Конспект урока "Жіктеу есімдіктері"

Сабақтың тақырыбы:Зат есімнің жіктелуі . Білімді тиянақтау.

Сабақтың мақсаты: 
Зат есімнің септелуін, жіктелуін оқушылардың қалай түсінгенін тексеру. Сабақта ойын түрлері арқылы тапқырлық ізденімпаздылық қасиеттерін дамыту, ой белсенділігін артыру. Оқушылардың ойлау қабілетін,шапшаңдық жылдамдық және көрегендік қасиеттерін дамыту. Сауаттылыққа, ұйымшылдыққа, шығармашылыққа тәрбиелеу. 
Қолданатын модульдер: «Сыни тұрғыдан ойлау» , «АҚТ- ны пайдалану», «оқу үшін бағалау және оқытуды бағалау»
Сабақтың стратегиялары: 
«Топтасу», «миға шабуыл» топпен жұмыс, талдау, жаттығу орындау, ойлау, дәлелдеу, бағалау, рефлексия 2 жұлдыз, 1 тілек. 
Сабақтың барысы: 
I. Ұйымдастыру кезеңі: 
1. Сәлемдесу. 

Топқа бөліну. Бірінші , екіншіге саналу. Топтар орындарына отырып, топ басшысын сайлайды, топ ережесін еске түсіреді.

2. Психологиялық икем. Берілген амалдарды орындап, қорытынды шығару (1 слайд)

810:90+2

5+120:60

3+100:25

200*4-793

• Қандай сан шықты?

• 7 қандай сан?

• Қазақ тілінде 7 тең не бар?

• Олай болса үй тапсырмасын тексерейік?

II. Үй тапсырмасын қорытындылау үшін сәйкестендіру тестін орындайық (2 слайд)

А. С гүлдің, әженің, заттың

І. С. демалысты , сөйлемді, шалғыны

Б.С. жастан, өзеннен, үйден

Т.с ата- аналар, дәптер, Айғаным

Ж.с сабақта, кітапханаға, ініге

Ш.с оқушымен, отпен, пойызбен

К.с ауылда, мектепте, халықта.

- тексеру, әр топты бағалау.

III. Білімді тиянақтау.

Жақсы балалар үй тапсырмасын дұрыс орындаппыз, үй тапсырмасы түсінікті болса келесі мына сұрақтарға жауап берсеңдер

1. «Миға шабуыл» стратегиясы бойынша: (6 слайд)
   1. Балалар сендер қандай сөз таптарын білесіңдер? 
   2. Зат есім дегеніміз не? 
   3. Зат есім қалай түрленеді? 
   4. Көптік жалғауларды атаңдаршы. 
   5. Зат есімде қанша септік бар? 
   6. Зат есім неше жақта тәуелденеді? І -менің, ІІ-сенің, сіздің, ІІІ-оның 
   7. Зат есім қалай жіктеледі? жекеше, көпше түрінде 
   8. Сөйлемде қандай қызмет атқарады? (баяндауыш) 

Әр топты бағалау.
2).Олай болса балалар біз бүгінгі сабағымызда зат есімнің жіктелуі туралы білімдеріңді тиянақтаймыз, пысықтаймыз. Ол үшін біз арнайы тапсырмаларды орындауымыз керек. 

• Дәптерімізді ашып бүгінгі күнді жазайық.(7 слайд)

• Көркем жазу: Қ қ

• Сұрақ – жауап:

• Қ- қандай дыбыс?

• Қ дыбысы кездесетін ай аттарын атаңдар.

• Сөйлемді жазу: Желтоқсан, қаңтар, ақпан- қыс айлары.

3). Топтастыру «Мен кіммін?» әр топ өз ойларын жазады. (8 слайд)

- Бір сөйлем құрастырып жазып, сөйлем мүшесіне талдаңдар.

Әр топты бағалау.

4). Келесі кезекте балалар біз сендермен терме диктантын жазайық. (9 слайд)

Мен сендерге сөздерді оқимын, ал сендер тек жіктік жалғауы бар сөздерді жазып алыңдар.

Суретшінің, мұғаліммін, еңбекпен, даланы, кірпіштен, жылқыға, қалада, қағазбен,адаммын, Арайсың, қонақтан, ағаш, әншіні, әншімін ,өсімдіктің, гүлдер,отқа, доспын, адамның, темірден, үстелде.

Диктанты тексеріп, әр топты бағалау.

5). Сергіту сәті.  (10 слайд)

Ұлттық биі «Қара жорғаны» билеп бір серігіп алайық.  

6). Өздік жұмыс: Берілген сөздерді жекше , көпше түрде жіктеп жазайық.(11 слайд)

I топ : Жұмысшы

II топ : суретші
7). «Адасқан жалғаулар» ауызша сөздердің жалғауларын жалғап, сөйлемдер құрастыру.Әр топтарды бағалау. (12 слайд)
8).Енді оқулықтағы 2-жаттығуға қарайық. Сөйлемді көшіріп жаз. Зат есімнен болған баяндауыштарды тауып, астын сыз. Қай жақта тұрғанын айт.

Сендер бақытты ұлансыңдар. Әлбек-талантты әнші. Диас кітапханаға барды. Біз тату баламыз. Жақсы оқып жүрмісің? Үлкендерді сыйлаңдар.

Әр топты бағалау.

IV. Сабақты қорытындылау: Ойын «Кім жылдам» Берілген сөздерден жіктеп, септеп, тәуелдеуге болатындарын таңдап ал , дәлелде. (14 слайд)

Азамат, қалам, оқулық, шәкірті, орындық, ақын

Әр топты бағалау. Рефлексия: 2 жұлдыз, 1 тілек 
Әр оқушы өзінің бүгінгі сабақтан алған әсерімен, сабақта ұнаған жерлерін стикерге жазып, оқып, апарып тақтаға іліп шығады. 
V. Үйге тапсырма беру: 5 – жаттығу. Ережелерді қайталау.  (15 слайд)
Сабақ аяқталды сау болыңыздар! (16 слайд)

Бағалау парағы.