Казақ тілі "Дара және күрделі етістік"

Сеилхан Таңшолпан Қазақ тілі  2 «А»

Бекітемін: 02.03.17 Оқу ісінің меңгерушісі:

Сабақтың тақырыбы: «Дара және күрделі етістіктер».
Сабақтың мақсаты: 

А) Білімділік: Етістік туралы берілген білімді толықтыру, ол заттың әр алуан іс - әрекетін, қимыл процесін білдіретін сөз табы екендігі, сұрақтарын, сөйлемдерден етістікті табуға, етістіктің түрлерін ажырата білуге, дара етістікті күрделі етістікке айналдыруға арналған тапсырмаларды орындау; етістіктің зат есімнен байланысы жөнінде берілген түсініктерді кеңейту;
Ә) Дамытушылық: Жаңа технологияларды басшылыққа ала отырып, сөздік қорын молайтып, ойын, тілін, зейінін, шығармашылық белсенділігін дамыту;
Б) Тәрбиелік: Әдептілікке, мейірімділікке, татулыққа, жылдам ойлауға,
Отансүйгіштікке тәрбиелеу;
Сабақтың типі: Білім, білік, дағдыны жетілдіру сабағы
Сабақтың әдісі: Сұрақ – жауап, түсіндіру, ойын, көрнекілік, топтастыру, ми қозғау, бөшкеден шыққан басқатырғылар
Көрнекіліктер: Сызбалар, суреттер, қима - қағаздар, дидактикалық материалдар.
Техникалық құралдар: Интерактивті тақта, компьютер
Сабақтың барысы:
І. Ұйымдастыру.
Сәлемдесу: Үлкенге де сіз
Кішіге де сіз
Сәлем бердік сіздерге
Құрметпенен біз.
• Топқа бөлу.

1 – топ – «Қайрат»,

2 – топ – «Ақыл»,

3 - топ – «Жүрек».
ІІ. Үй тапсырмасын тексеру, өткенді қайталау.

Сабақтың мақсаты қай топ дұрыс әрі бірінші жауап береді,қоржындарыңа алтын теңге салынады. Егерде қате жауап берген жағдайда, алтын теңге қайтарылып алынады.
- Етістік дегеніміз не?
- Етістіктің сұрақтарын атайық.
- Етістіктің неше түрін өттік?
ІІ. Операциялық - орындаушылық кезең.
Дара етістікті күрделі етістікке айналдыр.
Оқыдым --------- оқып отырмын
Жүзді -----------.......
Барамын --------.......
Жинады --------.......

Шығармашылық диктант. Өлең құрастырайық.
Мен оқушы...,
Жақсы оқу талабым.
... соң мектепті,

ІІІ. Жаңа сабақ.

Ережені еске түсіру.

Етістіктердің дара және күрделі түрі болады. Дара етістік бір сөзден тұрады: келді, оқыды, көрді. Күрделі етістік екі, үш сөзден құралады: келе жатыр, оқып отыр, көріп жүр.

Оқулықпен жұмыс. 140 – бет.

390- жаттығу. Сөйлемдерді көшіріп жазып, етістіктерді тап.

Ажар биледі. Әсет сурет салып отыр. Құстар жылы жаққа ұшып кетті. Сәуле ертегі оқыды.

392 – жаттығу Орны ауыстырылып берілген сөздермен сөйлем құрап жаз.

Тиін тоғайда болады. Дидар тақтайды сүргіледі. Біз малды суардық.

393 – жаттығу. Мағынасы қарама-қарсы етістіктерді жұптап жазып, қарама- қарсы екнін дәлелде.

Жапты –ашты, байлады-шешті, үзді- жалғады, терді- шашты.

ІҮ. Қорытынды – рефлексия кезеңі

Суреттегі зат атауынын олардың қимылын білдіретін сөздермен қосып айт.

Ойын: «Жалғасын тап»
Ба... буынынан басталатын етістіктер жазу./1 минут/
Байқады, болды, бұрды, биледі, бұқты, барды, бақырды, бүлкілдеді.

Шығармашылық тапсырма: Сөздерді пайдаланып мақал құрау.
ҚОРҚЫТАДЫ, КӨП, БАТЫРАДЫ, ТЕРЕҢ.

• Үйге тапсырма: 394 – жаттығу, 141– бет. Суретке қарап шағын әңгіме құрап жаз.

Бағалау Сабақты қорыту:
«Үш - ақ нәрсе адамның қасиеті: ыстық қайрат, нұрлы ақыл, жылы жүрек» дейді қазақтың бас ақыны Абай. Міне, осы 3 топта белсене қатысқандары үшін рахметімді айтамын. Сау саламат болыңыздар!