Сабақтың мақсаты: оқу құралдары тақырыбы бойынша сөздерді білу және айту дағдыларына көңіл аудару. Мәтінмен жұмыс істеу ережесін білу. Берілген мәтіннің тапсырмаларымен өздік жұмыс істей білу. Алған білімдерін жиынтық бақылауда қолдану.
Негізгі түсініктер: күнделік, толтыр, үй тапсырмасы, қол қою, сабақ
Күтетін жағдай: Тақырып бойынша жаңа сөздерді біледі. Мәтінмен өздік жұмыс жасай біледі. Алған білімдерін қорытынды бағалауда қолдану.
Сабақтың барысы:
Ұйымдастыру кезеңі
Амандасу. Сабаққа дайындығын тексеру.Қуаныш шеңберін құрып бір-біріне жақсы лебіз айту.
Жақсылыққа , бақытқа
Талпынған әр уақытта.
Бала біткен дос, бауыр,
Болмасын еш тосқауыл.
Ақпыз, қара, сарымыз,
Ағайынбыз бәріміз.
Ойын арқылы жаңа топтар құрау. Бағалау парағын қалай толтыратының түсіндіріп кету. Топтан лидерді таңдау.
Үй тапсырмасын тексеру. Өлеңді жатқа сұрау.
Негізгі бөлім. Жаңа сабақ
Топтық жұмыс.
Тапсырмалар: Мәтінді оқу, аудару, 3 сұрақ қою, мәтінге ат қою
Уақыт беру, тексеру.
Жаңа тақырыпты ашу үшін сұрақ – жауап әдісін қолдану.
Диалогтік оқыту, жіңішке, жуан сұрақтар, ой қозғау стратегиясы, зерттеулік жұмыс.
Екі топқа бір тапсырма. Мұғалім қолына күнделік алады.
Бұл не? Күнделік
Күнделіктің түсі қандай?
Күнделіктің түсі көк
Күнделік қандай тауарға жатады?
Күнделік неден жасалынады?
Күнделік ағаштан жасалынады.
Сонымен бүгінгі сабақтың тақырыбы не ? Күнделік
Мәтінмен жұмыс: Күнделікте сабақ кестесі жазылады.. Бүгін сейсенбі. Бүгін төрт сабақ. Олар: қазақ тілі, математика, дене шынықтыру және сурет сабағы.
Топтық жұмыс.
1 топқа тапсырма: мәтінде оқу құралдары атауларын табу.
2 топқа тапсырма:
Бір- біріне сұрақ қою арқылы мәтінді тағы бір рет талдайды.
Сергіту кезеңі. Жаттығу орындау.
Қане, балалар, тұрайық,
Қолды белге қояйық
Бір отырып, бір тұрып,
Біз демалып қалайық.
Ойын жүргізу, содан соң жаңа топ құрау. Мұғалім алдын ала открытканы қиып, екінші жағына оқушылардың аттарын жазып қояды. Открытканы жинау барысында жаңа топ құралады. Бірінші топ жақсы оқитындар, дарынды оқушылар болады. Екінші топ үлгірімі төмен оқушылар болады.
Оқушыларға тапсырма: Мәтін бойынша дәптерді қолдану ережесін құрау, кластер немесе тағы басқаша жасау. Өз еркімен жасау.
Үлгірімі төмен оқушыларға тапсырма: Берілген сөзжұмбақты шешу
Өзін өзі бағалау.
Қорытынды. Дәптер өлеңін оқып, аудару. Сонымен сабақты қорытындылау.
Шағын тест.
Оқу құралдарын ата:
Дәптер не үшін керек?
Кітап не үшін керк?
Бағалау. Әр оқушы өзінің қорытынды бағасын шығарады және мұғалім оқушыға өз бағасын шығарады.
Рефлексия. Кестені толтыру.
Білдім
Не білдім?
Не ұнады?
Үй тапсырмасы. Сөздерді жаттау, 28 бет 4 жаттығу жазбаша орындау.
