- оқушыларды күнделікті спортпен айналысуға тарту;
- оқушыларды достыққа, ұйымшылдыққа тәрбиелеу.
Керекті спорттық құрал - жабдықтар: маты, секіртпе,доп, , тығыз доп, барьер, шығыршық, арқан, қап т. б. Барысы: Жүргізуші: Құрметті ұстаздар, қонақтар және «Жас Ұландықтар»! Сіздерді «19 қараша – Дүниежүзілік темекіге қарсы күрес күніне» арналған - «Жарысқа шық, Жас Ұлан» тақырыбында өткізілгелі отырған спорттық сайысымызға қош келдіңіздер!Сонымен бүгінгі сайыста жаттығуды бастайтын, қиынсынып қашпайтын ұландарды ортаға шақырамыз. (Қатысушы мектептер шақырылады)
Әнұран орындалады. Жүргізуші: Еңкейген кәріден бесіктегі балаға дейін салауатты өмір сүруге талаптанып, соған қоғам да, мектеп те жағдай жасап, денсаулықты сақтауға нығайтуға ат салысумыз қажет. Ол үшін күнделікті таңертеңгілік жаттығулар жасауды, жүгіруді әдетке айналдыруымыз керек, сонда ғана егеменді еліміздің мықты азаматы болып өсеміз. Көп адамдар денсаулығына мән бермейді – «Қолда бар алтынның қадірі жоқ, қолдан шығып кеткен соң өкіндім-ай» демекші, салауатты өмір салты туралы біліммен қарулануымыз қажет. Жүргізуші: Қазылар орнықтырар әділдікті, Кімдердің таныстыруы кәміл шықты. Спорт пен жылдамдықтың сайысында, Жеңіске жетер дейміз нағыз мықты.
Жүргізуші: Аймақтық мектеп оқушылары арасында «Жарысқа шық, Жас Ұлан» тақырыбында өткізілетін эстафеталық сайыстың бағдарламасымен таныс болыңыздар.
1. Топтың аты, ұранымен таныстыру
2. Спорттық би (флеш моб)
3. Үй тапсырмасы (денсаулыққа байланысты мақал – мәтел алып, мәнін сурет арқылы ашу. Сурет плакатқа салынуы керек)
4. Кедергілер арасынан жүгіру (борьер, маты, обручь арқылы)
5. Секіртпемен (скакалкамен), футбол добымен кедергілер арқылы жүгіру. (қыздар скакалкамен, ұлдар доппен)
6. Қаппен секіру (қарама – қарсы эстафета)
7. Шығыршықпен тасымал (обруч)
8. Арқан тарту
Жүргізуші: Жарыс заңы ежелден, Жеңімпазды анықтау. Жеңімпаз болу шарты сол Еңбектену жалықпау. Біреуі озса сайыста, Біреуі артта қалады. Жеңілгендер ренжімей, Тараса бізге жарады. Сабырлы да, салмақты Білімді де, өнерлі Білікті де жүректі. «Сіздерге жеңіс тілейік», – дей отырып қатысушы командаларға сәттілік тілеп, бүгінгі жарысымызды бастайық.
Жүргізуші: Міне біздің сайысымыз аяқталып келеді. Топ оқушылары өздерінің күштерін, ептілік пен жылдамдықтарын көрсете білді. «Жарысқа шық, Жас Ұлан» атты эстафеталық сайысты қорытындылайтын кез жетті. Қорытынды дайын болам дегенше, Сыр елінің кішкентай жұлдызы, ҮІІ «Ботақан» телефестивалінің лауреаты, мектеп мақтанышы Баймұрат Әбдірасулдың «Вокзалда қауышқан қыз» әнін қабыл алыңыздар!
Жүргізуші: Құрметті ұстаздар, оқушылар! Сөз кезегі әділқазылар алқасында. Әділқазылар сайыстың шарты бойынша қорытынды шығарып, жеңімпазды анықтайды.
Марапаттау рәсімі Жүргізуші: Уа, халқым назар аудар денсаулыққа! Өмірде бақыттысың денің сауда. Денсаулық терең бақыт деген сөзді, Құр айтпаған ұлы Абай данамыз да. Құрметті ұстаздар және оқушылар! Отбасыларыңыз аман, дендеріңіз сау, көңілдеріңіз шат-шадыман болсын деген ақ тілегімізді жолдаймыз. Келгендеріңізге көп-көп рахмет, сау-саламатта болыңыздар!
