Жамбыл облысы әкімдігінің білім басқармасының «№1 «Өркен» арнайы мектеп-интернаты» коммуналдық мемлекеттік мекемесі
Тәрбиеші: Байназарова Венера Сағынбекқызы
Тақырыбы: «Бағдаршам –біздің досымыз»
Мақсаты:Балаларды жолда жүру ережесімен таныстыру, есте сақтауға үйрету. Жол белгілерін айыра білу дағдыларын қалыптастыру, жол ережесін білу маңызды екенін түсіндіру.Оқушыларды жол ережесін сақтауға тәрбиелеу.
Көрнекілігі: жол ережесі туралы суреттер, бағдаршам, жол белгілері.
Өтілу барысы: I. Ұйымдастыру кезеңі
II.Негізгі кезең.
Көшеде сақ бол
Көшеде біз сақ болайық,
Қайғырмасын ата – ана.
Жолда сен бол лайықты
Балалар атына
Жолда жүру ережесін,
Білгенің бес саусақтай.
Сонда ғана жүре аласың
Сен өзіңді сау сақтап.
Балалар біз бүгін жолда жүру ережесін қаншалықты білеміз жол белгілерін айыра аламыз ба? Өз өміріміздің қауіпсіздігін сақтай аламыз ба? Осы тақырыпта ой бөлісеміз.
1.Тақырыпты ашу.
Бағдаршам дегеніміз не?
Оның адам өмірі үшін қандай пайдасы бар?
Бағдаршам механикаландырылған немесе автомат жүйесіне қосылған үш көзді аспап. ол жол қозғалысын реттеуде үлкен рөл атқарады. Бағдаршам жол қозғалысын жарық сигналдары арқылы реттейді. Онда үш түсті жарық сигналы қолданылады.
Қызыл:Қозғалысқа тыйым салады, өйткені бұл қауіп ұғымын білдіреді.
Сары: негізгі қызыл және жасыл түстердің арасындағы, аралық дайындық белгісі.
Жасыл : қозғалысқа рұқсат береді.
Жол белгілерінің суреттерін көрсете отырып таныстыру.
2.«Бағдаршам» ойыны.
Ойын шарты: Барлық ойыншылар билеп жүреді.
«Қызыл » түс жанғанда тоқтап қалады.
«Жасыл » түс жанғанда билеуін жалғастырады.
«Сары» түс жанғанда орындарында бір аяғын көтеріп тұра қалады. Яғни шартты орындай алмағандар ойыннан шығып қалады.
Балалар ойынымыздың І–ші кезеңінен сүрінбей өттік.
3.Ойын: «Белгіні айыра біл» деп аталады
Ойын шарты: Командалар кезек бойынша үстел үстінде жатқан жол белгілерін лезде алып,сол белгінің нені білдіретінің айтып жылдам орнына барып эстафетаны келесі ойыншыға допты жалғастыруға ұсыну керек. Бұл жерде жылдамдық пен дұрыс жауап беруі, қатар саналып ұпайдың өсуіне әсер етеді.
Жарайсындар балалар!
Бәріңде өте жақсы қатыстыңдар! Жолда үнемі осы жүргіншілерге арналған жол арқылы жүріп, жол ережесің есте ұстаңдар. Мен сендер үшін қуаныштымын, көше тәртібін әрдайым сақтаңдар! «Жол тәртібін білейік, аман есен жүрейік !»
ІІІ.Қорытынды.
Балалар бағдаршам туралы не үйрендік?
Бағдаршам не үшін қажет?
Бағалау: тәрбие сағатына жақсы қатысқан балаларды атап мақтап, мадақтау.
