Адам болам десеңіз.

Мұғалімнің аты-жөні:

Зұлбұхар Жансая

Сыныбы: 3

Уақыты:

Сабақтың тақырыбы:

Ақыл – жастан, асыл – тастан

Сабақтың мақсаты:

Балалардың «даналық» құндылық туралы түсініктерін кеңейту.

Табыс критерийлері:

1. Ақылдың адам өміріндегі маңыздалығын түсінеді.

2. Ақылын өмірде қалай қолдана білу керегін ұғынады.

Уақыт

Мұғалімнің іс-әрекеті:

Оқушының іс-әрекеті:

Ресурстар:

1. Ұйымдастыру.

Оқушылармен амандасу, түгелдеу.

Сергіту сәті:

Орнымыздан тұрамыз,

Алақанды ұрамыз.

Бiр отырып, бiр тұрып,

Тез шынығып шығамыз.

Тақырыпты ребус арқылы табу. Ребус тақтада тұрады оқушылар бәрі бірге шешеді.

Мұғаліммен және бір-бірімен амандасады.

Ребус А3 форматтағы қағазда.

1. Үй тапсырмасын тексеру.

1. Әңгімелесу.

v Ақылды болу дегенді қалай түсінесіңдер?

v Сендердің ақылға жүгініп, дұрыс шешім қабылдаған кездерің болды ма?

Оқушылар сұрақтарға жауап беріп, өзара әңгімелеседі.

1. Мәтінмен жұмыс

Жиренше шешен мен Қарашаш сұлу

Жиренше бірде сапарға шығады. Күн батуға таянғанда, бір ауылдың тұсында көп балаға кездесе бергенде жаңбыр жауып кетеді.

Сонда балалар терген тезектері бар, айдаған бұзаулары бар жаңбырдан қорқып, бұзауларын қоя береді де, тезектерін төгіп, қабын жамылып қала береді.

Жиренше шешен мына баланың бір қасиеті барлығын сезіп, жақындап келіп:

- Қалқам, сен отырып қалдың, ана балалар болса бұзауларын қоя беріп, тезектерін төгіп кетіп қалды, оның себебі не? – деп сұрағанда, қыз бала: - «Бұл балалар – ақылсыз. Үсті-басы су болды, әрі бұзаулары жамырап кетті. Мен кешке мына құрғақ тезекпен жылынып, рақаттанам, бұзауды жібермедім, енді сүтке тоям және үсті-басым су болған жоқ,»-дейді.

Қыз өзін ғана емес, байдың малын бағатын әкесін де ойлаған еді. Өйткені ол әрі аш, әрі үсті су болып келеді ғой...

Шешен жігіт қыздың ақылына қайран қалыпты.

Сұрақтар:

ü Қарашаштың ақылдылығы қай әрекетінен байқалады?

ü Басқа балалардың іс-әрекеттеріне көзқарастарың қандай?

ü «Ақымақ жауынды күні суға түсер» деген халақ мақалынан нені түсінуге болады?

ü Қыздың бойынан тағы қандай асыл қасиеттерді байқадыңдар?

ü Сендердің да ақылдылықтарыңды көрсеткен кездерің болды ма?

Балапандары бар плакат, клей, қасиеттер жазылған қағаздар.

1. Дәйексөз

«Адам бойындағы ең тамаша нәрсе – білім мен ақыл»

Жүсіп Баласағұни

Дәйексөздің мағынасын ашады.

1. Сахналау:

Байлық, бақыт, ақыл. /ертегі/

Сұрақтар:

Ø Бақыт, Байлық, Ақылдың артықшылығы неде екен?

Ø Данышпан қандай ой түйіндеді?

Ø Данышпанның орнында өздерің болсаңдар, қандай төрелік айтар едіңдер?

Ø Ақылды болу үшін не қажет деп ойлайсыңдар?

Оқушыларға рөлдер бөлінеді және оны сахналайды. Дайындалуға 5 минут уақыт беріледі. Ал қалған оқушылар осы әңгімені талқылайды.

1. Тапсырма:

Тапсырма бойынша оқушылар мақал-мәтелдердегі көп нүктенің орнына ақыл сөзін қосып оқиды. Мақалдарды естеріне сақтап алады.

1. Ақылды адам ерінбейді.

2. Ашу – дұшпан, ақыл- дос,

Ақылыңа ақыл қос.

1. Ақылдан жақын дос бар ма?

2. Ақыл азбайды, білім тозбайды.

Оқушылар мақалдарды оқиды, бірге оқып жаттап алады.

Мақалдар тақтада а3 форматтағы қағазда жазылып тұрады.

1. Ойын жаттығу

Оқушылар шеңбер құрып отырады. Данышпан атайдың «Даналық кітабын» қолдарына кезек-кезек ұстап тұрып, «мен ақылды баламын,өйткені.....» деп жалғастырады. Шеңберді айналдыра бәрі осы туралы өз ойларын айтып шығады. Мысалы, «Мен ақылды баламын, өйткені ойланып сөйлеймін», «Мен ақылды баламын, өткені ашуланбаймын», «Мен ақылды баламын, өткені болмашыға ренжімеймін» және т.б.

Оқушылар шеңберде тұрып, неліктен өздерінің ақылды бала екенін айтады.

1. Үйге тапсырма

Ақылды адам моделін құрып, белгілі тұлғалардан мысал келтіру, дәлелдер табу. Модельді А4 форматтағы ақ қағазға өз шығармашылығын пайдаланып жасайды.