Жарысқа шық, жас ұлан

Кеңсуат негізгі жалпы білім беретін мектебінің

бастауыш сынып мұғалімі Бегманова Балкенже Кабделовна

Тақырыбы : Жарысқа шық , жас ұлан

Мақсаты : Оқушыларды ұлттық салт – дәстүр негізінде, білімін кеңейту.

адамгершілікке, ұлтжандылыққа, имандылыққа тәрбиелеу,

ұлттық дүниетанымын қалыптастыру.Татулыққа,

ынтымақтыққа, бірлікке шақыру.

Көрнекілігі : Тарихи тұлғалардың портреттері, қолөнер шеберлерінің

бұйымдары, бес қару, ат әбзелі, қатысушылардың қолынан

шыққан туындылары қойылады.

Барысы :

Мұғалім : Қайырлы күн құрметті ұстаздар, ата- аналар, оқушылар ! Сіздер бүгін « Жарысқа шық , жасұлан » атты бүлдіршіндер сайысына қош келдіңіздер !Жігіттеріміз өз өнерлерін көрсетіп қана қоймай, біздің салт – дәстүрлерімізді, ұлттық ойындарымызды, шеберліктерін, онымен қоса білімділіктерін көрсетеді.Олай болса жігіттерімізге сәт – сапар тілей отырып, «Жарысқа шық , жасұлан » атты сайысын ашық деп жариялауға рұқсат етіңіздер !

1 – жүргізуші : Уа, халайық, халайық,

Мұнда назар салайық.

Ата жолын жалғамақ,

Ел дәстүрін қолдамақ.

Ел намысын қорғамақ

балалар шықсын ортаға,

Бүгін сұлтан атанбақ.

2 – жүргізуші : Қайсысы күйші, кім биші,

Талабына қарайық.

Кімдер зерек, кім жылдам,

Талаттарын табайық.

1 – жүргізуші : Құрметті көрермен қауым ! Енді сайысқа түсетін жігіттерді қол соғып, қошеметтеп шақырайық

2 – жүргізуші :Әр топты өзін таныстыруға шақырайық.

Жігіттер келіп жетті танысуға,

Бойындағы бар дарынын дамытуға.

Жігерленіп сахнаға келіп жетті,

Әдеппен, ізетпенен табысуға

І .Әр топ өздерін таныстырады.

Жылдар – жылдар тарихтың мол бекеті,

Сен әкелген жақсылықтар көп тегі.

Көңіліңді шат сезімге баурайжы,

Халқымыздың бүгіні мен өткені демекші әр топ өмірдерегімен таныстырады

2. Төсбелгілерін таныстыру

Жүргізуші : Сайысымыздың келесі шарты « Тіл - өнер » деп аталады .

Бұл бөлімде 1 / Өнерін көрсету

2/ Мәнерлеп оқу

3/ Хат жазу

Қыран бүркіт көтерер елдің нарқын,

Қыран жігіт асырар елдің даңқын, - демекші сегіз қырлы, бір сырлы жігіттеріміздің өнерлерін көрсетуге шақырамыз.

Әр топтан екі адам ортаға шығып өнер көрсетеді.

Жүргізуші : Сайысымыздың келесі шарты «Шебердің қолы ортақ » үй тапсырмасы .

Жүргізуші : Сайысымыздың келесі шарты « Сиқырлы сандық »

1/ Киелі сандар сыры

Үш ұғымы туралы сұрақтар

1.Үш жүз : Ұлы жүз, Орта жүз, Кіші жүз

2.Үш арсыз : Ұйқы, тамақ, күлкі

3.Үш даусыз : Мінез, кәрілік, ажал

Жігіттің үш жақын жұртын ата

Ағайын жұрт, нағашы жұрт, қайын жұрт.

Үш арысты атаңыз

С.Сейфуллин, Б.Майлин, І.Жансүгіров.

5 –сұрақ : Бес асыл мен бес дұшпанды ата.

Бес дұшпан : Өсек, өтірік, мақтаншақ, еріншек, бекер мал шашпақ.

Бес асыл : Талап, еңбек, терең ой, қанағат ету, рақым жасау.

Жеті жетімге нелер жатады ?

Тыңдаусыз қалған сөз жетім,

Киюсіз қалған жер жетім,

Басшысы жоқ ел жетім,

Аққу – қазсыз көл жетім,

Елінен айырылған ер жетім,

Замандасы қалмаса,

Бәрінен сол жетім.

2/ «Мақал - сөздің мәйегі » мақалды мимика арқылы түсіндіру

3/ « Ескірмейтін есті сөз » тиым сөздерден жарыс

Келесі сайысымыз « Ескірмейтін есті сөз ».

1.Отқа су құйма, түкірме.

2.Мал сүйегін отқа жақпа, ақты төкпе.

3.Қазақ түнде мал, адам санамайды.

4.Пышақтың жүзін жалама, пышақтың жүзін кезбе

5.Үйге қарай, үйді айналып жүгірме.

6.Айға қарай қолыңды шошайтпа.

7.Күлді, тұзды баспа, шашпа.

8.Жағаңыңды, беліңді, таянба, тізеңді құшақтама.

9.Бас киімді теппе, лақтырма.

10.Итті теппе, итке су шашпа.

11.Есікті керме, табалдырықты баспа.

12.Нанды шашпа, баспа.

13.Түнде өзенге суға түспе, су алуға барма

14.Мойныңа белбеу салма.

15.Жұма күні кір жума.

16.Үш айтта кір жууға, тырнақ, шаш, алуға болмайды

17.Сыпырғышты көкке көтеріп баланы ұруға болмайды.

18.Кемтар адамға күлме.

Жүргізуші : Сайысымыздың келесі шарты « Білімді мыңды жығар» сұрақ - жауап

Қой асығы демеңіз,

Қолға жақсы сақа ғой.

Жасы кіші демеңіз,

Ақылы асса аға ғой, - дегенде білімдерін сынаймыз

Жүргізуші : Сайысымыздың келесі шарты « Еңбек үйретеді , өмір ширатады » деп аталады . Бұл бөлімде 1/. Матаға ілгек тігу

2 / Талдардан үй жасау

3 / Қамшы жасау

Жүргізуші : Эстафеталық ойындар

Ат өнері білінбес,

Бәйгеге түсіп жарыспай.

Ер өнері білінбес,

Қоян – қолтық алыспай.

« Ердің асылы күшімен білінеді » дегендей, келесі тапсырма

1. Асық ату . Бұл сайыста асық атумен бірге берілген есептерді шығарасыздар .

2. « Ханталапай »

3. « Допты беру » « А » ,« С» басталатын адам атын айтасыздар

4 « Көз байлап адам бейнесін салу

5. «Аралда » ойыны кішкентай жерге сиысып тұру .

1-жүргізуші :Балалар , түсініңдар сөздің нарқын,

Әр кезде бола берсін жүздер жарқын.

Мәңгілік жоғарылап жұлдыздарың,

Бақытқа бөлеңдерші қазақ халқын, - дей отырып, ендігі сөз кезегін әділқазылар алқасына береміз