?аза? тілі (сын есім)

Күні:

Сабақтың тақырыбы: Сын есім
Сабақтың мақсаты:

Білімділігі: Жаттығулар мен тапсырмалар орындау арқылы оқушылардың сын есім туралы алған білімдерін еске түсіру, кеңейту.

Дамытушылығы: Оқушылардың ой-өрістерін танымдық қабілеттерін, сөздік қорын . Шығармашылық қабілетін дамыту.

Тәрбиелігі: Тиянақтылыққа, тілді құрметтеуге, достарын сыйлауға, сауатты жазуға тәрбиелеу.

Сабақ міндеттері:Оқушылардың қызығушылығын арттыру, тақырыпты толық меңгерту, сөйлеу мәдениетіне төселдіру.

Сабақ типі: Жаңа сабақ

Пәнаралық байланыс: әдебиеттік оқу

Сабақ әдісі: сұрақ-жауап, талдау., топтастыру әдісі,
Сабақтың көрнекілігі: үлестірмелі қағаз,

Сабақтың барысы:

Оқушыларды 3 топқа бөлу (1мин)

(асық арқылы оқушылар өздерінің таңдаған сандарын алып топқа отырады)

І Үй тапсырмасын тексеру ( 2 мин)

(әр топқа карточка беру арқылы үй жұмысын бекіту)

1. топ: Етістік дегеніміз не? – Осы шақ дегеніміз не?

2-топ: Өткен шақ дегеніміз не?

3-топ: Келер шақ дегеніміз не?

Сөзжұмбақ шешу ( 2 мин)

1. Жанды сағат, айқай салады? (есек)

2. Қанаты бар ұшпайды, су астында қыстайды. (балық)

3. Жерде туып көкте өледі. (түтін)

4. Қанаты жоқ ұшады, аяғы жоқ қашады. ( жел )

5. Жылт-жылт еткен, жырадан өткен. (су)

6. Дегендей ешкім тимесін, алыпты қадап инесін. (кірпі)

7. Өзі жап-жас мұрты бар, Ет пен сүтке ұмтылар. (мысық)

-Ендеше бүгінгі өтетін тақырыбымыз «Сын есім»

Біз бүгінгі тақырыпта нені білуіміз керек? Сабағымызға мақсат қояйық (2мин)

ІІ Жаңа материалды игерту

Психологиялық дайындық:

Бүгін поэзия минутына не дайындап келдіңдер? (2мин)
Позия минуты. Абай әні «Желсіз түнде жарық ай»

Барлығымыз дәптерімізді ашып, бүгінгі күнді жазайық

(әр топқа плакат беріледі. Сын есімге шолу жасайды) (5мин)

• Топтардың пікірін тыңдау

• Сын есім туралы білмейтінімізді жаттығуларды орындау барысында толықтыратын боламыз

Оқулықпен жұмыс

1-жаттығу: Көп нүктенің орнына сұраққа жауап болатын сын есім қойып, мақалдарды толықтырып жаз (әр топтан бір оқушы келіп, көп нүктенің орнына қойған сөзді тақтаға жазады. Мақалдың мағынасын ашады)

Әдепті бала- арлы бала, әдепсіз бала – сорлы бала. Үлкен кісі бастар, кіші кісі қостар. Жақсы бала- қуаныш, жаман бала- күйініш. Ұсталы ел озар, ұстасыз ел тозар

(4мин)

2-жаттығу: . Өлеңді оқы. Туынды сын есімдердің астын сыз. Сөз құрамына талда. Туынды сын есім қандай сөз табынан жасалған?

Шопан атаға

Ай мүйізді шоқпардай, (туынды с.е)

Шүйделері тоқпақтай, (туынды с.е)

Тегене құйрық қошқарлы, (туынды с.е)

Малды берсең қойды бер!

Ұлды берсең, бойлы бер, (туынды с.е)

Жұртқа ақыл салғандай

Ақылы артық ойлы бер!... (туынды с.е) (3мин)

3-жаттығу: Төмендегі зат есімдерге сол зат есімдердің бірінші дыбысынан басталатын сын есім тауып жаз, тіркеп жаз (интербелсенді тақатада)

Өнерлі өрен, күмбірлеген күй, кең көше, салқын су, елеулі еңбек, таудай талап

(2мин)

Сергіту сәті: (1 мин)

Ізденіс тапсырма: Өздерің білетін өлең шумағынан, жаңылтпаштан, мақал – мәтелдерден жазып, сын есім барын жазыңдар.

Адал дос сырттан қамқор,

Арам дос көзіңше қамқор. (4мин)

Кітап-алтын қазына

Ащы еңбектен тәтті нан.

Ақынның тілі қылыштан өткір, қылдан нәзік.

Тіл буынсыз, ой түпсіз.

Күжірейген жалды, Білсең айт бұл аңды /арыстан/

Карточкамен жұмыс (сурет көрсету. Төрт мезгілге байланысты ) (5мин)

Осы суреттерге байланысты қай ақынның өлеңдерін білесіңдер?

Ал, балалар бірінші топ сендерге қай өлеңі ұнайды?

Карточкамен жұмыс (Балалар Абай атамыздың төрт мезгілге жазған өлеңдерінен бір- бір шумақты айтып, талдау жасайық)

Абайдың табиғат лирикасына жазылған өлеңдерінен сын есімдерді табу
(1 топ)«Қыс», (2 топ) «Жаз» (3топ ) «Күз» )
.... Жаз келер, қыстыгүнгі қысым өтіп,
Қар, суық аяз, боран - бәрі кетіп.
Қасықтай қар, тобықтай тоң болмайды,
Табиғат барша жанға рахым етіп.
... Ақ киімді денелі, ақ сақалды,
Соқыр мылқау, танымас тірі жанды.
Үсті - басы ақ қырау, түсі суық
Басқан жері сықырлап келіп қалды.
.. Сұр бұлт түсі суық қаптайды аспан.
Күз болып, дымқыл тұман жерді басқан.
Білмеймін тоңғаны ма, тойғаны ма,
Жылқы ойнап, бие қашқан, тай жарысқан.

Қосымша тапсырма: сын есім тауып жаз (2 мин)

Сабақты қорытындылау: Бүгін қандай ойын таңдайсыңдар?

«Мен журналистпін» ойыны арқылы ( 4 мин)

Қолында микрофоны бар оқушы сұхбат алады
Бала пікірлерін сұрау

Мінезің қандай?

Сабақ ұнады ма? Несімен ұнады ?

Сабақта нені білдің?

- Балалар сонымен біз бүгінгі сабағымыздың мақсатына жеттік пе?

Оқушының айнасы не? (күнделік)

Ендеше «Күнделік» деген өлең шығарайық. (2 мин)

----------- аламыз Күнделікті аламыз.

Тапсырманы --------- Тапсырманы жазамыз.

Жақсы оқып,--------- Жақсы оқып, сабақты,

Бестік болсын --------- Бестік болсын бағамыз.

ІV Бағалау (1мин)

Үйге тапсырма 5 -жаттығу