?йел Ана

Ана тілі. 4-сынып

Тақырыбы: Әйел-АНА! А.Сейдімбеков

Мақсаты: Білімділік: Оқушыларға жазушының өмірі шығармашылығынан мәліметтер беру және оның әңгімесін оқып,мазмұнын ашу.Ана құдіретіне ,батырлығына ,ақылдылығына бас ию,оқушының анаға деген сүйіспеншілік сезімін ояту.

Дамытушылық:Оқушылардың ізденгіштік қасиеттерін арттыра отырып,дәлелді пікір айтуға үйрету.Ойлау қабілеттерін дамыта отырып шығармашылықпен жұмыс істей білуге ,өз пікіріне тұжырым жасай білуге,көркем сөйлеуге дағдыландыру.Өз бетімен оқу дағдысын қалыптастыру.

Тәрбиелік:Оқушыларды адамгершілікке ,аналарды құрмет тұтуға,ананы жақсы көріп сыйлауға, аялауға тәрбиелеу.Жамандықтан,арамдықтан аулақ болуға,істеген істерін әрқашан ойланып істеуге,ақылды болуға,ата-ананы,үлкенді сыйлауға,жақсы көруге үйрету.

Типі: Жаңа сабақты түсіндіру.

Әдісі: СТО стратегиялары ,топпен жұмыс,топтастыру стратегиясы, «Кітаппен сөйлеу» стратегиясы,Суреттеу стратегиясы,Хат жазу стратегиясы.

Көрнекілік: Суреттер,слайд.

Сабақтың барысы:

1.Ұйымдастыру кезеңі.

1.Оқушылардың назарын сабаққа аудару.

2.Бүгінгі сабақ ерекше өтеді.Сабағымызға ұстаздар ,аналар келіп отыр.Сондықтан сабаққа жақсы белсенділікпен қатысайық.

3.Шаттық шеңберіне тұрып ,бір-біріне жақсы тілектер айтудан сабақты бастау.

2.Үй тапсырмасын тексеру. «Ой-қозғау»

Б.Бұлқышевтың «Ана» мәтінін дауыс ырғағына келтіріп айту.(ақырын дауыспен музыка ойнату)

«Ана» сөзіне топтастыру әдісі. «Ана» дегеніміз кім?

Ана-төзімді,мейірімді,досың,бауырмал,қайратты,жылы жүректі,қайратты,төзімді,ақкөңіл,ақылды,ұстазың.

3.Ой-толғаныс.

«Ана деген-асыл жан ғой әрқашан»

Ана туралы жазған шығармаларын оқыту.

4.Жаңа сабақ.

1.Қызығушылықты ояту кзеңі.

«Ертегілер» әнінің бір шумағын орындату.

Ертегі туралы әнді неге тыңдады деп ойлайсыңдар?

Бүгінгі біздің жаңа сабағымыз өткен тақырыппен байланысты.А.Сейдімбектің Әйел-Ана ертегісін өтеміз.Автор туралы қысқаша мәлімет беру.

2.«Түртіп алу» стратегиясы.

Қапа болу-уайымдады,қайғырды,ренжіді.

Мұнара-мұсылмандарды намазға шақыруға арналған мешіттің биік күмбезі.

3.Мағынаны тану кезеңі. «Кітаппен сөйлеу» стратегиясы.

Мен ертегіні үйден ,өз беттеріңмен оқып,мазмұнын біліп келуге тапсырғанмын.Сондықтан « Кітаппен сөйлеу стратегиясы» бойынша сұрақтар қойылады.Сол сұрақтарға толық,жүйелі жауап береміз.

1.Ертегіде сөз болып отырған елдің табиғаты қандай еді?

2.Бұл елдің өзге жұртты қызықтыратындай тағы қандай қасиеті болды?

3.Күндердің бір күнінде Күншуақ елі қандай жағдайға тап болды?

4.Күншуақ елін тұтқынға алған жаудың пиғылы не еді?

5.Құдіреті күшті әміршінің бұйрығы қандай болды?

6.Жарлықты естігенде халық не күй кешті?

7.Дұшпанның ішкі есебі,ойы не болды?

8.Елдің ақылгөй қариялары қандай тоқтамға келді?

9.Ертегіде сөз болған ақ шашты Ананың ерен ерлігі қандай?

10.Ақ шашты Ананың ерен ерлігінің арқасында Күншуақ елінің халқы жау қолынан қалай құтылды?

11.Оның осындай ерлік жасауына себеп болған не?

12.Содан бері Күншуақ елі қалай өмір сүріпті?

4.Оқулықпен жұмыс.

1.Елшінің айтқан сөзін тауып,нақышына келтіріп оқы.

2.Ертегіден Әйел-Ананың сөзін тауып,мәнерлеп оқы.

3.Ертегіден Әйел-Анаға деген сый-құрмет жөнінде айтылған тұсты тауып оқы.

5.Суреттеу стратегиясы.

Ертегі бойынша сурет салып келуді тапсырғам,қандай сурет салдыңдар?Салған суреттерің туралы әңгімелеп өтесіңдер.

6.Хат жазу стратегиясы.

Ақ шашты анаға хат!

Күншуақ елін ажалдан құтқарып қалған анаға қалай хат жазар едіңдер?

7.Ой-тұжырым.

1.Ертегіден көкейіңе не түйдің?

2.Қазақ халқының мақтаныш тұтар қандай қыздарын білесіңдер?

3.Ер-азаматтарды қорғаннан алып шығудың тағы қандай жолын ұсынар едіңдер?

8.Автор орындығы.

Автор ертегі арқылы бізге қандай ақыл-өнеге бермекші болып отыр деп ойлайсыңдар?

9.Тосын сый.

Ана –мен саған ризамын!

Құрметті аналар бүгінгі сабақ тақырыбына орай балаларыңыздың сіздерге арнаған тосын сыйы бар.Енді сөз кезегі оқушыларда.Оқушылар өздерінің аналарына деген жылы лебіздерін өлең жолдарымен,ой-толғаныстарымен білдіреді.Компьютерден анасы мен баласының суреттері көрсетіліп тұрады.

10.Сыйға сый.

Балам-менің болашағым

Аналары балаларына не тілейді екен?Аналарының балаларына деген жылы лебіздері тыңдалады.

11.Шығу стратегиясы.Сонымен бүгінгі сабақ сендерге ұнады ма?

Қандай әсер алдыңдар?

Үйге тапсырма беру.

Оқушылардың өзін-өзі бағалауы.

Сабақты қорытындылау.

«Ана туралы жыр» әнімен сабағымызды аяқтайық!

ШҚО Тарбағатай ауданы, Ахметбұлақ ауылы, Д.Қонаев атындағы негізгі орта мектебі

Зауре Қаблахатова Мұхышбекқызы