Бастауыш сынып мұғалімі: Досжанова Тасбике
Дүниетану. 4-сынып.
Сабақтың тақырыбы: Дала өсімдіктері мен жануарлары
Сабақтың мақсаты: 1) Білімділік: Далалық белдеу, оның ерекшеліктері жайлы түсіндіру.Дала табиғаты,оның жануарлар мен өсімдіктердің өмір сүретін ортасы екендігін ұғындыру,дала жануарларымен және өсімдіктерімен таныстыру.
2) Дамытушылық: Оқушылардың ойлау, есте сақтау, салыстыру таным белсенділігін арттыру.
Күтілетін нәтижелер:
пәндік:Даланың не екені және оның ерекшеліктері туралы білу; дала өсімдіктері мен жануарларын атау; далада өмір сүретін тірі организімдердің өзара байланысын түсіндіре білу;
жеке тұлғалық: қоршаған ортаға қамқор болуға,қорғауға және сақтауға талпыну;
жүйелік әрекеттік: ақпаратты талдай білу.
Көрнекіліктер: Фотосуреттер, жұмыс дәптері, сәйкестендіру кестесі,Венн диаграммасы.
Пәнаралық байланыс: Математика
Техникалық құралдар: интерактивті тақта, компьютер.
Сабақтың әдісі: Түсіндіру, ой қозғау, топпен жұмыс, сұрақ – жауап.
Өзекті сұрақ:дала мен шалғынның айырмашылығы қандай?
Сабақтың барысы
І.Ұйымдастыру сәті.Психологиялық көңіл-күй.Топқа бөліну.
ІІ.Әр топқа сұрақтар беру арқылы үй тапсырмасы сұралады.
1-топ.а). Шалғын дегеніміз не?
ә).Шалғынды адамдар қалай пайдаланады?
б).Шалғында қандай өсімдіктер өседі?
2-топ.а).Шалғында қандай жануарлар мекен етеді?
ә).Беденің ғылыми аты қандай?
б).Көртышқан немен қоректенеді?
3-топ.а).Неліктен адамдар шалғынды қамқорлыққа алу керек?
ә).Шалғынды мекендеушілер бір-бірімен қалай байланысады?
б).Шалғында мекен ететін кішкентай тауыққа ұқсайтын құс?
Ойқозғау.
Қазақстан табиғаты алуан түрлілігімен ерекшеленеді,өйткені біздің жеріміз ұланғайыр жерді алып жатыр.Жер бедері бөлімінде танысқан болатынбыз,осы кең байтақ жеріміз жер бедеріне қарай қалай жіктеледі?(Ойпатты,төбелі,қыратты,жазықты)
-Балар жазық дегенде көз алдарыңа не елестейді?Жазық дегеніміз не?(балалар жауабы)
ІІІ.Жаңа сабақ.
Оқулықпен жұмыс.
І.Оқушылар оқулықтан мәтінді оқып,интербелсенді тақтадан өз болжамдарын тексереді.
ІІ.Оқушыларға дала көрінісін бейнелейтін фотосуреттерге қарап,оларды сипаттау ұсынылады.
ІІІ. Оқушылар дала климаты және өсімдіктер мен жанурлардың онда өмір сүруге қалай бейімделгені туралы болжам жасайды. Оқушылар болжамдарды тақтаға жазады.
Сергіту сәті.
ІV.Оқушылардың білімін бекіту.
Дәптермен жұмыс:Өзекті сұрақ:Дала мен шалғынның айырмашылығы қандай?
Венн диаграммасы.Оқушылар дала мен шалғынды Венн диаграммасының көмегімен салыстырады.Дәптерге орындау.
V.Экологиялық есептер. Мәтін жазылып, 3 топқа беріледі.
1-топ.Борсықтар орманда мекен етеді. Бұл пайдалы жануарлар. Олардың қорегі – орман зиянкестері. Егер бір борсық бір күнде 1кг жәндіктермен тышқандарды жейтін болса, 1 аптада қанша зиякестерді жей алады? (7 кг)
2-топ.Қорықтағы маралдарға шөп берілді. Егер бір мал 12кг шөп жесе, үш маралға неше кг шөп керек? (36кг)
3-топ.Үйде 9 тауық бар. Тауықтар күніне 900гр жем жейді. Оған Ерлан күніне 1кг жем салады. Ерлан неше күннен кейін жем салмаса болады? (9 күн)
| Сұрақтар | Сұр тышқан, аламан, қосаяқ, суыр | Ақбөкен, құлан, қасқыр, түлкі, қарсақ | Ботагөз, селеу, қазжуа, бидайық, қоңырбас | Түймедақ, әселгүл, жарықгүл |
| 1.Аңдар немен қоректенеді? | 1 | |||
| 2.Шалғын өсімдіктер? | 2 | |||
| 3.Дала өсімдіктері? | 3 | |||
| 4.Далада тіршілік ететін жануарларды ата? | 4 |
Ой жинақтау. Сәйкестендіру кестесі.Қанеки балалар сабағымызды сәйкестендіру кестесі арқылы жинақтайық.Карточка үлестіру.
Қорытынды рефлексия:
Бүгінгі сабақтан алған әсерің қандай?
Не ұнады?
Нені үйрендің?
Бағалау.
Үйге тапсырма: Дала өсімдіктері мен жануарлары туралы ақпарат дайындау.
Табиғат туралы кітаптардан дала жануарларының тіршілігі туралы дерек тауып оқу.
