Сабақтың тақырыбы: Бастауыш сынып дарабозы
Сабақтың мақсаты: Пәндер бойынша алған білімдерін пысықтау, тіл байлық, сөздік қорла
рын молайту.
Адамгершілікке, ізгілікке тәрбиелеу.
Сабақтың түрі: интеллектуалды дамытпа, сайыс сабақ
Көрнекілігі: слайд, әріптер, нақыл сөздер, шарлар
Сабақтың барысы: Ұйымдастыру:
Армысыздар, ұстаздар мен оқушылар! Бүгінгі біздің «Бастауыш сынып дарабозы» атты сайысымызда оқушыларымыз алған білімдерін ортаға салады, яғни болашаққа деген сенімімізді білдіреміз. Сайысқа 2 «г» сыныбының оқушылары қатысып отыр. Сынып оқушылары өз білімдерін көрсетіп, өз сыныбының намысын қорғайды.
Ендеше,
Ақыл - тон аңдағанға тозбайтұғын,
Білім – кен қанша болса азбайтұғын.
Қатарың оза шауып бара жатса
Арқаның ауруы не қозбайтұғын, - деп Тұрманбет Ізтілеуов ағамыз айтқандай, білім сайысына құлшынып тұрған білімді оқушыларымызды ортаға шақырамыз.
(Сайысқа қатысушы топтармен таныстыру)
Әрқашанда білім көптік етпеген,
Талапсыз жан мұратына жетпеген, - демекші «Білім» тобын ортаға шақырамыз.
Талантымен сайысар талапкер,
Дос көңілден адал, аппақ ниетпен, - демекші «Талант» тобын ортаға шақырамыз.
(Қазылар алқасымен таныстыру)
Шын жүйріктер сыналады жарыста,
Жарыстың ба орта жолда қалыспа.
Әділқазы бағалайды сіздерді
Жеңіс мәре жақын ба, әлде алыс па?
Сайысымызды бастамас бұрын қазылар алқасымен таныстыруға рұқсат етіңіздер.
Топтарға бөліп отырғызу (Оң қанат және сол қанат)
Ойынның барысы 4 кезеңнен тұрады: 1 – кезең «Бәйге»
2 – кезең «Тіл өнер»
3 – кезең «Бала тілі - бал»
4 – кезең «Ұшқыр ой» деп аталады.
Топтармен танысу. (Әр топтың жетекшісімен таныстыру)
Өнер менен білімде
Әркімнің өз жолы бар.
Сайысарлық бүгінде
Өзіндік менің үнім бар – демекші білімпаз жастар өз ұранын айтып таныстырады.
Сонымен балалар, іске сәт! Жұлдыздарың жансын!
Әр топ өз ұранын айтып таныстырады.
1 – топ «Білім» тобы. Ұраны: Білекті бірді жығар,
Білімді мыңды жығар.
2 – топ «Талант» тобы. Ұраны: Біз білімді баламыз,
Оқып білім аламыз.
Талант атты топпенен,
Биік шыңға барамыз.
Топ жетекшілеріне тапсырма беру арқылы, сайысты бастау ретін белгілеу.
Сөздерді орын- орнына қойып сөйлем құрау.
Қолында ұлт болашағы білімдінің
Ұлт болашағы – білімдінің қолында.
Мұғалім: Білім деген биік шың,
Бақытқа сені жеткізер.
Білім деген ақылшың,
Қиындықтан өткізер. – деп сайысымыздың алғашқы 1 кезеңін бастаймыз.
1 – кезең «Бәйге»
(әрбір топ ұяшық таңдап, берілген сұраққа жауап береді)
1 – ұяшық: 1. Заттың қимылын білдіретін сөз табы (Етістік)
2. 1 тәулікте неше сағат бар? (24)
3. Мектептегі ең жоғарғы баға (5)
4. үш биді ата (Қазыбек, Әйтеке және Төле би)
2 – ұяшық: 1. «Кел, балалар оқылық!» кімнің өлеңі? (Ы. Алтынсарин)
2. Күзде жапырақ қайтеді? (Сарғаяды)
3.Көше қиылысында жолды не көрсетеді? (Бағдаршам)
4. Екіні өз өзіне үш рет қосқанда неше шығады?
3 – ұяшық: 1. Мәтіннің неше түрі бар? (3)
2. 1 сағатта неше минут бар? (60)
3. А. Құнанбаевтың шын аты (Ибраһим)
4. Ең үлкен бір таңбалы сан (9)
4 – ұяшық: 1. . Көктемде алғаш шығатын гүл (Бәйшешек)
2. Заттың санын білдіретін сөз табы (Сан есім)
3. Ең үлкен екі таңбалы сан (99)
4. Дауысты дыбыстар нешеге бөлінеді? (2 - ге)
5 – ұяшық: 1.Тірі табиғатқа нелер жатады? (Адам, жануар, өсімдік)
2. Заттың атын білдіретін сөз табы (Зат есім)
3. 9 – дың 9 – ға қосындысы (18)
4. Тұңғыш «Әліппе» оқулығын жазған ақын (А. Байтұрсынов)
6 – ұяшық 1.Заттың сынын білдіретін сөз табы (Сын есім)
2. Бейбітшілік құсы (Көгершін)
3. 5 санының 2 – ге көбейтіндісі (10)
4. Ауаның негізгі қасиеті (көзге көрінбейді, дәмсіз, пішінсіз)
Оқушылардың ұпайлары есептелінеді
Туған тілім - тірлігімнің айғағы
Тілім барда айтылар сыр ойдағы.
Өссе тілім менде бірге өсемін,
Өшсе тілім менде бірге өшемін. – демекші келесі кезек «Тіл өнер» кезеңіне беріледі.
2 – кезең: «Тіл өнер»
Денсаулық зор ... (Байлық)
Не оттан да ыстық? (Отан)
Қимылдаса қос шебер,
Қыруар – қыруар іс өнер (Қол)
Жеті қазынаның бірі
Адамды қорғап жүретін досы. (Ит)
Қанаты бар ұшпайды
Су астында қыстайды. (Балық)
Ашу дұшпан, не дос (Ақыл)
Аттан тай озады, атадан кім озады ( Бала)
Өзі сондай ақ,
Жесең тәтті-ақ (Қант)
«Адамның бақыты – балада» демекші, келесі 3 – кезеңіміз «Бала тілі - бал» деп аталады.
Бұл кезеңнің шарты, балалар тілімен бір нәрсе (зат атауы) дәріптеледі, балалар табады.
(Су, кітап, сөмке, асхана,айна және қар)
Білген сайын келеді біле бергім,
Біле беру емес пе тілегі елдің.
Белден ассаң, алдыңда бел көрінсе
Қызыққаннан келмей ме жүре бергің.
Сондықтан да келеді біле бергім,
Білімдінің сүйерін білем елдің. – деп соңғы 4 – кезеңімізді бастаймыз.
Ендеше, «Ұшқыр ой» деп аталады. Бұл ойынның шарты әріптер беріледі, берілген сұрақтың жауабы сол әріптерден басталады. Уақыт шектеулі.
А – Желтоқсан оқиғасы қай қалада болды? (Алматы)
Ә – Үй құсы (Әтеш)
Б – суда өмір сүретін тіршілік иесі (Балық)
Г – Машина тұрағы (Гараж)
Ғ – Т. Әубәкіров кім? (Ғарышкер)
Д – Бізді ауырғанда емдейтін адам (Дәрігер)
Е – Мықты, қатты ағаш (Емен)
Ж – Айдалада ақ отау аузы, мұрны жоқ отау (Жұмыртқа)
З – Қазақстан көлі (Зайсан)
И – Жеті қазынаның бірі (Ит)
Й – Дәрі – дәрмек атауы (Йод)
К – Көру мүшесі (Көз)
Қ – Мемлекеттік тіл (Қазақ тілі)
Л – Сұйықтықтың өлшем бірлігі (Литр)
М – Пән атауы (Математика)
Н – Қасиетті тағам (Нан)
О – Сан атауы (Он)
Ө – Тәтті жеміс (Өрік)
П – Ең алып жануар (Піл)
Р – Гүлдің атауы ( Раушан)
С – Уақыт өлшем бірлігі (Сағат)
Т – Төрт түліктің бірі (Түйе)
У – Киіз үйдің бөлігі (Уық)
Ұ – Құстың үйі (Ұя)
Х – Сөйлем соңында нүкте қойылатын қандай сөйлем (Хабарлы сөйлем)
Ү – Үй құсы (Үйрек)
Ш – Қардағы қыс көлігі (Шана)
Щ – Тіс тазалайтын құрал (Щетка)
(Қазылар алқасы ұпай сандарын есептейді)
Осымен ойынымыз шарықтау шегіне жетті.
Жарыс заңы ежелден,
Жеңімпазды анықтау.
Жеңімпаз болу шарты сол,
Еңбектену, жалықпау- деп сөз кезегін қазылар алқасы алады. Жеңімпаздарға марапаттау айтылады.
