Қазақ тілі және әдебиеті "Болымды және болымсыз етістік"

Ұзақ мерзімді жоспар бөлімі:

«Атақты тұлғалар»

Күні:

Мектеп: Көкшетау қаласы

ФМБ Назарбаев Зияткерлік мектебі

Мұғалімнің аты-жөні:

Сынып: 3

Қатысқандар:

Қатыспағандар саны:

Сабақ тақырыбы

Болымды және болымсыз етістік.

Осы сабақта қол жеткізілетін оқу мақсаттары (оқу бағдарламасына сілтеме)

3.4.2.5 болымды және болымсыз етістіктердің айырмашылығын анықтау;

3.3.4.1 мұғалімнің қолдауымен сызба, график, кесте, фотосуреттер арқылы мәтін (хат, шақыру, нұсқаулық, презентация т.б.) құрау;

3.3.6.1 кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу, жазу қарқынын жеделдету.

Сабақ мақсаттары

-болымды және болымсыз етістіктерді ажыратып,фотосуреттер қолдану арқылы хат жазу.

Бағалау критерийлері

-болымды және болымсыз етістіктерді ажырата алады;

фотосуреттер қолдану арқылы хат жаз алады;

-каллиграфиялық нормаларды сақтап жаза алады.

Саралап оқыту қағидаты

Ресурстар арқылы саралау,шығармашылық жазылым тапсырмасы арқылы орындау.

Тілдік мақсат

Пәндік терминология мен тірек сөздер:

Етістік, етістіктің түрлері, болымды және болымсыз етістіктер т.б.

Сабақта диалог /жазу үшін пайдаланылатын тіл:

Талқылау үшін сұрақтар:

Етістік дегеніміз не?

Негізгі етістік дегеніміз не?

Туынды етістік дегеніміз не?

Болымды етістік дегеніміз не?

Болымсыз етістік дегеніміз не?

Хат жазуға қандай талаптар қойылады?

Құндылықтарды дарыту

Адамгершілікке, кішіпейілділікке, жаман әдеттерден аулақ болуға тәрбиелеу.

Пәнаралық байланыстар

Әдебиеттік оқу, өзін-өзі тану

Алдыңғы меңгерілген білім

Етістік тақырыбынан игерген білімдеріне негізделеді

Сабақ барысы

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақтың басы

5 минут

(Ж.МК.) «Ауыр сұрақтар?» әдісі арқылы өткенді қайталау.

Зат есім дегеніміз не?

Сын есім дегеніміз не?

Сан есім дегеніміз не?

Етістік дегеніміз не?

Негізгі зат есім дегеніміз не?

Туынды зат есім дегеніміз не?

Жалқы есім дегеніміз не?

Кез келген оқушыға бір сұрақ қой.

Қандай атақты суретшіні білесің?

Біздің еліміздің атақты тұлғаларын ата.

/Мұғалімнің кері байланысы/

Сабақтың тақырыбы мен мақсатын таныстыру.

Сабақтың тақырыбы мен мақсатын оқып, бағалау критерийлерін құрастыру.

Таныстырылым

Сабақтың ортасы

5 минут

10минут

15 мин

Негізгі бөлім

3.4.2.5 (Ж;МК;Ұ) Болымды және болымсыз етістіктердің айырмашылығын анықтау.

Болымсыз етістіктерді болымды етістіктерге айналдырып өлеңді оқып көр. Бұл етістіктердің болымды түрінің қалай айтылатынына назар аудар.

Қара жерден қар кетпей, /кетсе/

Жердің сәні келмейді. /келеді/

Үйрек ұшып, қаз қонбай, /қонса/

Көлдің сәні келмейді. /келеді/

/Мұғалімнің кері байланысы/

Қорытынды жасау.(оқушылардың ереже шығарып, қорытындылауы)

(МК) Етістік болымды (ойна, сөйле) және болымсыз (жазба, күтпе) болып бөлінеді. Болымсыз етістік болымды етістікке -ма, -ме, -ба, -бе, -па, -пе жұрнақтары жалғану арқылы жасалады: келме, айтпа, өтінбе.

3.4.2.5 (МК, Ұ, Ж) Болымды және болымсыз етістіктердің айырмашылығын анықтау.

Суретте кім бейлеленгенін анықта. Өлеңдерін ата.

Ықтимал жауаптары:

Суретте Абай Құнанбаев бейнеленген.

Өлеңдері: «Жаз», «Күз», «Жазғытұрым», «Қыс», «Әсемпаз болма әрнеге», «Ғылым таппай мақтанба» т.б.

Қанатты сөздері:

1. Адам баласының ең жаманы – талапсыздық.

2. Өлең - сөздің патшасы, сөз сарасы.

3. Сөзіне қарай кісі ал,

Кісіге қарап сөз алма.

4. Атаңның баласы болма,

Адамның баласы бол.

(Ж) Қанатты сөздерден етістіктерді тауып оларды салыстыру. Мағыналарында қандай өзгешелік бар екенін табу, бір-біріне түсіндіру.

3.3.6.1 (Ж, Қ) Каллигафиялық дағдыларды сақтап жазу.

Құрамында болымсыз етістіктері бар қанатты сөздерді теріп жазу.

Дұрыс жауап арқылы өзін-өзі бағалау бағалау.

Саралау. Түстер арқылы 3-топқа бөлу.

3.3.4.1 (Ж, Т) Суреттерді қолданып, болымсыз етістіктерді қатыстырып хат жазу. Өзара тексеру және бағалау.

Тапсырма.. Берілген суреттерді пайдаланып «Әдепсіз балаға хат» жаз. Жазған хаттың ішінен болымсыз етістіктерді тауып, астын сыз.

(Т.МК)

Қызыл түс:Берілген нұсқаулық арқылы жазады.Жазған хаттың ішінен болымсыз етістіктерді тауып, астын сыз.

Хатты жазу нұсқаулығы.

1. Хат алатын адамның аты-жөнін көрсету, онымен амандасу.

2. Кіріспе сөз – хат алатын адамның қал-жағдайын сұрау т.б.

3. Негізгі бөлім – хат алатын адамды қызықтыратын ақпаратты жазу.

4. Қоштасу –қоштасу, тілеу айту т.б.

5.Хаттың кімнен екенін, күнін көрсету.

Бағалау дескрипторы:

-суреттер мен нұсқаулық арқылы хаттың мәтінін құрайды;

-құрастырған хаттарын талапқа сай жазады.

-болымсыз етістіктің астын сызады.

Көк түс: Үлгіге қарап отырып хат жазу. Жазған хаттың ішінен болымсыз етістіктерді тауып, астын сыз.

Хаттың үлгісі:

Сәлем Берік!

Қалың қалай? Қандай жаңалықтарың бар? Ауылдағы демалысың қалай өтуде? Берік, ауылға ата-әжеңе барып, бұрынғы әдепсіз қылықтарыңнан арылдың ба?

Ауылда жүргенде омартаны бұзба, талды сындырма, құстың ұясын бұзба, тал түске дейін ұйықтама. Ата-әжең мен ауылдағы достарыңнан әдепті қылықтарды үйренетіңе сенемін. Сонда бұрынғыдай үнемі сабаққа кешігуді де қоятын едің.

Жазғы демалысың пайдалы өтсін. Сені асыға күтемін.

Сәлеммен Айдар.

Бағалау дескрипторы:

-суреттер мен үлгі арқылы хаттың мәтінін құрайды;

-құрастырған хаттарын талапқа сай жазады.

-болымсыз етістіктің астын сызады.

Жасыл түс: Берілген суретті пайдалана отырып хат жазады. Жазған хаттың ішінен болымсыз етістіктерді тауып, астын сыз..

Бағалау дескрипторы:

-суреттер арқылы хаттың мәтінін құрайды;

-құрастырған хаттарын талапқа сай жазады.

-болымсыз етістіктің астын сызады.

/Әрбір топ жазған хатын оқиды, оқушылар өзара «Екі жұлдыз,бір тілек » болйынша бірін бірі бағалайды./

https://vk.com/albums-26449296

Парақшалар

Сабақтың соңы

5 минут

(Ө, Қ) Өзіндік бағалау

Мен не үйрендім?

Мен үшін не қиын болды?

Мен енді нені үйренуім керек?

Қосымша ақпарат

Саралау – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Ресурстар арқылы саралау.Түрлі деңгейдегі оқушылардан топ құрып, соған сәйкес тапсырмалар беріледі.

Өзара тексеру,өзін-өзі бағалау, жеке бақылаулар арқылы жүргізіледі.

Белсенді оқыту әдістерін қолдану арқылы жүзеге асады.

Сабақ бойынша рефлексия

Сабақ мақсаттары дұрыс қойылған ба?

Оқушылар оқу мақсаттарына қол жеткізді ме?

Оқу мақсаттарына қол жеткізілмесе себебі неде?

Ынтымақтастыққа қол жеткізілді ме?

Саралау бойынша жұмыстар дұрыс жүргізілді ме?

Уақыт кезеңдері дұрыс сақталды ма?

Жоспардан ауытқулар орын алды ма? Неліктен?

Қорытындылау

Қандай екі нəрсе табысты болды (оқытуды да, оқуды да ескеріңіз)?

1:

2:

Қандай екі нəрсе сабақты жақсарта алды (оқытуды да, оқуды да ескеріңіз)?

1:

2:

Сабақ барысында сынып немесе жекелеген оқушылар туралы келесі сабағымды жетілдіруге не көмектесетін білдім?