1 саны және цифры

Сабақтың тақырыбы: 1 саны және цифры

Сабақтың мақсаты:сан ұғымымен және 1 цифрымен таныстыру,

                                              1 санының орнымен таныстыру, 1 цифрын

                                              жазуды  үйрету

Оқу мақсаты:

                        натурал сандар және нөл санының құрылу жолын түсінеді; 10 көлемінде тура және кері санайды; натурал сандар қатарындағы орнын анықтайды;

                        цифр мен санды бір-бірінен ажыратады;

                        бір таңбалы сандарды сандық сәуледе әртүрлі тәсілдермен (нүктелер жиынтығымен, таяқшалармен және т.б.) көрнекі етіп көрсетеді.

Барлық оқушылар:

Оқушылардың басым бөлігі:

Кейбір оқушылар:

Ресурстар:  қатты қағаздан жасалған төрт шаршы (әрбір оқушыға):                                                            

                       сандар  таспасы (тек қана 1 цифры бар):                                                                                                                                 

                       Белгі ретінде тақтайша (қатты қағаздан жасалған жолақша:                                                           бір беті-қызыл,екінші  беті-жасыл); қажетті суреттер мен магниттер.

 Жаңа сабақ:

  Сабақ заттарды санау тәжірибелік дағдыcын дамытуға бағытталады. Сабақта сандарды санау ұғымы қандай да бір жиын нысандарының санын анықтау үшін қолданылатын іс-әрекет түрінде енгізіледі. Санағанда есептік сан есімдер қолданылады. Есептік сан есімдер — “Қанша?” “Неше?” сұрақтарына жауап беретін сан есімдер. Заттарды санау бір санынан басталады. Заттарды санауға жетелейтін сұрақтар беру арқылы оқушылардың бір-бірімен және мектеппен алғашқы таныстығы туралы сөйлесіңіз. Ол үшін мынадай сұрақтар қоямын:

— Терезенің жанында қанша бала отыр?

— Сенің алдыңда қанша бала отыр?

— Сенің артыңда қанша бала отыр?

— Сыныпта сенімен бірге қанша бала бар?

— Ал мұғаліммен бірге ше?

Оқушылармен сөйлесу кезінде әрқайсысының санау дағдысын анықтап, 10-ға дейін санау дағдыcын бекітемін.

.Суретке қара, сана. Тапсырманы жалпы сыныпқа орындатамын.

Оқушылардан әр топтағы заттар санын санауды сұраймын.

Жауабы:

екі ит; төрт мысық; жеті гүл; тоғыз шар.

Шығарып көр:Берілген тапсырманы жұппен орындатамын. Оқушыларға оқу құралдарын санауды ұсынамын. Оларға бір-біріне алма-кезек сұрақ қойып, суреттегі заттарды санатамын. Жауаптарды жұпта талқылауды қадағалаймын.

Жауабы:

дәптер — 3 дана, альбом — 1 дана, кітап — 5 дана, түрлі түсті қарындаш — 10 дана.

Біздің сыныбымызда  оқушыларға төрт адамнан топтарға бөлініп отырады өздері сұрақ ойлап тауып және оны топта бір-біріне қоюды ұсынамын.

Оқушылардан кез келген заттарды санағанда барлығына ортақ қандай ерекшеліктер болатынын ойлап, жауап беруін сұраймын. Заттарды санау әрқашан “бір” санынан басталатынын және сандарды рет-ретімен қалдырмай атау керек деген тұжырымға әкелмін.

Сыныпта қанша оқушы бар?                                                                                                                                         -Айта аласыңдар ма? (Оқушылар “көп” деп жауап беру мүмкін.)

Бұл сұрақтар арқылы сыныптағы қай оқушының оннан артық санай алатынын білуге болады.

— Сыныпта қанша қызыл түсті (немесе басқа түсті) мектеп сөмкесі бар?

Бұл сұраққа жауап беру үшін осы түстес сөмкесі бар оқушылар оларды бір қатарға қоямын, ал басқалары хормен санайды: “Бір, екі, үш…” т.с.с.

— Ақ түсті гүл саны қанша?

— Сыныпта қанша парта бар?

— Сынып бөлмесінде қанша орындық бар?

Қосымша тапсырма:

Оқушыларға заттың санын анықтау үшін оларды санау керектігін түсіндіремін. Олардың назарын заттарды санау кезінде айтылатын сандарға аударамын: “бір, екі, үш, төрт, бес, алты, жеті, сегіз, тоғыз, он”.

Суретте қанша ойыншық болса, сонша дөңгелекті боя. Тапсырмада оқушылар суреттің

астында тұрған дөңгелектерді суретте бейнеленген заттардың санына байланысты бояйды.

Өнім. Оқушылар иллюстрацияны мұқият қа-рап шығуы тиіс және себетте қанша қызанақ, қияр, шалқан, қызылша, сәбіз, пияз, кәдінің суреті барын санайды. Нәтижесін парақшадағы санмен жалғастыру керек.

Жауабы:

5 дана — қияр, 9 дана — қызанақ, 10 дана — шалқан, 4 дана — қызылша, 7 дана — пияз, 4 дана — сәбіз, 1 дана — кәді.

Рефлекция:

Оқушылар сабақ соңында:

          он көлемінде санауды;

          заттардың саны мен сандар арасындағы сәйкестікті табуды меңгерді.

Сабақ тақырыбын меңгеру деңгейін бағалау үшін

мынадай сұрақтарды қоямын:

— Санауды қай саннан бастаймыз? (1 санынан бастап санаймыз.)

— Суреттегі заттарды санаңдар. Қанша …? (10 көлеміндегі заттардың суреттері бар парақшаларды көрсетемін.)

— Санағанда сандарды қалдырып кетуге болмайды. Неліктен? Сен қалай ойлайсың?

Оқушылармен жұмыс дәптеріндегі “Жетістік баспалдағымен” өзін-өзі бағалауға байланысты жұмыс өткіземін.