Конспект урока казахского языка "Зат есім".

Пәні:

Қазақ тілі

Күні:

20.02.18

Сабақтың тақырыбы:

Зат есім

Сілтеме:

2-сынып. Қазақ тілі оқулығы «Атамұра» баспасы 2017ж 49-50 беттер

Жалпы мақсаттары:

Білімділік: Аудио-бейнежазба мазмұны бойынша өз ойын (ұнайды/ұнамайды, себебі, пайдалы-пайдасыз болды, себебі ... т.б.) білдіру. Мұғалімнің көмегімен наурыз мерекесі мәтіннің тақырыбын ашу және негізгі ойды анықтау. Бас әріп пен кіші әріптің биіктігі мен мөлшерін сақтап, оларды байланыстырып көлбеу және таза жазу дағдыларын қалыптастыру 26-28 жаттығулар.

Дамытушылық: Үлгі бойынша қарапайым хабарландыру, хабарлама және ас әзірлеу рецептісін жазу арқылы байланыстарын сөйлеу, ой-өрісін дамыту. Оқушылардың сөздік қорын, дүниетанымын, белсенділігін арттыру.

Тәрбиелілік: Наурыз мерекесінің тарихын айта отырып елжандылыққа тәрбиелеу.

Сабақтың түрі:

Аралас сабақ.

Оқыту нәтижесі:

Зат есімді түсінеді, басқа сөз таптарынан ажырата алады. Сөздердің мағынасын түсінеді.

Негізгі идеялар

Зат есім туралы түсініктерін молайту.

Пайдаланған әдіс- тәсілдер

Сұрақ - жауап, әңгімелеу, топпен жұмыс, кері байланыс, бағалау, ой қозғау.

Қажетті құралдар

Интербелсенді тақта, доп.

Тапсырмалардың түрлері

Уақыты

(40мин)

Мұғалімнің іс-әрекеті

Оқушылардың іс-әрекеті

1. Ұйымдастыру кезеңі

5 мин

Қол алысып, қәне, біз,

Достасайық бәріміз.

Айтарым бар сіздерге,

Тез тұрыңыздар шеңберге.

Қандай жақсы бір тұру,

Достарменен бір жүру!

Қандай жақсы дос болу!

Ал енді балалар бір-бірімізге жылы сөздер, жақсы тілектер айтайық.

Шаттық шеңберіне тұрады.

2)Топқа бөлу

3 мин

Мына кәмпитті таңдаңыздар. Соған сәйкес топқа барып отырасыздар.

Кәмпит таңдап топқа отырады.

3)Үй тапсырмасын сұрау

7 мин

Тыңдаңыздар, ұлдар, Тыңдаңыздар, қыздар. Қолдарыңды созыңдар Алақанды ашыңдар. Қайсымыз «5» алудан қашпаймыз!

Ендеше үй тапсырмасын Айтқандардан бастаймыз!

Кім бастайды?

Сонымен балалар бұл жаттығулар қай сөз табы туралы? Иә, зат есім.

Неге зат есім? Себебі, заттың атын білдіреді, кім? не? деген сұраққа жауап береді.

Оқушылар үй тапсырмасын айтуға кіріседі.

4) Бекіту сабақ

5) Сергіту сәті

6) Қорытынды

7) Бағалау

8) Рефлексия

13 мин

3 мин

5 мин

2 мин

2 мин

Балалар енді бүгінгі сабағымызға мақсат қойып алайық.

- Біз бүгін зат есім туралы түсінігі-мізді молайтамыз.

-Балалар қазір қандай жыл мезгілі?

-Қыстан кейін қай мезгіл?

-Дұрыс, жарайсыздар мерекеге толы көктемнің алғашқы айы – наурыз жақындап қалды.

-Наурызда қандай мереке бар?

Кітапты ашамыз. 49-бет.

24-жаттығу.

Сурет бойынша әңгімеле.

Бұл суретте көптен күткен көктем кезіндегі ауыл бейнеленген. Үлкен, әдемі киіз үйлер, мәз-мейрам болып домбырамен ән салып жүрген қыздар мен жігіттер, аман саулық білісіп отырған аталар.Апамыздың дайындаған наурызкөжесінен келген кісілер дәм татуда. Бір топ жігіттер ат үстінде серуен салып жүр. Барлығының жүзінде қуаныш, себебі Наурыз мейрамы аталып өтілуде.

Батыс жақта Атырау, Маңғыстау Ақтөбеде мереке ерте басталады. 14 наурыздан бастап алдымен «көрісу» мерекесін атап өтеді. Себебі, бұрынғы заманда көлік болмаған сол кезде туыс-туғандар бір-біріне ат ізін сала алмаған. Сол себепті наурыз айы туғанда хал жағдай сұрасу ниетпен бір біріне барған.

Топтық жұмыс. Оқы. 25-жаттығу

Мәтінді түсініп оқы.

-Наурызкөже деген не, ата?

-Наурызкөже деген – жеті түрлі дәм салып жасаған өте дәмді көже.

-Ата, наурызкөжені неге ішеміз?-деді Нартай.

-Наурызкөже ішкен соң көне жыл бітіп, жаңа жыл басталады. Наурызкөже ішкен адам бір жасқа үлкейеді,-деді атасы.

Ұлыстың ұлы күні – Наурыз мерекесін дәстүрлі наурызкөжесіз елестету мүмкін емес. Бұл күні әрбір үйде қазан оттан түспей наурызкөже дайындалады. Ырым-шыл қазақ халқы әу бастан киелілікке, қасиетті сандарға мән берген. Сол себепті бұл тағамды жеті түрлі тағамнан жасап, молшылық болсын, береке болсын деп ниет еткен.

Сонымен наурызкөжеге жеті түрлі тағам қосылады. Біз бүгін сол тағам атауларын білу мақсатпен

7 тапсырма орындаймыз.

Топтық жұмыс. 1-тапсырма

Постер: Наурыз мерекесінің ерек-шелігі

Су – тіршілік көзі, сондықтан наурызкөженің де негізі су болып табылады.

2-тапсырма

«Наурызда күн мен түн теңеледі» деп неліктен айтатынын үлкендер-ден сұрап біліп ал. Балалар сіздер-ге үйдегі үлкендер осы туралы айтқан шығар. Қане, есімізге түсі-ріп алайықшы.

Қазақтың ең жақсы көретін, негізгі ас дәмдерінің бірі – сүр ет. Қашанда қазақы дастарханның берекесін ет келтіреді. Сол себепті Наурызкөжеге қазақтың төл асы – ет қосылады.

Қуыр, қуыр, қуырмаш.

3-тапсырма жаз 26-жаттығу.

Өлеңді көшіріп жаз.

Жұмыс дәптерді ашамыз.

Тапсырманы орындаймыз.

Көжеге үшінші - дәм арпаны қосады. Арпаның емдік қасиеті жайлы бәріне белгілі.

4-тапсырма жаз 27-жаттығу.

Оңнан солға қарай оқылғанда жаңа сөз шығатын сөздерді теріп жаз.

Қамыт, кесе, ішік, мысық, қыран.

Қолғанат – көмекші деген мағына-ны береді.

Арпамен қоса, тары да қосылады. Тарыны қосу себебі тоқшылық болсын деген сөз.

5-тапсырма ойлан 28-жаттығу.

Жұмбақ өлеңді оқып, шешуін тап.

Тары-сары.

Тары-пшено-millet.

Cары-желтый-yellow.

Күріш сияқты дәнді дақылдар қосылады. Жалпы, Наурызкөжеге дәнді дақыл қосудың бір мағынасы – бір тамырдан өсіп-өнген дәндей ұрпағымыз көп болсын деген тілек болса керек.

6-тапсырма топтық жұмыс. Тарыдан жасалатын қандай тағам түрлерін білесің? жент,ботқа,көже

Көжеге міндетті түрде айран немесе ақ құяды. Бұның да негізінде – сүттей ұйып отырайық, ақ мол болсын деген ниет жатқан болар.

7-тапсырма ойын

«Кім көп сөз айтады?»

Наурызкөжеге де дәм беретін тұз жетінші тағам ретінде қосылады.

Үй жұмысы.

Жұмыс дәптерде 39-бет

Шығармашылық тапсырма.

1. Өзіңе ұнайтын наурызкөжені қалауың бойынша жеті түрлі тағам қосып жаса. (жұмыс дәптерден)

2. 28-жаттығудағы 3-тапсырма:

Өзің білетін бір тағамның құрамын жаз.

3. 28-жаттығудағы 2-тапсырма:

Өз отбасы мүшелеріңнің сүйікті тағамын анықта.

Смайликтер арқылы.

Шарды бояу.

- Суретке қарап әңгімелейміз.

- Мәтінді түсініп оқимыз.

- Әдемі жазамыз.

- Қатесіз жазамыз.

- Жұмбақты шешеміз.

- Сабаққа белсене қатысамыз.

- Сұрақтарға жауап береміз.

-Қыс

-Көктем

-Ұлыстың Ұлы күні Наурыз мейрамы.

Тапсырмаларды мұғалімнің

нұсқауымен орындайды

Тыңдайды.

Ән айтады.

Жұмбақты шешеді.

Білетін сөздерін айтады.