Ханшайым: у?зірлер, ?ара?даршы! Осында патшамызда келе жатыр.
Патша: Уа, у?зірлерім, ертегі ?лемінде не бол?алы жатыр?
1–у?зір: ?ымбатты патшамыз, б?гін 1-сыныпты? ертегілер еліне келіп ?н айтып, би билейтінін, ?ліппемен ?оштасатынын, сауаттарын ашып, ?ріп танып ал?андарын ?зын ??ла?тан естідік
Патша: Не дейді? (Ашуланып ?олында?ы алтын тая?ын 2-3 рет ?атты ?атты ?рып) Осыны ?йымдастыр?ан кім екен, ша?ыры?ыз!
Просмотр содержимого документа
«конспект урока для грамоты»
«Рахмет саған, әліппе!!!
Жүру барысы:
Ертегілер әнімен ашу. Орындайтын:
(Патша сарайының уәзірлері мен ханшайымдары ертегілер әлемінің табиғатын тамашалап келеді)
1-уәзір:Уа, уәзірлер қараңдаршы! Үлкен мереке болғалы жатыр ғой деймін, көп қонақтар отыр.
2-уәзір: 1 – сыныпта үлкен қуаныш екен, «Әліппемен қоштасу ертеңгілігі болады» деп естідім.
3–уәзір: Ой, неге тұрмыз, патшамызға хабарлайық!
Ханшайым: уәзірлер, қараңдаршы! Осында патшамызда келе жатыр.
Патша: Уа, уәзірлерім, ертегі әлемінде не болғалы жатыр?
1–уәзір: Қымбатты патшамыз, бүгін 1-сыныптың ертегілер еліне келіп ән айтып, би билейтінін, Әліппемен қоштасатынын, сауаттарын ашып, әріп танып алғандарын ұзын құлақтан естідік
Патша: Не дейді? (Ашуланып қолындағы алтын таяғын 2-3 рет қатты қатты ұрып) Осыны ұйымдастырған кім екен, шақырыңыз!
Патша: менің рұқсатымсыз неге Әліппемен қоштасқалы жатырсыңдар?-Жүргізуші: Иә, білім патшасы, кешіріңіз. Сіз бүгін бізді тоқтата алмайсыз. Менің кішкентай достарым сіздің елдің барлық әріптерін танып, біліп, үйреніп, жазып, оқи алатын жағдайға жетті. Осы қуанышымызды мына жұрттың алдында паш етеміз. Оданда ашуыңызды басып, 1»ә» сынып оқушыларының өнерін тамашалаңыз. Мерекемізді бастауға рұқсат етіңіз.
Патша: - Жарайды, онда рұқсат берейін, өнерлерін көрейін.
жүргізуші:
Рахмет, білім патшасы!
Тыңдаңыздыр, тыңдаңыздар!
Естімеген естіңіздер,
Тыңдамаған тыңдаңыздар!
Қазір бізде Әліппе тойы басталады.
жүргізуші: Осы тойдың себепкерлері қайда екен?
жүргізуші: Ендеше бәріміз дуқол шапалақпен қарсы алайық(фонфар қосылады)
1-қыркүйек 2015 жылы 1-сыныпқа қадам басқан, сүйкімді әліппе оқулығын қолға алған 12 бүлдіршін мектеп табалдырығын аттады.
Мұғалімнің сөзі: Құрметті ұстаздар, оқушылар, ата — аналар! Бүгін біздің қуанышымызға шек жоқ. Бүгін сіздер 1- сынып оқушыларының «Әліппемен қоштасу» ертеңгілігіне келіп отырсыздар. Балалардың ең алғаш бетін ашқан оқулығы Әліппе. Әліппені бітіру алдыңғы өмірге бастайтын көп белестердің бірі. Ендеше, біз бүгінгі күні сол белестің бірінен асып отырмыз. Сондықтан бүгінгі ертеңгілік сіздер мен біздер үшін ортақ та салтанатты мереке. Олай болса, мерекемізді бастауға рұқсат етіңіздер!
Әліппені бітірді балаларым,
Әліппеден нәр алған даналарым.
Өзі оқып жазатын хәлге жетті.
Құтты болсын білімі балалардың
Ал ендігі кезекті сөзді оқушыларға берейік.
Кенжемұрат Санжар:
Қош келіпсіз, ақ жаулықты аналар,
Жүздеріңнен мейірім мен нұр тамар.
Алдарында қызғалдақтай құлпырған,
Біз алаңсыз балғын шақты балалар.
Алтынай:Көз салып қараңызшы бойымызға
Ортақ боп бүгінгі өскен ойымызға
Хош, келіпсіз, ұстаздар, ата-аналар,
Әліппемен қоштасу тойымызға
Мұғалім: Өсті міне бойлары
Өсті ақыл ойларың
Қуанышқа ортақпын
Құтты болсын тойларың!
Мұғалім: - Балалар мен сендерге сұрақ қоюдан бастаймын. Сендер жауап айтыңдаршы.
Іші толы әріпке білімдегі жарық не?
Оқушылар хормен: Болашаққа жол ашқан, Ол сүйікті Әліппе!
Мұғалім: - Олай болса, бәріміз ең қымбат Әліппені ортаға шақырайық.
Хормен: Әліппе, Әліппе
( әліппе ортаға келеді)
Менің атым Әліппе,
Мені анаңдай дәріпте
Мені оқыған ер жеткен
Ағаң мененен әпкеңде.
-Армысыздар жас достар! Армысыңдар ата-ана! Болашаққа жол бастар, Әліппең келді ортаға.
Мерекеңмен құттықтаймын
Бүлдіршіндер балғындар!
Не үйреніп не білдік
Кәне ортаға салайық
Әліппе: - Балалар осы сендер қандайсыңдар?
Жаннұр-Талабы биік таудаймыз.
Алтынай -Мың бұралған бишіміз.
Ерқанат -Біз шеберміз.
Санұр -Ақылдымыз.
Ажар-Үлкенге ізеттіміз,
Бекталап-Кішіге қамқормыз.
Алуа -Көп оқимыз.
Санжар - Еңсесі биік
Амина - көк туы желбіреген
Жансұлу -Тәуелсіздігі тұғырлы
Барлығы: Біз - қазақ елінің болашағымыз.
Ән: Әліппем
Көрініс: «Бауырсақ ертегісі» Ертеде шал мен кемпір болыпты. Шал кемпірге: Кемпір, менің қарным ашты, бауырсақ пісірші! – депті. Кемпірі үйде ұн жоқ дейді. Қаптың түбін қырып ал!- дейді шал. Кемпір бауырсақ пісіріп, шалға алып келеді. Шал: терезені ашып қоя тұр, ыстық екен, суысын дейді. Терезені ашып, бауырсақты суытып қояды. Бауырсақ домалап жерге түсіп, қашып кетеді. Атамнан да құтылдым Апамнан да құтылдым – деп әндетіп келе жатып, балаларға кездеседі. — Ой мына жерде той болып жатыр екен гой? Бұл не той?- деп сұрайды. Балалар: әліппемен қоштасу тойы — деп жауап береді.
Хор «Ұстазым» әні Сол кезде алдынан Қасқыр шығады. Бауырсақ, бауырсақ — мен сені жеймін дейді. Бауырсақ балалардың артына тығыла қашып, балалар көмектесіңдерші!- деп көмек сұрайды. Балалар, әрине көмектесеміз дейді. Бауырсақ: Жемеші, жемеші, біз сізге тақпақ айтып, ән де шырқап береміз.- дейді.
Исламбек :Алфавитті жатадық
Онда жүйе, қалып бар,
Біздің қазақ тілінде
42 әріп бар
Балалар:
Әліппенің А тұрады басында
Әрқашанда Ә тұрады қасында
Байқадың ба Б тұрады үшінші
Ал осының сыры неде түсінші
Балалар:
А деген ол аналар ғой ардақты
Ә деген ол әкелер ғой салмақты
Б деген ол балалар ғой көңілді
Біздің елде үшеуі де кәделі
Қасқыр: —
Балалар, сендер өте өнерлі екенсіңдер, мен бауырсақты жимеймін!!! кетіп қалады.
Әліппе: Олай болса, менің сендерге жасыратын жұмбақтарым бар.
Кәне, соны шешіп көрейік. Қабат қабат қаптама Ақылын болса аттама (кітап)
Болған сайын тереңге
Шығасың биік белеске (Білім)
Үйреткен ілімді
Қырық екі білімді ( Әліпби)
Алты қырлы түсі бар
Суретпенен ісі бар (Қарындаш)
Бауырсақ әндетіп жүреді, алдынан Аю шығады: Бауырсақ, бауырсақ — мен сені жеймін дейді. Бауырсақ балалардың артына тығыла қашып, балалар көмектесіңдерші!- деп көмек сұрайды. Балалар, әрине көмектесеміз дейді. Бауырсақ: Жемеші, жемеші, би билеп береміз— дейді. Би: Қазақ биі орындайтын қыздар
Мұғалім: - Балалар, сендер әліппемен ғана достасып қойған жоқсыңдар, сонымен бірге қандай негізгі пәндерді оқыдыңдар? Оқушылар: Математика, дүниетану, ән сабағы, бейнелеу өнері, еңбекке баулу. Мұғалім: Ретімен тізбелі, Әрбір санды даралап. Қайсың барсың бізге енді, Айтып берер санамақ? Балалар бірге санамақ айтып береді. 1 дегенім – бесік, Шықтың содан өсіп. 2 дегенім – елім, Далам, тауым, көгім. Дана: 3 дегенім – үміт, Үміт артар жігіт. 4 дегенім – төзім, Төзе білем өзім. 5 дегенім – бақыт, Бағалайтын уақыт. 6 дегенім – ақыл, Тыңдағаныңмақұл. 7 дегенім – жалау, Жүректегі алау.
8 дегенім – сөзің, Серт беретін кезің.
9 дегенім тоқтау
Елдің жоғын жоқтау
10 дегенім отан
Қорға соны ботам.
Әліппе: Дұрыс, балалар сендер мені оқып бітірдіңдер, әріптерді жақсы меңгердіңдер. Балалар қандай әріптерді білесіңдер:
Алуа:
Ай мен күні анамның
Ақылдысы тәтемнің,
Мен Алуа боламын.
«А» Атыраудың айдыны,
Алтай таудың айбыны
Астанамыз-Астана,
Алматымыз-бас қала.
Ажар:
Сәулелі де сымбатты,
Сөйлегені тым тәтті.
Ажар деген қыздарың,
Сіздерге арнап тіл қатты.
«Ә» Әдептілік дегенің,
Әрқашан да керегің.
Әсемпаздық дегенің,
Әуре-сарсаң әлегің.
Бекталап:
Бүгін үлкен салтанат,
Менің атым Бекталап.
«Б» Бейбітшілік бар адам жүрегіңде,
Бейбітшілік бар адам тілегіңде.
Жаннұр:
Бармағынан бал тамған,
Балдай тәтті мен Жаннұр.
«Ғ» Ғалым болсаң ғылымда,
Ғажайыптар аша біл.
Ғарыштың да тыңына,
Ғалым дәнін аша біл.
Амина:
Амина қызбын кең маңдай,
Әдемімін мен қандай.
«Е» Еріншектің ертеңі,
Елге таныс ертегі.
Жансұлу:
Сурет салар сәулелі,
Мен Жансұлу қыздарын боламын.
«Ж» Жатырқама кісіні
Жатсынбайды түсінген.
Ренжітпе кісіні,
Жақсылығың ісіңнен.
Исламбек:
Білімнен бақыт табатын,
Мен Исламбек боламын.
«И» Иба, әдеп, ақыл-ой,
Имандылық басы ғой.
Иісі қазақ баласын,
Инабатты дейді ғой.
Алтынай:
Жұмсағанда баратын,
Айтқан тілді алатын,
Мен боламын Алтынай.
«Ө» Өнер іздеген өсер,
Өсек іздеген өшер.
Кенжемұрат Санжар:
Жақсылықты жақтайтын,
Бәрін біліп жаттайтын,
Санжар деген жігіт мен болам.
«С» Сыйламаған аз досын,
Сыйлай алмас өз басын.
Тілеуғалиев Санжар:
Талабы таудай талапты Санжар деген баламын.
«Ш» Шындықты сақтаймыз,
Шыншылдықты жақтаймыз.
Шаршы топ алдында,
Жігерлікті ақтаймыз.
Ерқанат: Ерқанат деген баламын,
Есепті мен шағамын.
«Ұ» Ұл атану ұрыншақ,
Ұят екен ұғынсақ.
Санұр: Дарасы болар даланың,
Санұр деген баламын.
«І» Ізбасар болар ініміз,
Ісінен оны біліңіз.
Енді сендерге ары қарай білім беретін мына Ана тілі болады. Ендеше балалар барлығымыз ана тілін ортаға шақырайық.
Анатілі: Сәлеметсіздерме, балалар. Сәлем, достар, аманба? Аман болған әманда, Ана тілі нар дақтар, Ата — бабам, анам да, Туған тілдің тілімін, Ақылы мен танымын Таныстырар бәріне Ана тілі пәнімін Ана тілі ұраным Ана тілім — құралым Ана тілім болмаса Мықты болмас тұрағым
Мұғалім:Балалар, ендігі сендердің жаңа достарың – Ана тілі. Сондықтан әліппені қалай меңгерсеңдер Ана тілін де солай меңгеруге сөз бересіңдер ме?
Талап, еңбек, терең ой,
Қанағат, рақым ойлап қой –деп Абай атамыз жырлағандай, осы бес қасиетті бойымызға дарыту үшін ана тілін меңгеруіміз керек. Бауырсақ әндетіп жүреді, алдынан түлкі шығады: Бауырсақ, бауырсақ — мен сені жеймін дейді. Бауырсақ балалардың артына тығыла қашып, балалар көмектесіңдерші!- деп көмек сұрайды. Балалар, әрине көмектесеміз дейді. Бауырсақ: Жемеші, жемеші, біз саған есептер шығарып, ән айтып береміз — дейді Ал, ойланыңдар: Ойда жүр бес ешкі, Қырда жүр бес ешкі, Болады сонда неше ешкі? Хормен: Болады сонда он ешкі.
Түлкі: — Балалар мен сендерден достықты, бірлікті үйрендім!! Ендеше мен бауырсақты жимеймін, бауырсақпен дос болып ертегілер әлеміне қайта оралайық!!! (бауырсақпен қол ұстасып кетіп қалады) Әліппе: -Балалар мен сендердің келешекте сауатты азамат болатындарына сенемін. Ал, енді мен сендермен қоштасамын. Қош болыңдар, балалар! Сабақты жақсы оқыңдар! «5» болсын алар бағамыз, Біліммен бақыт табамыз, Өнер-білім көп тоқып, Өсе берсін санамыз! ( 5-тіктер тарату)
Би : Флешмоб
Мұғалім: - балалар Әліппе сендерді оқуға,жазуға үйретті. Сол үшін Әліппе достарыңа не айту керек?
Қыздар: балаларға ақ тілек,
Ұлдар: болашаққа бақ тілеп
Хормен: Біздерге білім үйреткен
Әліппе саған рахмет Мұғалім: Әліппемен қош айтысып қаламыз, Енді қолға ана тілін аламыз. Ата-ана қуанышқа ортақ бол, Сауатты боп шықты міне балаңыз!
Мұғалім: Бүгінгі кеш әр үйдің «Той басы» деп саналар,
Балалардың есімі әулеттерге таралар.
Ырым етіп сондықтан тойымыздың соңында
Ақ ниетпен баршаға тілек айтар қонақтар.
Сөз кезегі Мектеп директоры:
Одан кейінгі сөз кезігін мектеп орынбасары:
Мұғалім: - Бізді осындай күнге жеткізіп, бірге қуанып жүрген аналар мен әкелеріміз, аталар мен әжелерімізге мың алғыс айтамыз.
Мұғалім: Мұнда біреу жымияды қызына, Мұнда біреу ақыл айтар ұлына. Мұнда біреу сөз сөйлейді жараса, Мұнда біреу елтіп отыр жырыма. Ол кім десең, Қуаныштан езулерін жымиған, Ол – ата – ана, әлемдегі сыйлы адам, - дей келесі сөз кезегін ата – аналарға беремін. Ата – аналардың тілектері тыңдалады
Мұғалім: Ұстаздар, ата аналар, бүгінгі кешімізге алтын уақыттарыңызды бөліп, құрметті қонағы болып келгендеріңізге мың алғыс. Ал, балаларыма айтарым Білім баспалдағына өрлеген сапарларың сәтті болсын! Дей келе бүгінгі кешімізді аяқтаймыз. Сау саламатта болыңыздар!
