"Тапқыр математик" математикалық сайыс

Бекітемін

Күні: 15.02.18ж

Сыныптан тыс шара

Тақырыбы: «Тапқыр математик»

Мақсаты:

Білімділік: Оқушылардың бойында азаматтық қасиетті қалыптастыру, олардың белсенділігін арттыру, білімге ұмтылдыру.
Дамытушылық: Оқушыларды ұқыпты тыңдауға, сұрақтарға нақтылы жауап беруге, практикамен ұштастыруға үйрету және олардың математикалық тілін, логикалық ойлау қабілетін дамыту.
Тәрбиелік: Оқушыларды көпшіл болуға үйрету, өзара көмегін қалыптастыра отырып, өз білімін ғана емес басқа оқушының да білімін жауапкершілікпен қарауға дағдыландыру.

Көрнекілігі: сөзжұмбақтар, интербелсенді тақта.

Ұйымдастыру бөлімі.

Құрметті қонақтар, оқушылар, ұстаздар! Бүгін 3 б сынып оқушыларымен өткелі отырған «Тапқыр математик» атты сайысына қош келдіңіздер!

Ал, келіңдер, келіңдер!
Біріңе - бірің еріңдер.
Білім – білікті тексеріп,
Сайысқа қатысып көріңдер!
«Кім жүйрік ойға, сол алда
Бәйгеге түсіп жарыспай,
Жүйріктің бағы жанар ма?
Білім мен өнер жарыспай.

Бүгінгі сайысымызда қай топ «Тапқыр математик» екенін анықтаймыз.

Әр пәннің сырлары ,

Қызықтырды біздерді .

Ойынға бірге қатысуға

Шақырамыз сіздерді- дей отырып сайыскерлеріміздің біліміне баға беретін әділ- қазылар алқасымен танысып өтейік.      

Әділқазылар:

Бастауыш сынып мұғалімі –

-

Сайыстың шарттарымен таныс болыңыздар.

І. Викториналық сұрақтар

ІІ. Жұмбақ есеп

ІІІ. Ғажайып математика

ІV. Сөзжұмбақ шешу

VІ. Капитандар сайысы (сиқырлы үшбұрыш)

Олай болса сайысымызды бастайық. Ең алдымен әр топ өздерін таныстырып кетсін.

1топ «Алғырлар»

Ұраны: Жарыс десе бәрімізде жанамыз

Жарыста алғырлықпен шабамыз.

Сәлемдесуі: Қиындықтан сірәда біз қашпаймыз

                   Алғырлық пен тапқырлықты ұштаймыз

                  Қияларға самғап ұшқан құстаймыз

                  Шегінбейміз жеңістерге бастаймыз

2топ. «Тапқырлар»

Ұраны:Білікті бірді жығады

             Білімді мыңды жығады

Сәлемдесуі:Біз дайынбыз бұл сайысқа достарым

                 Көрсетеміз бізде қандай күш барын

               Алға қойған мақсатымыз бір екен

              Сәтті болсын сапарымыз әрдайым.

3- топ.« Жасқыран » 

Ұраны: Біз дайынбыз жарысуға достарым
Көрсетеміз бізде қандай күш барын.

Сәлемдесуі: Қалықтап көкте жас қыран 
Халықпыз сөзге тоқтаған 
Тілімен топты жаратын 
Тобымыз біздің « Жасқыран » 

І. Викториналық сұрақтар (Жауап нақты, тез болу керек)

1 топ:

1. Столдың төрт бұрышы бар. Егер бір бұрышты кесіп тастаса, неше бұрыш қалады? ( 5 )

2.Үш сызықтан пайда болған фигура. (үшбұрыш)

3. Ұзындық өлшем бірліктерін ата. ( км, м, мм, см, дм)

4. Тік бұрыштан кіші бұрыш. (сүйір)

5. Нанды үш бөлікке бөлу үшін, нанды неше рет кесу керек? (2)

6. Үстел үстінде үш стакан шие тұр. Марат бір стакан шиені жеп қойды. Неше стакан қалды? 3с

7. Төрт қойдың неше аяғы бар 16

2 топ:

1. Уақыт өлшемдерін ата. (секунд, минут, сағат, тәулік, апта, ай, жыл, ғасыр)

2. 5×7 нешеге тең? (35)

3. Санды 0-ге көбейткенде не шығады? (0)

4. 1 дм-де неше см бар? (10см)

5. Санды 1-ге көбейткенде не шығады? ( сол санның өзі шығады)

6. Екі бала шахматты екі сағат ойнады. Олардың әрқайсысы неше сағат ойлады? 2 сағат

7. Мектепке келе жатқан 5 балаға қарсы жолда тағы 4 бала жолықты.Мектепке неше бала барды? 5

3 топ:

1. Фигураның ауданын қалай табады? ( ұзындығын еніне көбейту)

2. 9*9 нешеге тең? (81)

3. 4 аптада күн бар? (28)

4. 2 сағатта неше минут бар? (120)

5. 10 см-де неше миллиметр бар? (100 )

6. Жұп аттар 20 км жүгірді. Бір ат неше км жүгірді? 20 км

7.Үш түйеқұс ұшып келе жатты.Аңшы олардың біреуін атып алды. Неше тұйеқұс қалды? ұшпайды

Әр топқа рахмет айтамыз. Келесі кезең бізде «Жұмбақ есеп» деп аталады.

1 топ:

1.Көбелектер далада,

Гүл күлтесін санаған.

Әрбір гүлде 5 күлте,

6 гүл бар далада

Күлте нешеу санашы,

Бар ма оның қиыны? (6×5=30)

2.Маймылдың 3 баласы

Дүкен жаққа сабылды

Әрқайсысына оқитын,

5 кітаптан алынды.

Тек ақымақ маймылдар,

Дұрыс санай алмады.

Неше кітап көмектес,

Маймылдардың алғаны? ( 3×5=15)

2 топ:

1.Ойлап ешкі лақтарын,

Әкелді ағаш бұтақтарын

Он алты бұтақ барлығы

Еденге қойды, оларды

Бөлгенде бұны төрт лаққа

Тиеді қанша бұтақтан? 16:4

2.Су құйып ем астауға

Үш қаз ұшты аспанға

Үш қасқалдақ, бірқазан

Екі үйрек, бір қарға

Бір шымшық пен бір қарға

Қосылды кеп бұларға

Санап көрші досым-ау

Неше құс ұшты аспанға? (12)

3 топ:

1.Он бір түйе, бес жылқы

Екі сиыр, бір ешкі

Екі қоян, үш түлкі

Таба алмасаң болдың күлкі. 24

2.Табақта бес алма

Қолымда екі алма

Қосқанда барлығын

Болады жеті алма

Бір алма атама

Бір алма апама

Екі алма беремін

Тәтеме сыбаға

Табақта алманың

Қалғанын санап көр. 3 алма

ІІІ. Ғажайып математика

Өрнектер

10 ұпай- 735+265=? 1000

20 ұпай- 22х3=? 66

30 ұпай – 700:2+50=? 400

Фигуралар

10 ұпай – Периметрді қалай табамыз? Ұзындығы мен енін қосып екіге көбейтеміз.

20 ұпай - Ені 5 см, ұзындығы 7 см болатын тіктөртбұрыштың ауданын тап. 35 см²

30 ұпай – Бұрыштың түрлерін ата. Тік, доғал, сүйір.

Логикалық сұрақ

10 ұпай - Бөлмеде 4 бұрыш. Әрбір бұрышта мысықтар отыр, әрбір мысық алдында 3 мысық. Бөлмеде қанша мысық бар? (4 мысық)
20 ұпай - Жыл он екі ай ішінде 30 және 31 сандары ауысып отырады. Ал 28 саны қай айда кездеседі? (Барлық айда)

30 ұпай –Бұтақта 6 қарға отырды.Олардың 3-еуін атып алды.Бұтақта қанша қарға қалды? 0

Әртүрлі

10 ұпай - Тәуліктің 3-тен 1 бөлігі неше сағатқа тең? (8 сағ)

20 ұпай – 7 санының квадраты. 49

30 ұпай- Екі сабақ арасындағы үзіліс. қоңырау

Келесі біздің сайысымыз «Сөзжұмбақ шешу» деп аталады. Әр топқа сөзжұмбақ беріледі. Жауаптарын тауып жазу

Ал екі топ тапсырманы орындағанша көрермендермен ойын.

Мақалдың жалғасын табу.

1. Жеті жұрттың тілін біл, (жеті түрлі ілім біл)

2. Білікті бірді жығар, (білімді мыңды жығар)

3. Досыңды үш күн сынама, ( үш жыл сына)

4. Жүз теңгең болғанша, (жүз досың болсын)

5. Отыз тістен шыққан сөз, (отыз рулы елге тарар)

6. Білгенің бір тоғыз, (білмегенің тоқсан тоғыз)

7. Бір кісі қазған құдықтан, (отыз кісі су ішер)

8. Алтау ала болса ауыздағы кетеді, ( төртеу түгел болса төбедегі келеді)

9. Жеті рет өлше, (бір рет кес)

10. Жігітке (жетпіс) өнер де аз.

11Мыңның түсін танығанша (Бірдің атын біл.)

12. Ағайын алтау, ана (біреу.)
13. Жүзден жүйрік. (Мыңнан тұлпар)
14. Жаздың бір күні Қыстың (мың) күнін асырайды.

Біздің соңғы сайысымыз капитандар сайысы. Әр топ басшысына « Сиқырлы үшбұрыштар» беріледі. Үшбұрыштардың ішінде неше үшбұрыш бар. Осымен бүгінгі сайысымыз аяқталды.

Сау болыңыздар!