Күзгі дала

Сабақтың тақырыбы: «Күзгі дала».Н.Жанаев.

Сабақтың мақсаты:Күз мезгілін  тереңірек  ұғындыру.

Білімділігі:Оқушыларға күзгі табиғат өзгерістері,күз байлығы туралы      

                                 түсінік беру,жыл мезгілдері туралы білімдерін арттыру.

Күздің негізі белгілерін әңгімелеп айтуға үйрету,  алған

                                 Білімдерін  тиянақтау.                     

Коррекциялық     Оқушылардың сөздік қорларын молайту.Тіл байлығын,ой-дамытушылығы:өрісін,сөйлеу мәнерін дамыту.Өз ойларын жүйелі анық             

жеткізуін,әңгіме арқылы ойлау қабілетін арттыру.

Тәрбиелігі:             Қоршаған ортаға деген көзқарастарын кеңейтіп,табиғат-          

                                 ты сүюге,қамқор болуға,сақтауға,аялауға тәрбиелеу.

Сабақтың  түрі:    Жаңа,аралас сабақ.

Сабақта қолданылатын әдістер:Баяндау, сұрақ-жауап,тілдамыту,ойын,көрне-      

                                 кілік, жұмбақ    шешу.

Сабақтың көрнекілігі:Күз мезгіліне байланысты сурет,себетке салынған жеміс-

                                     тер,  ойын көрнекіліктері.

Пән аралық байланыс:Тіл дамыту,математика.

Сабақтың барысы:

І.Ұйымдастыру кезеңі.

а)Оқушыларды сабаққа даярлау.

б)Оқушыларға псхологиялық даярлық жасау,көңіл-күй қалыптастыру.

-Балалар әрбір атқан таң щуағы адамға жақсылық,қуаныш алып келеді.

-Бүгін қандай күн?

-Сәрсенбі.

-Сәрсенбінің  сәтті  күнінде бір-біріміздің қолымызды қысып,жүрегімізден жылы тілектер айтайық.

-Ақылды бол,кішіпейіл бол,әдепті бол,үлкенді сыйла,үлгілі бол,шыншыл    бол,инабатты бол.

         Қайырлы таң достым,

         Қайырлы күн болсын,

         Сәрсенбінің  сәтті күні,

Сәттілікке толы болсын.

  -Міне,балалар,сендер бір-біріңе жүрек жылуларыңды білдіріп,жақсы тілек  

   айттыңдар.Енді сабағымызды жалғастырайық.

ІІ.Үй тапсырмасын сұрау.Өткен сабақты пысықтау.

   -Үйге қандай тапсырма берілді?

   - «Борсық пен қаз»  берілді.

-Ойын: «Күнді бұлттан құтқару».

   Мақсаты:өткен тақырыпты бекіту.

   Шарты:Бұлттарда жазылған сұрақтарға жауап беру.

   Сұрақтар:-Борсық қысқа қандай әзірлік жасады?

   -Ала қаз борсыққа неге келді?

                 -Борсық оған не айтты?

-Борсық неліктен қыстап қалмайды?

ІІІ.Жаңа сабақ.

 1.Кіріспе әңгіме.

Жұмбақ.

Ақ киімді біреуі,

Сары киімді біреуі,

Көк киімді біреуі,

Әлем-жәлем киімі

Тағы бірі жүреді.  (жылдың төрт мезгілі)

-Біз өткен сабағымызда жыл мезгілдері туралы таныстық.Жыл мезгілін тірек сызбасы арқылы түсіндіру.

 2.Тірек сызбасы.

                  Жыл мезгілдері

  Қыс       Көктем        Жаз          Күз

                             Қыркүйек      Қазан        Қараша – болып 3 айға бөлінеді.

• Қазір қай мезгіл екен?
• Күз мезгілінің айларын есімізге түсірейік.
• Қазір қай айы?
• Біз бүгінгі сабағымызда күз мезгілімен тереңірек танысамыз.  Енді балалар, мына суретке назар аударайық.

3. «Күз көрінісі» суреті бойынша әңгімелеу.

• Бұл қай мезгіл?
• Ағаштың жапырақтары қандай?
• Не соғады?
• Не жауады?

4. «Күз» мезгілі туралы мағлұмат беру.

Күз мезгілі басталғанда ауа райы салқындайды.Жаңбыр жиі жауады.  Ағаш жапырақтары сарғайып, жерге түсе бастайды. Күн қысқарады.Түн ұзарады. Құстар жылы жаққа ұшып кетеді. Күзді берекелі алтын күз деп атайды.Өйткені бау – бақшада жеміс,көкөністер піседі. Күзде астық жиналады. Балалар мектепке барады

ІV. Сергіту сәті.

Ойын «Жапырақтар жинау».

Алтын, сары,қызыл,көк,

Алуан-алуан жапырақ.

Күзгі бақта күлімдеп,

Көз тартады атырап.

Мақсаты: оқушыларды ептілікке, шапшаңдыққа баулу.

Шарты: Жапырақтарды жинап, түсін, санын айту.

V. Оқулықпен жұмыс.

а) Н.Жанаевтың «Күз» өлеңін оқу.

ә) Сұрақ-жауап.

-Құстар не істейді?

-Өлеңде қай жыл мезгілі туралы айтылады?

б) Оқушылардың өлеңді оқуы.

в) Суретпен жұмыс, сұрақтарға жауап беру.

- Күздің қандай белгілерінің суреті салынған?

- Күздің тағы қандай белгілерін білесің?

- Күзгі күн қандай?

 г)Нашар оқитын оқушымен жұмыс.Сурет бойынша әңгімелету.

   VI. Ойын. «Көкөністер мен жемістер».

Мақсаты: көкөністер мен жемістерді ажырата білуге үйрету.

Шарты: Оқушы шығып, екі себетке алдындағы көкөністер мен жемістерді айырып салу.

VІІ.Сабақты бекіту.

   Топтастыру стратегиясы.

 Күн қысқарады,

                                              Түн ұзарады

   Күн суытады                         Күз                   Жапырақтар түсін өзгертеді

   Жапырақтар түседі                                      Бұлтты,жауын-шашынды

                                          Құстар жылы жаққа ұшып кетеді

VІІІ. Сабақты қорытындылау.

- Біз бүгінгі сабақта  не туралы өттік?

Ойын. «Алма теру».

Шарты:Алма ағашынан алма жинау. Алманы алып артындағы сұрақтарға

жауап беру.

1. Күз мезгілінде ауа райы қандай болады?
2. Күз айларын ата.
3. Қандай жемістерді білесің?Қайда өседі?
4. Көкөністерді   ата.Қайда өседі?
5. Ағаш жапырақтарының түстері қандай?
6. Құстар қайда ұшып кетеді?

ІX. Үйге тапсырма: Оқулықтағы «Күз» өлеңін мәнерлеп оқып келу.

X.Оқушыларды бағалау,белсенді қатысқан оқушыларды мадақтау.