Ыбырай Алтынсарин 175 жыл мерей той

«Сәулелі жұлдыз іздеген адам» Ыбырай Алтынсарин мерекелік кештің өткізілуі

Мақсаты: Алғашқы ұстаз, ұлы ағартушы Ыбырай Алтынсариннің өмірімен, шығармаларымен оқушыларды таныстыру.
Ыбырай Алтынсариннің әңгімелері арқылы оқушыларды имандылыққа, адамгершілікке, еңбекқорлыққа тәрбиелеу. Ұлы тарихи тұлғаны есте сақтауға, құрмет тұтуға, үлгі алуға тәрбиелеу.
Көрнекілігі: Ы. Алтынсарин портреті, өнегелі сөздері, шарлар, интерактивті тақта
Сценарий барысы:

1-Жүргізуші: Балалар , құтты болсын тілің бүгін

Ашатын жан сарайын білімдінің

Кешегі анаң айтқан, бабаң айтқан

Тіліне зер салыңдар бұрынғының – дей келе Ыбырай Алтынсарин атамыздың 175 жылдық мерейтойын қадірменді де, қымбатты ұстаздар оқушылар қош келдіңіздер! Әр халықтың болашаққа бет алған тарихы даму жолында жарық жұлдыздай болып бағыт - бағдар сілтеген, сөйтіп сол ұлттың, халықтың тарихында есімдері ерекше аталатын зор тұлғалар болатыны айқын. Халқымыздың тұңғыш ғалымы Шоқан Уәлихановпен, ұлы кемеңгер ақын Абай Құнанбаевпен бірге аса көрнекті қоғам қайраткері Ыбырай Алтынсарин. Ыбырай Алтынсарин - алғашқы халық мұғалімі, қазақ даласында алғаш рет халықтық мектеп ұйымдастырушы педагогы, балаларға арнап өте құнды өлеңдер мен әңгімелер жазған жазушы.

2-жүргізуші: Сауатты болса екен деп қазақ халқын,
Білімге бастап беріп, жолды салды.
Тәлімді, тәрбиелі еңбегімен,
Ыбырайдан өшпестей мұра қалды - дей келіп, бүгінгі Ыбырай Алтынсарин атамыздың 175 жылдық мерей тойына орай ұйымдастырылған « Сәулелі жұлдыз іздеген адам» атты мерекелік кешімізге қош келдіңіздер!

2 «Ж» сынып оқушыларының қыздарының орындауында

«Періштелер» биі қабыл алыңыздар

1-Жүргізуші: Слайдпен таныстыру Ыбырай Алтынсарин өміріне, шығармашылығына тоқталу Ы. Алтынсарин 1841 жылдың 20 қазанында қазіргі Қостанай облысының Затобол ауданында дүниеге келген. Әкесі Алтынсары ерте өліп жастайынан атасы Балқожаның тәрбиесінде өскен. Осы атасының ықпалымен Ыбырай 1850 жылы Орынборда ашылған орыс - қазақ мектебіне оқуға алынады. Сабақты ерекше ынтамен оқыған ол 1857 жылы «өте жақсы»деген бағамен бітіреді.
Ы. Алтынсариннің оқып, білім алуына жағдай жасап, ақыл - кеңес беріп отырған атасы Балқожа би еді. Оқуда жүрген жас Ыбырайға атасы хат арқылы өлең мен күш - қуат, ынта - жігер беріп отырады.

2-жүргізуші: Балқожа бидің баласына жазған хаты.
Хамза: Үміт еткен көзімнің нұры балам

Жаныңа жәрдем берсін құдай тағалам

Атаң мұнда анаңмен есен –аман

Сүйіп сәлем жазады бүгін саған

Атаңды сағындым деп асығарсың

Сабаққа көңіл бөлсең басыларсың

Ата –анаңды өнер білсең асырарсың

Надан боп білмей қалсаң аһ ұрарсың

Шырағым мұнда жүрсең нетер едің?

Қолыңа құрық алып кетер едің

Теңтіреп екі ауылдың арасында
Жүргенмен не мұратқа жетер едің?

2 «А» сынып оқушысы Төлеген Диляраның орындауында «Бозторғай» әні қабыл алыңыздар.

2-Жүргізуші:

Сәлем жолдап шәкіртке дұғай - дұғай,
Ұрандап өлеңімен келді былай.
Жас ұрпаққа жар салып жанымен де
«Кел, балалар, оқылық»- деп Ыбырай атамыз айтып кеткендей балалар Ыбырай атамызға деген алғысымызды өлең жолдары арқылы жеткізсек. мектебіміздің мақтаныштары қазақ –тілін жүйрік білетін оқушылар Ыбырай атамыздың өлеңін жаттап келіпті оқушыларды ортаға шақырайық.

2 «Ә» сынып оқушысы Сартай Айтолды, 2 «Б» сынып оқушысы Мырзағали Аружанды, 2 «И» сынып оқушысы Мирханова Мадинаны, 2 «Д» сынып оқушысы _________ Даниалды , 2 «Ж» сынып оқушысы Әлібиқызы Марфузаны ортаға шақырамыз.

2 «Д» сынып оқушыларының орындауында «Үнді» биі қабыл алыңыздар

1-жүргізуші: Жалғассын бүгінгі күн дәстүр - салтың,
Күндей күліп өмірің болсын жарқын.
Бас иіп ұлы Ыбырай рухына,
Көтерейік бірігіп атақ - даңқын!
Балалар Ыбырай атамыздың мектебін де сендер сияқты оқушылар білім алған. Біз осы Ыбырай атамыздың ашқан кейінгі зәулім ғимаратты мектебінің бірінде оқып жатырмыз. Біз білім алып жатқан алтын ұя мектебімізді жақсы көреміз бе? Олай болса мектебімізге деген ыстық лебізімізді ән шумағымен жеткізсек.

Ән «Мектебім» орындайтын 2 «Ж» сынып оқушысы Батырхан Хамза қабыл алыңыздар.

2-Жүргізуші: Сауатты болса екен деп қазақ халқын,
Білімге бастап беріп, жолды салды.
Тәлімді, тәрбиелі еңбегімен,
Ыбырайдан өшпестей мұра қалды.

2 «Г» сынып оқушыларының орындауында «Өзбек» биі қабыл алыңыздар

Ән: 2 «Е» сынып оқушысы Нақыпбек Нұрайдың орындауында «Жаяу» әні қабыл алыңыздар

1 -жүргізуші: Ы. Алтынсарин өз өлеңдерінде балаларды оқуға, білім алуға шақырса, ал әңгімелерінде еңбекті сүюге, қадірлеуге, адамгершілікке, имандылыққа, адал достыққа, тазалыққа үйретеді.
«Ананың сүюі» (өлеңін оқу)
2 -жүргізуші: Енді сіздердің назарларыңызға алғашқы ұстаз, ұлы ағартушы
Ы. Алтынсариннің бірнеше әңгімелеріне дайындалған көріністерін ұсынып, бұл әңгімелердің тәрбиелік мәнін терең мағынада түсінуге шақырамыз.

« Әке мен бала» көрініс 2 «Д» сынып оқушылары қабыл алыңыздар.\

1 -жүргізуші: Жалғассын бүгінгі күн дәстүр - салтың,
Күндей күліп өмірің болсын жарқын.
Бас иіп ұлы Ыбырай рухына,
Көтерейік бірігіп атақ - даңқын!

2 «Ж» сынып оқушысы Батырхан Хамзаның орындауында «Ай мүсін» әнін қабыл алыңыздар!

Қорытынды:
Біз, бүгінгі шарада ұлы ағартушы, тұңғыш қазақтың елінде мектеп ашқан, алғашқы ұстаз Ы. Алтынсариннің өмірбаянымен толық таныстық.. Өзіндік ізін қалдырған, өскелең ұрпақтың еш есінен кетпестей ұстаздың жолын арнап өткендігін көріп, біліп, танысып өттік. Міне, осындай тәрбиелік мәні бар шарамыз арқылы оқушыларды әр істі ойланып ақылмен жасауға, кішіге қамқор болуға, ата - анасын сыйлап құрмет тұтуға, еңбекқор болуға шақырамын. Осымен мерекелік кешіміз өз мәресіне жетті. Аспанымыз ашық, заманымыз тыныш, тіл мәртебесі биік болсын, ағайын!