Тақырыбы: "Менің мектебім " 4сынып сабақ жоспары

Сабақ тақырыбы: МЕНІҢ МЕКТЕБІМ... Мақсаты: Мектептің тарихымен таныстыра отырып, білімнің сара жолы мектептен басталатынын, білімнің кең дүниеде өмірге есік ашатынын сезіндіру. Білімге деген құштарлығын арттыру, оқуға, білімді болуға шақыру. Мектепті, яғни білім ордасын, ұстаздарын құрметтеп, еңбекті бағалай білуге тәрбиелеу. Ата – анасының, Отанының адал ұл – қызы болуына жетелеу, оқушыларды мектебіне деген сүйіспеншілікке тәрбиелеу. Әдісі: түсіндіру,сұрақ-жауап Көрнекілігі: суреттер, мектеп туралы нақыл сөздер, Ыбырай суреті Барысы: I.Ұйымдастыру. Психологиялық дайындық. II. МЕНІҢ МЕКТЕБІМ. Ой қозғау. Біз мектепке не үшін келеміз? Мектепте кімдер жұмыс істейді.
Мектепті директор басқара ма? Ұстаз білім бере ме? . Өз мектебіңді жақсы көресің бе?
Мектепке білім алуға келесің бе? «Мектеп – білім ордасы!» дегенге келісесің бе?
Мектеп іскерлікке, шеберлікке жаттықтыра ма? Мектеп – балаларды бүлдіршін кезінен бастап,  есейіп ер жеткенге дейін білім нәрімен сусындатар алтын ордамыз. Мектеп табалдырығына алғаш қадам басқан соң, жылы шыраймен қарсы алатын, анандай тәрбиелейтін ұстазды көресің.Қазақтың: «Мектеп –кеме, білім- теңіз» сынды мақалы бекер айтылмаса керек. Себебі  сенің  «МЕКТЕП» атты кемең қай жерге дейін сені жетелесе, сен  де сол жерге дейін барып  биік шындардан  көрінерін анық. Мектеп-білім айдынындағы үлкен кеме. Осы кемеде он бір жыл уақытты әр бала өткізеді. Мектеп табалдырығын тарыдай болып аттап, он бір жыл бойы білім алып, таудай болып шығамыз. Мектепте біз шынайы дос табамыз, білім алып, өмірді үйренеміз. Мектеп бізге тірек беріп, жылулық пен бақыт сыйлайды. Ал ұстаздар болса бізге үйретуден еш жалықпас.
Мектеп... Бұл сөзде қаншама мағына жатыр десеңші! Ойын қуып жүріп, он бір жылдың қалай өткенін білмей де қаласың. Ең алғаш мектеп ашқвн кім еді? III 1. Ы.Алтынсарин - ең алғаш мектеп ашып, бала оқытқан ағартушы ақын, жазушы. 2. А.Байтұрсынұлы - ақын, мемлекет қайраткері. Ол ұлттық әліпбиді тұңғыш рет жасап жаңа үлгі ұсынды. Ол « Оқу құралы» атты тұңғыш әліппелердің бірін жазды. Топтастыру:  Тақпақ айту:       Мектебім менің, мектебім! Қарақат:  Мектебім  менің, болашағым өркенім, Бәрі  өзіңде сұлу әуен, көркем үн. Ылғидағы демеу болсаң артымда , Сөзсіз күнде теңеледі әр түнім Жанер: Алтын ордам, білім беріп таспалаған,  Білімімен әрбір шыңға ол тас қалаған.  Ыстығы мен  суығына  бірге төзіп  Айналайын «ҰСТАЗ» деген асыл  анадан.     Ерхат:Мектеп деген-алтын ұям, ардақтар, Әрбір шәкірт пікірімді салмақтар
   Білім беріп , тәрбиеге үйреткен    Туа берсін  өзіңе арналған тармақтар! Дильназ:Көп баланы тербеткен,Алып бесік тәрізді, Алтын ұям мектептен Дәріс алам маңызды.
Бұл мектептен нәр алған Қанат қаққан қырандар, Бұл мектептен таралған Елін сүйген ұландар.
Назерке: Алтын ұям мектебім Ыстықсың сен көзіме. Балалық шақ көктемім, Өтіп жатыр өзіңде.
Армандарым көп менің, Пайда әкелер еліме. Жетелей бер, мектебім Сол армандар төріне.
Артур:Кеудемде тұр, сеземін, Игі істерім тізілген.
Нық басып мен келемін, Үлкендердің ізімен.
Ашық болсын аспаның, Жарқырасын көкте күн,
Жаса мәңгі асқарлы Алтын ұям – мектебім. Дидактикалық ойын «Сөйлемді аяқта» 1. Мектепте оқушыларды мұғалім..... 2.Математика сабағында ......... 3. Қазақ тілі сабағында.......... 4. Дүниетану сабағында.... 5. Дене тәрбиесі сабағында........ Мектеп ережесі 1.Мектеп шәкірттері осы мектептің ішкі тәртіп ережелеріне бағынуға және оның талаптарын мүлтіксіз орындауға міндетті. 2. Мектеп шәкірттері мектептің ережесіне сай бірыңғай мектеп формасын киюге міндетті. 3. Өзі білім мен тәрбие алып жатқан білім ордасының намысын қорғауға міндетті. 4. Әрбір оқушы салауатты өмір салтын сақтауға, таңғы дене жаттығуларынан қалмауға міндетті. 5. Сабақтан себепсіз қалмауға, кешікпей келуге міндетті. 6. Мектепте және мектептен тыс уақытта мектеп шәкірті деген атқа лайық болып, ана тілін шұбарламай, таза, көркем сөйлеуге тиіс. Қорытынды: сұрақ-жауап.