Менің сыныбым - менің ұжымым

Сабақ мақсаты: Менің сыныбым – менің ұжымым екендігін түсіндіре отырып, жалпыадамзаттық Дұрыс әрекет құндылығының мәнін ашу.

Міндеттері:

-оқушылардың бірлік туралы түсініктерін кеңейту;

-оқушылардың мейірімділік қасиеттерін дамыту;

-оқушыларды ұйымшылдыққа тәрбиелеу;

Ресурстар:

оқулық, дәптер, аудио.

Сабақ барысы:

1.Ұйымдастыру кезеңi: Сәлемдесу.

Оқу құралдарына назар аудару. 5Т: Тәртіп,талап,тыныштық,тазалық, татулық

2.Тыныштық сәтi.

«Күннің нұры» (3 мин)

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсылық жасайды. Нұр аяқтарыңызға тарады. Аяқтарыңыз жақсы жерлерге апарады.

Нұр сіздің аузыңызға, тіліңізге тарады. Тіліңіз тек шындықты айтады. Құлақтарыңыз тек жақсыны естиді. Нұр көздерімізге де жетті, көзіміз тек жақсылықты көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға,барлық адамдарға бағыттаңыз. Нұрды уақытша түсініспей жүрген адамдарға да бағыттаңыз, олардың да жүрегі нұрға толсын. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет

3.Үй тапсырмасын тексеру: №4 сабақ Дұрыс әрекетке байланысты мақал-мәтел дайындап келу. Мақал-мәтелдерді айтады және ашады.

-Мақал –мәтелдер өмірімізде көмек береді?

«Волшебная композиция»

4.Дәйексөз.

«Дұрыс әрекет-мақсатқа жеткізер жолды дұрыс таңдаудан басталады».

Әл-фараби

• Нақыл сөздің мағынасын қалай түсінесіңдер?

2-рет ұлдарға, 2- рет қыздарға айтқызу

Бәріміз қосылып айту.

Дәптерге жазу.

5. Әңгімелеу. В.Осеева Үш ұл

Екі әйел құдықтан су тартып тұр екен, бұлардың қасына тағы бір әйел келіпті.Құдықтың тұсынан өтіп бара жатқан бір қарт кісі де дем алмақ болып,таяп келіп,құдықтың маңындағы тасқа отырыпты.

Әйелдің біреуі:Менің ұлым батыл да күшті.Төбелесе қалса ешбір бала оған шақ келмейді,- депті.

Екінші әйел:

Менің ұлым ән салғанда бұлбұлдай сайрайды.Ешбір баланың дауысы дауысына жетпейді- депті. Ең соңынан келген әйел үндемей тұра беріпті.

Сен неге өз ұлың туралы бірдеңе айтпайсың?-деп сұрапты екі әйел.

Не айтайын баламның ешқандай ерекшелігі жоқ,- деп жауап беріпті ол. Әйелдер шелектерін суға толтырып,үйлеріне қарай беттейді.Әлгі қартта бұлардың соңынан жүріп отырады.Жолда әйелдер шаршаған соң,шелектерін жерге қойып әңгімеге кірісіпті.Қарт бұларды сынай қарап,бақылап тұрыпты.Осы кезде бұлардың алдынан жарыса жүгірген үш бала шыға келеді.Балалардың біреуі жолдағы тастарды аяғымен зулата ұшырып келе жатады.Мұны көрген шешесі қатты қуанып,көңілі көтеріліпті.Екіншісі бұлбұлдай сайрап,өлең айтып,өзінен өзі құтырынып келе жатады.Оның шешесіде баласының мұнысына шаттанып,көңілі өсіпті.

Үшінші бала болса,жүгіріп келіп шешесінің қасына барыпты да:

Апа,әкел маған бер- деп,шешесінің қолындағы су толы шелекті алып,үйіне қарай жүре беріпті.

Әйелдер қартқа бұрылып:

Қалай,біздің балаларымыз сізге ұнайма, қария?деп сұрапты.

Қайдағы балалар?Мен тек бір ақ баланы көріп тұрмын,-деп ,қарт шешесінің қолынан шелекті алып,өзі көтеріп бара жатқан баланы нұсқапты.

- Құдық басында кімдер кездесті?
- Әйелдер балаларын қалай мақтады?

- Қандай іс мақтауға лайық?

- Жақсы адамды қандай әрекетпен танимыз?

- Қандай ойдан жақсы іс әрекеттер туындайды?

-Өздеріңіздің жасаған жақсылықтарыңмен бөлісіңдер?

6. Шығармашылық жұмыс. Топтық жұмыс. Шығармашылық іс-әрекет, топтық жұмыс. Оқушыларды үш топқа біріктіріп, топтық тапсырма беру. Оқушыларға топтық жұмыстың ережесі түсіндіріледі. Тапсырманы орындау уақыты белгіленеді.

Топқа пішіндер арқылы біріктіру (дөңгелек,шаршы,үшбұрыш )

Мұғалімнің нұсқасы: Оқушылар берілген өлеңнің ұйқасы тауып жазады.

Ұйқасын тап:

Тілейік елге..................

................бірге жүрейік

Мейірім ........................

................ жасап жүрейік

.............жолы жарық күн,

.................жүректен.

Оқушылар өлеңдерін оқып береді.

Мұғалім үлгісі

Тілейік елге Амандық

Дос боп бірге жүрейік

Мейірім төкші Әлемге

Жақсылық жасап жүрейік

Жақсылықтың жолы – жарық күн,

Мейірімділік жүректен.

7. Топпен ән айту.

Топпен ән айту.

Дос болайық бәріміз.

Сөзі: Х. Талғаров.

Әні: И. Нүсіпбаев

1.Әрқашан дос біргеміз

Ажырамас іргеміз

Ілгері жүріңдер

Достық жырын біліңдер

Туғып ұстап бірлікті

Еңбекті сүйіңдер

Қайырмасы:

Дос болайық бәріміз

Жарасып тұр әніміз

Тыныштықты сақтаймыз

Атсын күліп танымыз

2.Қайраттанып карышта

Озып шыққан жарыста

Батыл бол Жасұлан

Самға биік алысқа

Жұлдыздарға, ғарышқа

Бойда күш тасыған.

8.Үй тапсырмасы. №5 сабақ. Ә.Есмағанбетовтың Өмірге тақырыбындағы өлеңін оқып келу.

9.Сабақтың қорытынды минуты

Көздеріңізді жұмыңыздар. Сіздер кереметсіздер, әркез күн тәрізді жарқырап жүріңіздер. Күндеріміз шуақты болсын. Сіздер Нұрсыздар. Көздеріңізді жайменен ашуға болады. Рахмет. Сау болыңыздар!

«Волшебная композиция»