Х дыбысы мен ?рпі (?айталау)

Құрметті: «Сайт» !

Ел ертеңі жас ұрпақты саналы тәрбие,сапалы біліммен қаруландыру мақсатында өз тәжірибелерімді сіздермен бөліскім келеді.Осы мақсатпен жіберіп отырған «Әліппе» пәнінен «Х дыбысы мен әрпі», тақырыбындағы ашық сабақты сайтқа жарияланса деген өтінішім бар

Құрметті редакция ұжымы, еңбектеріңіз әрдайым жемісті де табысты болсын!

Құрметпен, Теректі ауданы, Ақсоғым ауылы

Восход жалпы орта білім беретін мектебі

Хами Сандуғаш Беркінқызы

Бастауыш сынып мұғалімі

Сабақтың тақырыбы: Х дыбысы мен әрпі (қайталау)

Сабақтың мақсаты:

а) Білімділігі: Х әрпін түсіндіре отырып, буындап оқуға үйрету.Әріп элементін қайталау. Сөз ішінен х әрпін табу, дыбыстық талдау жасау, сөйлем құрау, мәтінді талдау;

ә) Дамытушылығы: сөйлеу дағдыларын, сөздік қорларын, тіл байлықтарын дамыту;

б) Тәрбиелігі: оқушылардың пәнге деген қызығушылықтарын арттыру. Ұқыптылыққа, адамгершілікке, тазалыққа, үйрету,сауатты әрі таза жазуға, мәнерлеп оқуға дағдыландыру;

Түрі: ойын сабақ, жалғас сабақ

Әдісі: сұрақ- жауап, әңгімелеу, ой қозғау, түсіндіру

Көрнекілігі: Мультфильм кейіпкерлері, шахмат, фото суреттер, Актив студио, интерактивтік тақта, видеопроектор.

Сабақтың барысы:

І. Ұйымдастыру кезеңі:

1. Психологиялық дайындық

- Күліп қағып қолымды,

- 1,2,3,- деп соғайын

- Қарап тұрып көршіме, қолымды мен бұлғайын

- Жылы- жылы жүзбенен

- Маңдайынан сипайын

- Ыстық алақаныммен

- Қолыңды бер қысайын

2. Оқушылардың назарын сабаққа аудару.

Кел балалар келіңдер,

Мультфильм кейіпкерін көріңдер.

Бізде қызық ойын бар,

Бізде қызық жұмбақ бар.

Бәрің қане тыңдап қал.

Балалар бүгінгі сабағымызға мультфильм кейіпкерінің қонаққа келгенін, олардың өздерімен бірге тапсырма әкелгенін айтып өтемін.

ІІ. Үй тапсырмасын тексеру.

Ой қозғау.

Дыбыстар нешеге бөлінеді(дауысты, дауыссыз), көк, қызыл текшелермен белгіленеді.Өткен сабақта қандай әріппен таныстық.

Х дыбысы- кедергіге ұшырайды, тамақпен айтылады, дауыссыз дыбыс, көк текшемен белгіленеді.

Х- әрпін ауада жазу.

Ойын: Ойлан тап;

Сұрақ- жауап

1. Аяғы жоқ жүреді, аузы жоқ сөйлейді (Хат)

2. «Оюда бармын», «допта бармын»

«Түнде» жоқпын

«Мен қандай дыбыспын» (О дыбысы)

1. Өз атын өзі шақырады, сөйтіп күнді батырады. (Көкек)

2. Жұп- жұмыр жоны бар, инеден тоны бар

Түйреген түрпі, бұл не? (Кірпі)

1. Егер мен К- ден бастасам, тісі жоқтың бірімін

К- ні алып тастасаң, аяқ киімнің бірімін (Кетік- етік)

1. «А-ға», «Й- ді» қосқанда, қандай сөз шығады (Ай)

Осы сөздердің алдыңғы дыбысын оқығанда, соңғы сөзде, соңғы дыбысын оқығанда ойынның аты шығады. (Хоккей)

І. «Мадагаскар тапсырмасы»

«Хоккей» сөзіне дыбыстық талдау жаса

Хоккей- 2 буын, 6әріп, 6дыбыс, 2 дауысты, 4 дауыссыз дыбыс, х дыбысы сөздің басында кездеседі.

ІІ. «Микки маус тапсырмасы»

Х әрпінен басталатын сөздер табу;

Хор,халат, хабар, кітапхана, асхана, дәріхана, шеберхана, шахмат, саяхат,халық.

16 желтоқсан күні Қазақстан Республикасының халқы Тәуелсіздіктің 20 жылдығын атап өтеді. «Тәуелсіздік» - ешкімге бағынбау, өз алдына дербес тәуелсіз өмір сүру.

ІІІ. «Құйыршық» ертегісі кейіпкерлерінің тапсырмасы:

Суретпен жұмыс.

Хор - вокалдық музыканы қосылып орындайтын әншілер тобы.

Кітапхана- көпшілік тұтынуына керекті кітаптар сақталып тұратын үй, мекеме.

Асхана- қоғамдық тамақтандыру орны.

Дәріхана - дәрі- дәрмек даярлап және оны сататын орын; мекеме

Дәрі- ол ауырғанда ішетін дәрі

ІІІ. Жаңа сабақ (қайталау) Хдыбысы мен әрпі.

а) Видеокөрініс

Осы көріністен кейін естеріңде айтылмай қалған қандай сөздер қалды, мағынасын ашу. Сурет көрсету

ІV. Оқулықпен жұмыс.

Тапқышбектің тапсырмасы шардағы буындарды, сөздерді оқу.(ха, хи, хо, шах, сух, хош, хат)

V. Құбыжық (ең жағымсыз кейіпкер) тапсырмасы

Мектеп асханасы (түсіндіру), тізбектеп оқу.

«Нан» туралы өлең оқу.

Нан қиқымын шашпаңдар,

Жерде жатса баспаңдар.

Теріп алып қастерлеп,

Торғайларға тастаңдар.

VІ. Дәптермен жұмыс.

VІІ. Сергіту сәті.

VІІІ. Жоғалған піл тапсырмасы:

Тақтамен жұмыс. Х әрпін жазу.

4- оқушыны тақтаға шақыру (орындығымен)

Сұрақ- жауап

1. Сен кітапханаға бардың ба?

2. Онда не көрдің

3. Сенің үйің де кітап бар ма?

4. Саған қандай кітап ұнайды?

5. Кітапханада саған кітапты кім береді?

6. Кітап туралы мақал айту.

Шығармашылық жұмыс:

1. Хат алып көрдіңдер ме?

2. Хат қалай басталады?

3. Өз өмірің жайлы хатқа не жазар едің?

4. Хатты қалай аяқтайсың?

Қосымша дәптерге сөздер жазу

Хат, асхана, нан, хор

ІХ. «Наруто тапсырмасы»

Қорытынды: Ой қозғау.

Ас Шебер

хана

Наубай

Дәрі

Кітап

Мейрам

Той Наубай

Бағалау: жұлдызшалармен

Үйге тапсырма: Мектеп асханасы оқу, әңгімелеу, дәптер бет-22 аяқтау

Мадақтау:

Мұғалім:

Мұғалімнің айтқанын

Мықтап миға тоқимыз

Бар ынтамен тыңдасақ

Кілең 5-ке оқимыз

Сабақ аяқталды. Сау болыңыздар.