Өсімдіктер 1 сынып

Пән: Жаратылыстану Мектеп: Ақтоғай ауданы, Әбжан ауылы, Ленин негізгі

мектебі

Ұзақ мерзімді жоспар бөлімі:

Күні: 12.09 Мұғалімнің аты-жөні: Бегалинова Жанар Боранбаевна

Сынып: 1 Қатысқандар саны: 25

Қатыспағандар саны: 1

Сабақ тақырыбы

Өсімдіктер

Осы сабақта қолжеткізілетін оқу мақсаттары (оқу бағдарламасына сілтемеу)

1.2.1.2 өсімдіктердің негізгі бөліктерін ажырату;

1.2.1.4 өсімдіктердің тіршілігіне қажетті заттарды зерттеу;

Сабақ мақсаттары

Барлық оқушылар білу керек:

Өсімдіктердің өмірлік формаларын (ағаш,бұта,шөп) білу керек.

Көпшілігі:

Өсімдіктердің негізгі бөліктерін ажырату керек

Кейбір оқушылар:

Өсімдіктердің тіршілігіне қажетті жағдайларды зерттеуді білу керек.

Бағалау критерилері

Өсімдіктердің өмірлік формаларын ажыратады.

Өсімдіктердің негізгі бөліктерін ажыратады.

Өсімдіктердің тіршілігіне қажетті жағдайларды анықтай алады, тұжырым жасайды.

Тілдік мақсаттар

Тамыр, гүл, сабақ, жапырақ, жеміс, тұқым

Құндылықтарды дарыту

Табиғатты аялайды, қамқорлық сезімі пайда болады.

Пәнаралық байланыстар

Дүниетану, сауат ашу.

АКТ қолдану дағдылары

Өсімдіктердің мүшелері туралы Аймектеп сайтында фильм көрсетемін. http://imektep.kz/osimdik-musheleri

Бастапқы білім

Табиғатты тану әдістері

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақтың басы

10

Ұйымдастыру кезеңі « Шаттық шеңбері» әдісімен басталады.

Дескриптор:

« Қуаныш гүлі» Гүлді бір-біріне бере отырып, тілек ,жақсы көңіл күй тілейді.

Тақырыпты ашуға сілтеме беру үшін аудио жазбадан ертегі тыңдатамын.

- Балалар, сендер үй тапсырмасын жақсы орындап келіпсіңдер. Мен де сендерге бір қызық ертегі дайындап келдім. Ертегі тыңдағыларың келе ме?
- Ерте, ерте, ертеде жер бетіндегі өсімдік атаулы бір - бірінен аулақта өмір сүріпті. Құлпырған ағаштар да, тырбиған бұталар да, жап - жасыл шөптер де Табиғат Ананың балалары екен. Ағаштар «Мен биікпін, адамға көп пайда келтіремін» деп мақтануға құмар екен. Ал, шөптер болса, тым ерке болады. Олар жыл сайын тұрақ айырбастап, ойға да, қырға да өсе береді екен. Балаларының бәрі мақтаншақ, ерке болмасын деп, Табиғат Ана бұталарды шөлге өсіреді.
Бір күні қатты жел соғып, дауыл тұрып, өсімдік атаулының бәрі опырылып, ағаштар сынып, шөптер жапырылып қалыпты.(Дауылдың дыбысы естіледі.)
Cонда Емен ағашы ғана аман қалған екен. Содан кейін Табиғат - Ана:
- Емен, сен бас болып, бауырларыңды ығыңа ал. Бәрің бір жерде өсіңдер. Сендерді орман - тоғай деп атайық. Аң, құс атаулыдан көмектеріңді аямаңдар. Менің ең жақын досым – Адам. Адамдар сендерге көмектеседі,- дейді.,
Міне, содан бері, Табиғат - Ананың балалары - ағаштар, бұталар, шөп текті өсімдіктер адамдармен мәңгілік дос болып, бір - бірінен ажырамапты.
- Балалар, ертегі ұнады ма?
- Табиғат - Ананың балалары нелер екен?
- Дауылдан аман қалған қайсысы?
- Барлығына бас - көз болуды неліктен емен ағашына тапсырды деп ойлайсыңдар?

Оқушылардың жауаптары тыңдалады.

«Қуаныш гүлі»

Ағаштардың, бұталардың, шөптердің суреттерін тақтаға жапсыру.

Сабақ ортасы

25

Жаңа сабақ

«Ой толғау»

-Балалар, ертегі не туралы болды?

-Дұрыс, өсімдіктер.

-Бүгінгі өтілетін тақырып не туралы болады деп ойлайсыңдар?

-Суреттегі өсімдіктер бір-біріне ұқсай ма?

«Жоқ»- олар әртүрлі, біреуі ағаш, біреуі шөп ,біреуі гүл «Иә»-олар жерде өседі, жапырақтары болады,гүлдері болады. .(балалардың жауаптары тыңдалады)

-Бүгінгі сабақта өсімдіктердің түрлерімен, өсімдіктердің негізгі мүшелерімен танысамыз.

1 тапсырма.

«Ойлан тап» әдісі қолдана отырып, оқушыларға бірнеше ағаштар пен бір шөптесін өсімдіктің суреттері бейнеленген көрнекіліктерді таратамын.

-Суреттерге мұқият қараңыз.Әр топтағы артық өсімдікті анықтап (-) белгісімен белгілеңіз

Дескриптор. Оқушылар

-Суреттегі әр топтағы өсімдікті анықтап,(-) белгісімен белгілейді.

(ҚБ) Оқушылардың тапсырмаларын жапсырмалы смайликтермен бағалаймын.

2 тапсырмаға сілтеме

(Б) АКТ әдісін қолданып өсімдіктердің мүшелері туралы Аймектеп сайтында фильм көрсетемін.

(фильмнің мазмұны)

- Өсімдіктің қандай мүшелері болады екен?

Тамыр - өсімдіктің негізгі және жер астындағы мүшесі. 
Тамырдың атқаратын қызметі : 
Ол өсімдікті топырақта бекітіп ұстайды және 
топырақтағы ылғалды бойына сіңіреді. 
Тамыр арқылы өсімдік қорек алады. 
Тамыр – өсімдіктің негізгі және жер астындағы мүшесі. 
Тұқым өнгенде, ең алдымен оның қабығын жарып 
жатыр шығады. Тұқымнан тікелей шығатын осы 
тамырдың негізгі тамырды негізгі тамыр дейді. 

Дескриптор:

-Өсімдіктің негізгі мүшелері туралы түсінік алады.

2 тапсырма «Сәйкестендіру» әдісі

Суретке мұқият қараңыз.Өсімдіктің негізгі мүшелерін атаңыз.Өсімдіктердің негізгі мүшелерінің атауын бастапқы әріптерімен жазып көрсетіңіз: тамыр-Т,сабақ-С, жапырақ –Ж, гүл-Г, жеміс-Ж

Дескриптор:

-Өсімдіктің негізгі мүшелерін атайды. Өсімдіктердің негізгі мүшелерінің атауын бастапқы әріптерімен жазып көрсетеді.

-өсімдіктің тамырын-Т әрпімен белгілейді

-өсімдіктің сабағын-С әрпімен белгілейді

-өсімдіктің жапырағын-Ж әрпімен белгілейді

-өсімдіктің гүлін-Г әрпімен белгілейді

-өсімдіктің жемісін-Ж әрпімен белгілейді

(ҚБ) Тапсырманы аяқтағаннан кейін оқушылар «Бас бармақ» әдісімен өздерін бағалайды.

Сергіту сәті

3 тапсырма

«Зерттеу, салыстыру» әдісіне сүйеніп, оқушыларға алдын ала дайындалып қойған екі өсімдікті көрсетемін.Олардың біреуі күтім көрмеген, қараңғы жерде тұрған, суарылмаған, қопсытылмаған.Біреуі жарық жерде тұрған,суарылған,қопсытылған. Екі өсімдікті салыстыр.Тіршіліне қажетті ресурстарды анықта.

Дескриптор: Оқушылар

-екі өсімдікті салыстырады, суреттеп айтады.

-екі өсімдіктің суретін салады;

-Өсімдіктердің тіршілігіне қажетті топырақ,су,ауа, жылу,жарық екенін анықтайды.

(ҚБ) «Қолпашатау» әдісі арқылы оқушылар 3 тапсырманы жақсы орындаған сыныптастарына қолдарын шапалақтайды.

http://imektep.kz/osimdik-musheleri

Сабақтың соңы

10

Рефлексия. «Көңілді көбелек» әдісі

Тақтаға үш түсті іліп қоямын.

Жасыл-бәрін түсіндім

Қызыл-кейбір нәрселерді толық түсінбедім

Сары-мен түсінбедім

Оқушыларға боялмаған көбелекті әрқайсысына таратамын.Таңдап алған түстермен боятамын

Саралау-оқушыларға қалай көбірек қолдау көрсетуді жоспарлайсыз?Қабілеті жоғары оқушыларға қандай міндет қоюды жоспарлап отырсыз?

Бағалау-оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы