Открытый урок на тему "Глагол как часть речи"

20.02.-29.02.24ж. аралығында №5 мектеп – лицейінде

«Құқықтық сана – қауымға пана» жоба аясында ұйымдастырылған

«Заңды білу – заман талабы» атты

құқықтық апталық қорытындысы туралы

АНЫҚТАМА

Балалардың құқықтары мен заңды мүдделерін қамтамасыз ету Қазақстан Республикасының ұлттық саясатының негізгі бағыттарының бірі болып табылады. 2024 жылдың 07 ақпан күні аудандық білім бөлімнің №1/134 саңды қатынас қағаз негізінде және құқық бұзушылықтың алдын-алу, оқушылар мен олардың ата-аналарының құқықтық сауаттылық деңгейін арттыру мақсатында мектептің жұмыс жоспарына сәйкес ақпан айының 20-29 күндері аралығында «Заңды білу – заман талабы» атты апталығы ұйымдастырылды.

Аталған іс-шараның негізгі мақсаты – оқушылардың құқықтық сауаттылығын арттыру, олардың белсенді азаматтық ұстанымын дамыту, қоғамдағы қылмысқа қарсы күрес мәселелері бойынша мемлекеттік органдармен өзара іс-қимыл жасау және тәртіпсіздіктер мен ұсақ құқық бұзушылықтарға мүлдем төзбеушілік қағидасын қалыптастыру.

Бұл мақсатты іске асыру келесі міндеттерді шешу арқылы жүзеге асырылды:

- жасөспірімнің өмірлік ағымында туындайтын қолайсыз жағдайлардың алдын алу;

- қиын өмірлік жағдайдағы жасөспірімдердің құқықтарын қорғау және сақтау;

- оқушыларға қатысты қиын ситуациялық жағдайларды шешуде мұғалімдерге көмек көрсету.

Құқықтық апталықта барлық субъектілер қатысты: оқушылар, мұғалімдер, ата-аналар:

- оқушылар – 440,

– мұғалімдер – 12,

- ата-аналар – 32,

- құқық қорғау органдарының өкілдері – 2.

Шалқар аудандық ПБ ЖПҚБ кәмелетке толмағандар істері жөніндегі аға инспекторы полиция майоры Ж.Ш.Шалқарбаев,

Шалқар аудандық Полиция бөлімінің кәмелетке толмағандар істері жөніндегі учаскелік полиция инспекторы - Нагимбаев Еркебұлан Түгелбайұлы,

Шалқар аудандық Полиция бөлімінің ардагері - Ғ.Бағым.

«Заңды білу – заман талабы» атты құқықтық апталықтың

ЖОСПАРЫ

2024 жылдың 20 ақпан күні мектебімізде «Заңды білу – заман талабы» ұранымен өтетін ақпан айының 20 - 27 аралығында апталығының ашылу рәсімі өтті. Жиын барысында 7б –cынып жетекшісі Б.Қ.Бегімбетова қатысушылар арасынан екі топ жинақтап, «Блиц турнир» сұрақ-жауап айдары, «Жағдаяттық ситуация» ұсынып, топ оқушыларынан өзіндік көзқарасы мен пікірі ортаға салынды.

Шараға қатысушы Шалқар ауданы Полиция бөлімінің кәмелетке толмағандар істері жөніндегі учаскелік полиция инспекторы - Нагимбаев Еркебұлан Түгелбайұлы қатысып, оқушылардың құқықтық сауаттылығын қалыптастыруда, өзгенің құқығына нұқсан келтірмеуге, әлімжеттікке жол бермеуде апталықтың маңызы зор екенін атап өтті. Сонымен қатар, қандай да бір келеңсіздікке кездессе, сынып жетекшісіне, немесе полиция бөлімі қызметкерлеріне жүгінуге кеңес берді.

5-7 топ жетекшісі Гүлназ Мұхиятқызы апталықтың жоспарымен таныстырып, құқықтық шараларға белсенділікпен, шығармашылықпен атсалысуға шақырды. Қатысқан оқушы саны-222.

https://www.instagram.com/reel/C3nEeOgoJKE/?igsh=enVrYW4zdGR1OGZ0

Оқушылардың құқықтық сауаттылығын қалыптастыру, құқықтық білімін тереңдету, өзгенің құқығына нұқсан келтірмеу мақсатында 2024 жылдың ақпан айының 20 - 27 аралығында «Заңды білу – заман талабы» ұранымен апталық барысында 7б –cынып жетекшісі Ж.Қ.Бегімбетова сыныбымен көңілді қоңырау ұйымдастырды. Заң,құқық тақырыбына негізделген мақал-мәтелдердің жалғасын тауып, мағынасын ашуда өз ойларын ортаға салды. Қатысқан оқушы саны-22.

https://www.instagram.com/reel/C3rORnUI0zL/?igsh=NGs1bXZsc3I4bm40

2024 жылдың 21 ақпанында «Занды білу - заман талабы» атты құқық апталығы аясында 9в, 9г - сыныптарында «Школьный буллинг и его профилактика» тақырыбында тренинг элементтері бар сынып сағаты өтті.

Қатысқан бала саны: 30.

Қатысқан: директордың тәрбие жөніндегі орынбасары Ж.К.Нурмашева.

Мектеп психологы: К.С.Иманкулова.

Сынып жетекшілері: Г.Ж.Көшетова, Ш.Р.Рустембеков.

https://www.instagram.com/reel/C3zsuj9IbfZ/?igsh=b3V1YTZtOXB4b3Yz

22.02.24 жылы «Заңды білу-заман талабы» атты құқық апталығы жоспарына сәйкес мектеп жанындағы «Ұшқын» театры Сұлтанәлі Балғабаевтың «Жастық» аллегориялық қойылымын көрермендерге ұсынды. Қоғамдағы өзекті мәселелерді қозғай отырып, оның шешу жолдарын, өмірде кездесетін қиындықтарға мойымай, күресуге бағытталды.

«Ұшқын» театр жетекшісі: Г.Е.Аетова.

Қатысушы бала саны-15.

https://www.instagram.com/reel/C3qIRjsoCRi/?igsh=MWt2bHIweDlscHhsdw==

2024 жылдың 23 ақпан күні «Кәмелетке толмағандар арасында құқық бұзушылықтың профилактикасы мен балалардың қадағалаусыз және панасыз қалуының алдын-алу туралы» заңының талаптарына сәйкес жасөспірімдердің арасында құқық бұзушылық пен қылмыстың алдын алу және ҚР-ның әкімшілік құқық бұзушылық кодексінің 442-бабының 1-2 бөлімінің орындалуы бойынша «Түнгі қаладағы балалар» атты түнгі рейд жұмыстары жүргізілді. Рейдтік іс-шаралар барысында мектеп білім алушылары арасында ата-аналары немесе заңды тұлғалары қадағалауынсыз тәуліктің беймезгіл уақытында көшеде жүрген балалар және құқық бұзушылықтың фактілері анықталған жоқ. Рейд жұмыстарын жүргізген: №5 мектеп-лицейінің математика пәні мұғалімі Б.Ж. Мадияров және информатика пәні мұғалімі Т.Алпысбайұлы. Жауапты жетекшісі: Р.Т.Кашауов.

https://www.instagram.com/p/C3uHiXio_uL/?igsh=MTdnZWo2MTQ3OXlobg==

2024 жылдың 23 ақпанында «Заңды білу- заман талабы» атты құқық апталығы аясында 8- сыныптар арасында «Құқықтық тәрбие, құқықтық жігер» тақырыбында дөңгелек үстел өтті.

Сынып сағаты барысында оқушыларға өз құқықтарын жете білуге, іс-әрекеттерінде адамгершілік, адалдық, әділдік пен мейірімділік қасиеттерін танытуға бағытталды.

Қатысқан бала саны: 38.

Ата-ана саны: 4.

Сынып жетекшілер:

8а А.С.Ешмұханова, 8б Ф.К.Уразаева.

https://www.instagram.com/reel/C3vprTRI7i_/?igsh=MXFibzFqcnpyMndybg==

1. 2024 жылдың 23 ақпанында құқықтық сауаттылықты арттыру, құқық бұзушылықты алдын - алу мақсатында 8в-сыныбында «Подросток и правонарушение» тақырыбында сынып сағаты өтті. Оқушыларды адам құқықтарына оқыта отырып, түрлі өмірлік жағдайларда өз мүмкіндіктерін жеке және қоғам пайдасына сәйкес шешім қабылдай алу әрекеттерін дамытуға арналған тапсырмалар ұсынылды.

Қатысқан бала саны:18

Қатысқан: орыс тілі пәні мұғалімі Г.З.Спаганбетова, қазақ тілі пәні мұғалімі А.С.Ешмұханова.

Ата-ана саны:1

Сынып жетекшісі: Б.Б.Уталина.

https://www.instagram.com/p/C3xsVM-Iut1/?igsh=MmZ0OXJ3NmswNnlr

2024 жылы 23 ақпанда «Заңды білу - заман талабы» атты құқық апталығы аясында 9а -сыныбында «Заң және заман» атты сынып сағаты өтті. Оқушыларға түрлі жағдаяттарда шешім табуға көмек беру мақсатында арнайы практикалық жұмыстар өткізілді.

Сынып жетекшісі: Г.Қ.Қадырбек.

Қатысқан бала саны:17

Қатысқан: химия пәні мұғалімі Д.Қ. Шайнова.

https://www.instagram.com/reel/C30n3HjoxPz/?igsh=NzBjaHQ2YTY5ejhw

2024 жылдың 23 ақпанында «Занды білу - заман талабы» атты құқық апталығы аясында 10а -сыныбында «Подросток и правонарушение» тақырыбында сынып сағаты өтті. Сабақ мақсаты: құқықтық білімдерін тереңдете отырып, қоғам алдындағы жауапкершілікті  арттыру, алдына мақсат қоя білуге  баулу.  Білімгерлердің ойлау, тыңдау, сөйлеу мәдениетін  дамыту, сөздік қорларын молайту. Конституцияны, құқықтық нормативтік актілерді  орындай, құрметтей білуге үйрету, адамгершілікке, елжандылыққа, құқықтық сауаттылыққа  тәрбиелеу.

Қатысқан бала саны: 26.

Қатысқан: математика пәні мұғалімі Г.У.Кульсеитова.

Ата-ана саны: 1.

Сынып жетекшісі: Н.А.Мекенова.

https://www.instagram.com/p/C3x8ZaSLS92/?igsh=NDBidDdldGUxMDJ3

2023 жылдың 29 ақпан күні қазіргі қоғамда белең алып отырған жасөспірімдер арасындағы әртүрлі құқық бұзушылықтың алдын-алу жөнінде ер балаларға түсінік беріп, заң туралы білімдерін шыңдау мақсатында 9-11 сынып ер балаларының арасында «Құқық бұзушылықтың алдын-алу басты міндет» конференция өтті. Конференцияға Шалқар ауданы ПБ ЖПҚБ кәмелетке толмағандар істері жөніндегі аға инспекторы полиция майоры Ж.Ш.Шалқарбаев және ер балалар ата-аналары қатысты.Шара мақсаты:

-кәмелетке толмағандар арасында қылмыс пен құқық бұзушылықтың алдын

алу, оқушылардың құқықтық санасын тәрбиелеу;

-оқушылармен кәмелетке толмағандар арасындағы қылмыс мәселесін

талқылау;

-оқушыларға кәмелетке толмағандардың қылмыстық жауапкершілігінің

ерекшеліктерін түсіндіру; жауапты шешімді өз бетінше қабылдау

дағдыларын қалыптастыру;

-күрделі жағдайларды сыни талдау дағдыларын қалыптастыру;

Қатысқан оқушылар саны: 52.

Ата-аналар: 8.

Сынып жетекшілер: 11а Қ.Б.Амангелді, 11б А.Е.Жанелова.

https://www.instagram.com/p/C37HNnbg6Rd/?igsh=ZXk4b242anVxbWo51

«Заңды білу – заман талабы» атты апталық аясында

«Үздік» болып танылған сынып сағаттар.

Қорытынды:

20.02.-29.02.2024ж. аралығында мектеп оқушыларын құқықтық тәрбиелеуге, мектепте және үйде, қоғамдық орындарда дұрыс мінез-құлық дағдыларын қалыптастыруға, мектеп оқушыларының құқықтық білімі мен тұлғалық қасиеттерін дамытуға бағытталған 10 ашық шара өткізілді. Оқушыларға заңның мәні сипаты, маңызы туралы білім беру, ұлттық болмысымызды бейнелеген заңдық қағидалар мен өркениеттік заңдық ережелерді бойына сіңіру мақсатында ұйымдастырылған апталық өз мәресіне жетті.

Апталық барысында ең үздік сынып сағаттары төмендегі сараптамалар бойынша анықталды:

1.тақырыпты ашуы,

2.сабақтың мақсатына жетуі,

3. сынып сағаты ерекшеленуі,

4.құқық қорғау қызметкерлердің қатысуы,

5. ата-аналардың қатысуы,

6.жоспарға сәйкес уақтылы өткізуі.

Ұсыныс:

1. Сынып сағаттарын апталық жоспарына сәйкес уақтылы ұйымдастыру.

2. Құқық қорғау қызметкерлердің қатысуымен ұйымдастыру.

3. Оқушылардың құқықтық сауаттылығын кенейтуге бағытталған жұмыстарды жандандыру.

4. Ата-аналардың қатысымын көтеру.

5. Апталық жоспары бойынша барлық атқарылған жұмыстарды мектептің әлеуметтік парақшасына жариялау.

6. Сынып сағаттарын басылым беттеріне жариялау.

Жауапты: 5-7 сынып топ жетекшісі Г.М.Тансыкбаева.