Тақырыбы: « Кіндік қаны тамған жерге, маңдайыңның тері де таму керек».

Қоршаған ортам менің.

Мақсаты: Білімділік:Оқушыларды табиғатты аялауға,қорғауға баулу, табиғат туралы білімдерін молайту. Дамытушылық:Пәнге деген қызығушылығын арттыру, бейнелік ойлау қабілетін дамыту. Тәрбиелік:Табиғатты қорғай алатын,аялай білетін адамгершілігі мол,ізгілікті, экологиялық білімі мен мәдениеті жоғары ұрпақ тәрбиелеу.

Көрнекілігі: Плакаттар,слайд.

Барысы:

1-жүргізуші:Армысыздар,құрметті ұстаздар және оқушылар! «Қоршаған ортам менің» атты тәрбие сағатымызға қош келдіңіздер!

2-жүргізуші: Құрметті оқушылар! Табиғатты сүю,Отанды сүю. Біздің табиғатқа жасаған әрбір жақсы қадамымыз-біздің болашағымыз.

1-жүргізуші:Табиғат Жер-Ана,Отан,Туған жер,Атамекен деген –құлаққа жылы естіліп жүрекке шаттық сезім ұялататын ұлы да қасиетті, бір-бірімен мағыналас мазмұны бай сөздер.

2-жүргізуші: Адамның өзі-Табиғат пен Жер Ананың перзенті. Жер-Ананы сүйе білу,оны аялау-адамның азаматтық борышы.

1-оқушы:Табиғат адам үшін жаралыпты, Бар қызық табиғаттан таралыпты. Адам мен табиғат егіз, Табиғат –асыраушың,қамқоршың.

2- оқушы: Жер-Анамен өз анаң егіз екен, Мейірімдері мейлінше теңіз екен. Анам туды, Жер-Ана жетілдірді, Осыны өзім өмірге негіз етем.

3-оқушы:Табиғат әсемдіктің төркінінің , Ән саламын бір сенің көркің үшін. Жан-жануар табынып бір өзіңе, Сенен асып тұрғандай бар тынысың.

4-оқушы:Табиғат егіз адаммен, Ұқсастық табам содан мен. Мәңгілік болсын егіздер, Жер-Ана ,көл,теңіздер.

5-оқушы:Табиғат,сенде бәрі ортақ, Аспанның,күнің, айың да. Тегінде жаның жомарт-ақ, Ізгілік жатыр бойыңда.

6- оқушы:Табиғат қызығам сенің суретіңе, Бас ием сенің құдіретіңе. Тұрасың күллі әлемге нұр таратып, Тұтқасы тіршіліктің күн бетінде.

7- оқушы:Табиғат-ол Су. Су тіршілік көзі. Сусыз жер бетінде тіршілікті елестету мүмкін емес. «Сулы жер-нулы жер» деген мақал бекер айтылмаған. Су-адам жүрегіне жыр,көңіліне нұр,сезіміне гүл сыйлайтын берекелі зат.

8- оқушы:Су деген тіршіліктің қаны емеспе? Су деген табиғаттың жаны емес пе? Су жоқ жерде өмір жоқ,ол-ақиқат, Күміс су қара жердің сәні емес пе?!

9-оқушы:Табиғат-ол Топырақ. Топырақтан өмір иісі шығады. Оны денең тиіп кетсе ұғады. Еңбегіңді есесінен беретін, Жақсылық та топырақтан шығады.

10-оқушы: Табиғат-ол Өсімдік. Өсімдік-бұл жасылжелек,көк майса құрақ,қызыл-жасыл гүлдер. Өсімдік ашыққанда тамақ,шөлдегенде сусын,ыстықта көлеңке,суықта пана,ауырғанда дәрі. Өсімдік-таза ауа.

11- оқушы: Табиғат-ол Жануарлар әлемі. Жүгірген аң,ұшқан құс, дала ажары ақбөкен,әнімен сәні бұлбұл. Су аруы Аққу табиғатымыздың сәні емеспе?

12- оқушы: Табиғат-ол Жер-Ана. Барша байлықтың анасы-Жер. Жерді күтіп баптау оның қойнауындағы қазба байлықтарын дұрыс игере білу, Жер-Ананы түлетіп гүлдендіре білу-біздің борышымыз.

1-жүргізуші: Қорық дегеніміз не? Құрып жойылуға жақындағанда аң-құстар, жануарлар, өсімдіктер, ағаштар, балықтарды аялап, тұмсықтыға шоқтырмай,қанаттыға қақтырмай, мылтықтыға аттырмай мемлекеттік қорғауға алынған осындай жерлерді қорық деп атайды.

2-жүргізуші: «Қызыл кітап» деген қандай кітап? Халықаралық табиғат Одағының «Қызыл кітап» Халықаралық дәрежедегі құжат. «Қызыл кітапқа» сирек кездесетін жылдан-жылға азайып не жойылып бара жатқан түрлер енгізіледі.

13-оқушы: Табиғатты қорғау үшін күресейік бәріміз, Көркейсін деп бір-бір ағаш егейік. Текке отырмай жасымыз бен кәріміз, Таза ауа үшін терімізді төгейік.

14- оқушы:Ауа ластанбай, Көліміз тарылмай. Суымыз лайланбасын десек, Табиғатты қорғайық!

15- оқушы: Табиғатты сүю-парыз, Сүю үшін қорғау-парыз. Табиғатсыз күнің жоқ, Оны айтуға табиғаттың тілі жоқ.

16-оқушы:Мың шыбық шаншып өсерсің, Халқыңа орман салғаның. Халқыңа орман салғаның, Өзіңе қорған салғаның.

17- оқушы:Бұтақтарды сындырмай, Тазалықты сақтайық. Гүл өсіріп су құйып, Табиғатты қорғайық.

18- оқушы:Жақсылықты қолдаймыз, Табиғатты қорғаймыз. Гүл егеміз бақтарға. Айналасын қоршаймыз.

19-оқушы:Мен жерімді сүйемін, Жеріме дән себебім. Ауа таза болсын деп, Жылда ағаш егемін.

Хормен:

Біз әдепті баламыз, Жайнай берсін даламыз. Табиғатпен дос болып, Қамқорлықпен қараймыз.

1-жүргізуші: Ойын: Табиғатқа қандай жақсылық жасар едің?

2-жүргізуші: Табиғатқа байланысты сөздерді қатыстырып бір-бірімізге жақсы тілектерімізді айтайық.

1.Бұлақтай мөлдір таза болыңдар! 2.Жұлдыздарың жарық болсын! 3.Айларың оңынан тусын! 4.Көңілің көлдей шалқысын! 5.Гүлдей жайнай беріңдер! 6.Таудай талап берсін! 7.Қызғалтақтай құлпыра беріңдер!

Көрініс: Аңшы мен бала.

Ән:Қарлығаш.

Би:Балдәурен биі.

Ән:Жау-жау жаңбыр.

Би:Қара жорға.

Ән:Күз келді.

Қорытынды: Табиғат адам бойына шабыт,көңіліне қуат,сезіміне сұлулық пен сағыныш ұялатады.Адам бойына адамгершілік қасиеттерді қалыптастыратын мол тәрбие көзі.Адам табиғатқа мейірімділікпен,сүйіспеншілікпен,қамқорлықпен қарап,үлесімдік сақталғанда,адамзат баласы үшін табиғат кең сарай мәңгі тозбас құтты қоныс болатынын ешқашан ұмытпайық!

«Таза болса,табиғат. Аман болар адамзат»-дей келе 2-ші сыныптардың «Мені қоршаған ортам» атты тәрбие сағатымыз аяқтаймыз.Назар салып тыңдағандарыңызға рахмет!