" Г дыбысы мен әріпі "

Сабақтың тақырыбы: «Г г» дыбысы мен әріпі.

Сабақтың мақсаты:

1. «Г» дыбысы мен әріпін таныстыру. Оқуға, жазуға үйрету.

2. Ойлау қабілеті мен дүниетанымын кеңейту, сөздік қорларын, тіл байлықтарын дамыту;

3. Оқушылардың пәнге деген қызығушылықтарын арттыру. Ұқыптылыққа, сауаттылыққа, ауатты жазуға тәрбиелеу.

Көрнекілігі: Суреттер, буындар, әріптер кассасы, текше, «Г» түймедағы, «Г» әрпінің баспа және жазба түрі. Ақан сері суреті.

Әдіс – тәсілдері: түсіндіру, сұрақ-жауап, ой қозғау, пирамида стратегиясы.

Түрі: Жаңа сабақ.

Пәнаралық байланыс: Музыка

Сабақтың барысы:

І. Ұйымдастыру.

«Қайырлы күн» деп айтамыз,

Түсте бірге қайтамыз.

Отбасының гүліміз,

Көңілді өтер күніміз.

ІІ. Өткен сабақты пысықтау.

• Балалар, біз кеше қандай әріппен таныстық?

• «Ү» дыбысы қандай дыбыс ?

• Сөздің қай жерінде кездеседі?

Тақтаға үйрек, күшік деген – сөздерді жазып, дауысты дыбыстардың астын сыздыру.

Үш оқушыға – үй, -кү, - жү деген буындардан сөз құрату.

Екі оқушыға «кім кінәлі» өлеңін айтқызу.

• Енді балалар, күнделікті өзіміз алып жүрген бағалар туралы өлеңді жалғастырып ойнайық.

«1» дегенім – жаман баға,

Алады оны жаман бала.

«2» дегенім – нашар баға,

Інішегім нашарлама.

«3» дегенім – орта баға,

Сапасы да орта баға.

«4» дегенім – жақсы баға,

Алады оны жақсы бала.

«5» дегенім – үздік баға,

Оқимыз тек үздік қана.

ІІІ. Жаңа сабақ. Жұмбақ жасыру.

«Егіз» десек екінші.

«Сегіз» десек үшінші.

Бұл қайсы әріп екенін ,

Өзің қарап түсінші. (Г дыбысы)

«Г» дыбысы мен әріпін «Түймедағы» гүлі арқылы таныстыру.

Жұмбақ жасыру.

Аналарға сыйлайтын,

Аралар бал жинайтын.

Бұл,немене, балалар,

Үзуге адам қимайтын. (Гүл)

Гүлдерді кімге сыйлаймыз, соны таңдайық.

Алуан гүлді жинаймын,

Анама оны сыйлаймын.

Гүлге толы құшағы,

Иіскеп мені құшады.

Арнайы плакатпен жұмыыс жүргізу.

ІV. «Г» дыбысына арналған плакатпен жұмыс.

Шұғыл

Ұяң

Дауыссыз

Г әріпі , дыбысы

Басында

Тіл арқылы

Ортасында

V. Оқулықпен жұмыс.Оқулықтағы сөздерді оқып, мағынасын түсіндіру.

1. Сөздік жұмысы.

Егін – бидай егілген алқап.

Егеу – үй шаруада қолданылатын құрал.

Кереге – киіз үйдің бөлігі, үйлердің керегелері.

Бетеге – өсімдік.

Сегіз – сан.

Шеге – үй шаруашылығында пайдаланылатын, ағашқа қағатын зат.

Шеңгел- тал

Мезгіл- уақыт

Көгершін – бейбітшілік құсы.

«Ақ көгершін» әні.

Өлеңді оқушыларға айтып беру. Тізбектей оқыту.

1. 1-қатардағы сөздерді тақтада түсіндіру. К- ден кейін дауысты дыбыс жалғанғанда К дыбысы Г дыбысына айналады.

Мысалы: Терек – терегі ілгек – ілгегі

Білек – білегі етек - етегі

Шелек – шелегі жәшік – жәшігі

Әр сөзді түсіндіру.

Терек – ағаш

Білек – адамның дене мүшесі

Шелек – ыдыс

Ілгек- киімде болады

Етек – таудың етегі

Жәшік – зат салатын қорап

1. «Ақан сері» мәтінін оқу, түсіндіру, мағұлмат беру.

Ақан – әнші ақын. Ақан – солтүстік Қазақстан облысы, айыртау ауданында, Қоскөл ауылында дүниеге келген. Сері деп айтатын себебі, қасыма өнерлі адамдарды жинап алып, бір ауылдан, екінші ауылға барып, өнерлерін көрсеткен, сондықтан сері деп атаған.

«Ақан сері» мәтінін түсіндіру.

Сұрақ – жауап арқылы мәтінді әңгімелеу.

• Ақан кім? (әнші, ақын)

• Қандай тұлпары болған? (Құлагер)

• Ол бәйгеден нешінші келген? (бірінші)

• Бүркіті ге деп аталады? (Қараторғай)

• Қараторғай туралы не шығарған? (Ән)

VІ.а) Іштей оқыту.

ә) Тізбектей оқыту.

Кеспе әріппен жұмыс: оқушылар орындарында отырып, мұғалім айтқан сөздерді жазады.

Оқушылар Гүл, жүген сөздерін жазады.

Сөздері буынға бөледі, дыбыстық талдау жасайды, дауысты, дауыссыздарға ажыратады.

VІІ. Ойын «Қателерді тап»

Қате жазылған сөздерді мұғалім тақтаға іліп қояды.

Сегіз , бәйге , мерген, гүл

• Балалар тақтаға шығып, сөздерді оқып, қателерін сызып, дұрыс әріптерді жазады.

VІІІ. Сергіту сәті.

Орнымыздан тұрайық,

Көгершінге ұқсайық.

Көгершін боп ұшып ап,

Қана, қанат қағайық.

Орнымызды табайық,

Әдемі етіп жазайық.

IX. Дәптермен жұмыс.

«Г» дыбысының жазылуын көрсету.

а) Ауада жазу

ә) Тақтаға жазу.

б) Дәптерге жазу.

«Г» дыбысының жазылуы қай дыбысқа ұқсас?

X. «Сөз ойла, тез ойла» ойыны.

Шарды лақтыра отырып «Г» дыбысына қатысты сөздер айтқызу.

XІ. Сабақты қортындылау.

• Қандай дыбыспен таныстық?

• «Г» дыбысы қандай дыбыс? Қалай айтылады?

• «Г» дыбысы қалай жасалады? Сөздің қай жерінде кездеседі?

XІІ. Бағалау. Сабаққа жақсы қатысқандарды мадақтау. Ұлдарға ұшақ, машина суреттері беріледі, қыздарға гүлдер беріледі.

XІІІ. Үй тапсырмасы.

«Г» дыбысына байланысты сөздерді, мәтінді оқу. Әнді жаттау.