыбы: Жер-Ана

Сабақ мақсаты: оқушыларды Жер-Анаға қамқорлық жасауға үйрете отырып, жалпыадамзаттық қиянат жасамау құндылығының мәнін ашу.

Міндеттері:

• Оқушыларға барлығына сүйіспеншілікпен қарау қасиетін ұғындыру;

• Оқушыларды қамқорлыққа баулу;

• Оқушыларды жауапкершілікке тәрбиелеу.

Ресурстар:

оқулық, дәптер,суреттер

(аудио, жазба)

Сабақ барысы:

Ұйымдастыру кезеңi: Сәлемдесу.

Оқу құралдарына назар аудару. 5 «Т» ережесі

1. Тәртіп

2. Талап

3. Тыныштық

4. Тазалық

5. Татулық 

Жағымды күйге келу

Қуанамын мен де,

Қуанасың сен де,

Қуанайық қанекей,

Арайлап атқан күнге

Сабақ барысын талдау:

Үй тапсырмасын тексеру.

№29 сабақ. Э.Шимнің «Көктем иісі» әңгімесі (29 сабақ 126-127 бет)

• Әкесі қайда кетті?

• Еңлікгүл қандай өсімдік?

• Бала көктем иісін қалай сезінді?

• Адамның көктем мезгіліне деген сүйіспеншілігін неден көруге болады?

• Қамқорлық іске қандай қасиеттер жетелейді?

• Тапсырылған жұмысқа қалай жауапкершілік танытып жүрсіздер?

Дәйексөз: «Бір тал кессең, он тал ек»

(нақыл сөз)

Сұрақ:-Дәйексөздің мағынасын қалай түсінесіңдер?

Дәптерге жазу. 2 рет ер балалар, 2 рет қыз балалар айту.

Бәрі бірге айту.

Сергіту сәті

Қолдарын кеудесіне қойып - Менің,

Қолдарын жайып - Отаным,

Шапалақтап - Қазақстан!

Жоғары- төмен қарайық,

Оңға, солға түзу тұр.

Бойымызға күш жинап,

Біз дем алып алайық.

Портрет

Бейнежазба

Мұғалім сыйы: «Жүрек жарасы»

Баяғыда бір үйде Жалғас есімді жалғыз ерке бала болады. Ол адам баласына тек жамандық жасап өседі. Бір күні әкесі баласына 37 шеге береді де былай дейді: «Сен бір адамға жамандық істеген соң, есік алдындағы шарбаққа бір шегеден қағып отыр»,-дейді. Бала жамандық істеген сайын, бір шегеден қағып отырады, әсіресе бірінші шегесін бар ашумен түгел қағады. 33 шеге қаққасын, 4 шегені әкеп әкесіне береді де, былай дейді: «Әке, мен енді ешкімге қиянат жасамаймын, маған енді шегелердің керегі жоқ».

Сонды әкесі былай дейді: «Балам, енді адамдарға жақсылық істеген сайын бір шегеден жұлып отыр»,- дейді. Біраз уақыт өткен соң әкесі мен баласы шарбаққа қараса, ол тесік-тесік болып қалыпты. Сонда әкесі баласына былай депті: «Балам, адамдардың жүрегінде де біреулер қиянат жасаса осындай тесіктер қалады,»,-дейді.

• Жалғас қандай бала болып өседі?

• Әкесі Жалғасқа қандай тапсырма береді?

• Әкесі баласына қандай өсиет сөз айтты?

• Қиянат жасамаудың адам өміріндегі маңызы неде?

• Жаныңдағы адамдардың қамқорлығын неден байқап жүрсің?

• Өз қамқорлығыңды айналаңа қалай көрсетіп жүрсің?

Көктем, жаз, күз, қыс мезгілдерінің суреттері арқылы топқа топтастыру .

«Баптағанға- жер жомарт тақырыбында » постер құрастыру.

1-топ-Көктем

2-топ-Жаз

3-топ-Күз

4-топ-Қыс

Топпен ән айту. «Ақ көгершін» әні.

Ақ көгершін, көгершін,

Қолғанат құс сен едің.

Бар, кезіп қайт ел үшін,

Кең дүниенің көлемін.

Әділеттің құсы деп,

Көз алмастан жолыңнан.

Бақыт болып қоншы деп,

Ұшырамын қолымнан.

Ел тілегін алып ұш

Адамзаттың бағына.

Қара бұлтты жарып ұш

Мұхиттың арғы жағына.

Тыныш-бейбіт өмірдің

Белгісі боп қанат қақ.

Әлем ортақ көңілдің

Қайт шыңына қонақтап.

Ел тілегін алып ұш

Адамзаттың бағына.

Қара бұлтты жарып ұш

Мұхиттың арғы жағына.

Қанатыңда жазылған

Жалғыз ауыз ұран бар.

Не құдірет құралдан

Ең күштісі сол құрал.

«Бейбітшілік» делінген.

Белгіні оқыр әр адам.

Бақыт құсы келді дер

Қанатыңа қараған.

Ел тілегін алып ұш

Адамзаттың бағына.

Қара бұлтты жарып ұш

Мұхиттың арғы жағына.

Үй тапсырмасы:

30-сабақ, Ы.Алтынсаринның «Таза бұлақ» әңгімесін оқу.

Сабақтың қорытынды минуты.

-Бүгінгі сабақта айтылған жақсы сөздерді, жақсы ойларды жүрегімізде сақтайық.

-Осындай тамаша көңіл-күймен сабағымызды аяқтаймыз.