Өзін-өзі тану пәні. Тақырыбы: "Бабалар сөзі-даналық көзі"

Мақсаты: Балалардың «даналық» құндылығы туралы түсініктерін кеңейте отырып,ақиқат құндылығының мәнін ашу.

Міндеттері:

-ақылдылық қасиетін ұғындыру.

- талаптылық қасиетін дамыту;

- ақылдылыққа,талаптылыққа,еңбекқорлыққа тәрбиелеу.

Сабақ барысы 1. Ұйымдастыру кезеңі

Тыныштық сәті: (5 мин)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

2. Үй тапсырмасын тексеру. «Ата өсиеті» аңыз әңгімесі.

3. Дәйексөз .

«Әдептілікті данадан үйрен»

Халық мақалы

2 рет ұлдарға, 2 рет қыздарға, барлығына 1 рет айтқызамын.

Әдептілікті біздерге кімдер үйретіп жатыр?

4. Әңгімелесу:Білім мен өмір(аңыз әгіме)

1.Талаптылық қасиет сенің бойыңда бар ма?

2.Ақылды болуды қайдан аламыз?

3.Еңбекқорлық қасиетшәкірт бойында бар ма?

5. Мәтінмен жұмыс «Ана қиялы» аңыз әңгімесі

* «Ақыл-жастан» дегенді қалай түсінесіңдер?

* Сендер үлкендерден естіген қандай даналық сөздерді білесіңдер?

1. Ойын-жаттығу: «Даналық сөздер»

Ақботаның қоржынынан қатты қағаздан жасалған әріптерді салып қояды. Оқушылар кезегімен әріптерді алып, қандай әріп шықса, сол әріптен басталатын даналық сөзді айтуы керек.

1. Шығармашылық жұмыс.

Батаны аяқтап жазу.

1. Топпен ән айту:

Дана әжем

Сөзі мен әнін жазған М. Керейбаев

Мамамыздың анасы,

Ақ жаулықты ақ әжем.

«Айналайын құлыным»-

Деп айтатын дана әжем

Қайрмасы:

Еркелетіп өсірген,

Айналайын дана әжем.

Мені жақсы көретін,

Сені жақсы көретін

Ірімшігін, мейізін,

Бізге сақтап беретін.

Қайырмасы

Ертегі айтып, әлдилеп,

Әлпештеген, жебеген.

Көп қой бізге айтатын,

Ақыл-кеңес, өнегең.

Қайырмасы

7. Үй тапсырмасы. 7- сабақтан «Туысқан ел» өлеңін оқып келу.

8.Сергіту сәті: (3 мин)

-Балалар, денелеріңді түзу ұстап, бастарыңды жоғары көтеріп, ыңғайланып отырыңдар. Көздеріңді жұмсаңдар да болады. Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа, махаббат пен тыныштыққа толы таза, шипалы ауаның тұла бойларыңа толғанын сезініңдер.

Ал енді көздеріңді ашсаңдар да болады.

5-т

Татулық, тәртіп, талап, тыныштық, тазалық.

Бейне ролик