Мал өсірсең қой өсір

Шығыс Қазақстан             

 Тарбағатай ауданы

Үштөбе ауылы

КММ  «Өкпеті орта мектебі

 Жұмаділова Айгүл

/Бастауыш сынып мұғалімі/

Сабақтың тақырыбы: «Қой».

Сабақтың мақсаты:

Білімділік:Қазақ  халқының  ұлттық кәсібінің бірі төрт түлік малдың ішіндегі қойдың ерекшелігіне тоқталу.

Дамытушылық: ой –өрісін, тапқырлық, ізденімпаздық қасиеттерін, сөздік қорларын дамыту.

Тәрбиелік:балалардың оқуға, білімге қызығушылығын қалыптастырып, ұйымшылдыққа, ұқыптылыққа тәрбиелеу.

Сабақтың түрі:Жаңа сабақ.

Сабақтың әдісі: әңгімелеу, сұрақ –жауап, талдау, сөйлесу іздендіру, дәлелдеу.

Сабақтың көрнекілігі:суреттер, қима плакаттар, тірек-сызбалар.

Сабақтың барысы:

І. Ұйымдастыру кезеңі:

А) Амандасу.

 В) Сынып тазалығын тексеру.

-Сыныпта кезекшіні тексеріп, сыныптың тазалығына көңіл бөлу.

С) Оқушыларды түгендеу.

-Бүгін сыныпта кім жоқ?

Д) Назарын сабаққа аудару.

-Балалар оқулықтарынды алады

II.Үй тапсырмасын тексеру:-Қане балалар үй тапсырмасына не берді? Кім айтады?

(3-4 оқушыдан үй тапсырмасын сұраймын)

III.Жаңа сабақ.

1. Төрт түлікке нелер жатады? Олардың төлдері қалай аталады?
2. Жұмбақты шеш:

Кішкентай ғана бойы бар,

Айналдырып киген тоны бар.(Қой)

1. Мақал-мәтелдерді түсініп оқы.

• Мал өсірсең қой өсір,

Өнімі оның көл-көсір.

• Қойдың сүті қорғасын,

Қойды ұрған оңбасын.

Сергіту сәті:

Оң қолымда бес саусақ

Сол қолымда бес саусақ

Беске бесті қосқанда

Болады екен он саусақ

Жаза-жаза саусағым

Оңға, солға бұрамыз

Сосын қайта жазамыз.

1. Жырды түсініп оқы.

Қорасында маңыраған,

Қозысымен жамыраған.

Қозысынан айырылса,

Қоймай ұзақ аңыраған.

Аппақ, қою сүті бар,

Ақ шағала құрты бар

Ақтылы қой жануар!

1. Жырды және мақал-мәтел мен жұмбақты пайдаланып, қой туралы әңгілеме.
2. Қойдың  пайдасын сызбаға түсір.

Жүнінен жасалатын заттар

Терісінен жасалатын заттар

Сүтінен жасалатын заттар

ІV. Жаңа сабақты бекіту.

Балалар, сендер жалпы қой малының қандай пайдасын білесіңдер?

Қой:

Қане, балалар, сендер төрт түлікке байланысты қандай тыйым сөздер мен мақал-мәтелдер білесіңдер?  Кім айтады

V. Үйге тапсырма беру.

Балалар, күнделіктеріңді алып, үйге тапсырма жазып алыңдар. Осы  "Қой"жырынмәнерлепоқып келесіңдер.

VI. Қорытындылау

-Жақсы, балалар, бүгінгі сабақ не жайлы болды?

-Сонымен қойдың қандай пайдасы бар екен?

VII. Бағалау

Оқушылардың сабаққа белсене қатысқандарына қарай бағалау.

Сабақ аяқталды, сау болыңдар!