Тәрбие сағаты тақырыбы: "Әдептілік - тәрбие бастауы"

Қостанай облысы, Арқалық қаласы,

Ш. Уәлиханов атындағы №1 жалпы

орта білім беретін мектебінің

бастауыш сынып мұғалімі

Фазылова Айымкүл Қонысбекқызы

Тақырыбы: Әдептілік - тәрбие бастауы
Мақсаты: 1. Оқушыларды адамгершілікке, қарапайымдылыққа, кішіпейілділікке,өз халқының салт - дәстүрін үйрете отырып, адам бойындағы ұнамды, ұнамсыз қылықтарды ажырата отырып, әдеп әліппесін бойына дарыту.

2. «Әдеп», «әдептілік» туралы түсініктерін кеңейту.

3. Әдептілікке, сыпайылыққа, жаман әдеттен аулақ болуға тәрбиелеу.
Түрі: зияткерлік сайыс

Әдісі: Түсіндіру,әңгімелесу,жағдайаттар,сұрақ жауап,иллюстратция және демонстранция ойға шабуыл.

Көрнекілік, жабдықтары: нақыл сөздер,интерактивті тақта

Сабақтың барысы

Ұйымдастыру бөлімі:
Психологиялық дайындық:

• Балалар, «Әдептілік белгісі – иіліп сәлем бергені» дегендей, қане, бәріміз бір-бірімізге иіліп амандасайық. (Бәрі осылайша сәлемдеседі)

Қане, балалар бәріміз бір - бірімізге сәттілік тілеп, әр оқушы өзінің атының бірінші әрпінен басталатын бойындағы жақсы қасиеттерімізді айтайық.
Енді балалар, топқа бөліну үшін мына фигураларды таңдайық.
Жарайсыңдар балалар, енді орналасып болсақ тақтаға назар аударайық.

Мұғалім: сайыс тәртібімен таныстыру:

1. Топтарды таныстыру

2. «Кім тапқыр?» (Мақал-мәтелді жалғастыр)

3. «Жалғасын тап»

4. «Ойлан тап!» (Сұрақ-жауап)

5. «Әдептілік әліппесі» (жағдаяттық көрініс)

6. Қорытынды

Зияткерлік сайысымыздың әділ бағасын беретін әділ қазыларды сайлайық.

Әр салада барлайық

Сынды сынға жалғайық.

Әділ баға беретін

Әділқазы сайлайық.

әділ-қазылар алқасымен таныс болыңыздар

1.________________________________________________________

2.________________________________________________________

3.________________________________________________________

Мұғалім: Бүгінгі заман адамы сегіз қырлы, бір сырлы болып өсуі керек. Оның ең бастысы - оқушылар үшін әдептілік. Біз сыныпқа кіргенде әдептіліктің бірінші ережесін байқаған болатынбыз. Ол қандай ереже?
- Біз бір - бірімізбен амандастық.
- Амандасу – әр халықтың мәдениетінің алғашқы беташары.
Әсемпаз болма әрнеге,
Өнерпаз болсаң арқалан.
Сен де бір кірпіш дүниеге,
Кетігін тап та, бар қалан,- деп Абай атамыз айтқандай кішіге мейірімді, досыңа қайырымды, еңбексүйгіш, шыншыл да қамқор болсаң, өсе келе ата - анаңның, Отаныңның мақтанышы боласың.
Ендеше сайысымыздың 1 кезеңі таныстыруды бастайық.

1 топ: «Білгірлер»

2 топ: «Тапқырлар»

3 топ: «Алғырлар»

(топ басшысын сайлау. Топ аты, ұраны)

2 кезең: «Кім тапқыр» (Мақал-мәтелді жалғастыр)

1. Әдептілік ар-ұят

(Адамдықтың белгісі)

1. Адам – (әдебімен көрікті)

2. Әдепті бала ата-анасын мақтатар

(Әдепсіз бала ата-анасын қақсатар)

1. Алыстан сәлем береді

(Ұқыпты елдің баласы)

1. Ақылда баға жоқ

(Тәрбиеде шек жоқ)

1. Оқусыз білім жоқ

(Білімсіз күнің жоқ)

1. Өнер алды – (қызыл тіл)

2. Қына тасқа бітеді

(Білім басқа бітеді)

1. Еңбектің наны тәтті

(Жалқаудың жаны тәтті)

Мұғалім: Кез келген жағдайда әуелі бойыңа ашу шақырмай, сабырлы болған жөн. Қатты ашуды тарататын сиқырлы сөздер болады екен. Олардың қандай сөздер екенін берілген сиқырлы конверттерден білеміз. Конвертте сиқырлы сөздер жазылған. Мысалы кешіріңіз, рахмет т. б.

3 кезең: «Жалғасын тап»

1. Үлкендердің алдынан – (кесіп өтуге болмайды.)
   2. Кішкене баланы - (жылатуға болмайды)
   3. Құстарды – (атуға болмайды.)
   4. Қыз баланы – (сыйлау керек.)
   5. Сабақтан - (кешігуге болмайды.)
   6. Досқа – (көмектесу керек)

1. Сыныпта-(шулауға болмайды)

2. Үлкеннің тілін-(алу керек)

3. Кішіліерге – (қамқор болу керек)

Мұғалім: Адам баласының бойында жақсы да, жаман қасиеттер болады екен. Бізге ақылдылықты, адалдылықты, қарапайым-кішіпейілділікті, инабаттылықты, шыншылдықты үлкендер үйретеді. Ол біздің ата-анамыз, ұстазымыз. Адам болатын бала барлық жақсы қасиеттерді үйреніп, жаман мінез әдеттерден, ұнамсыз қылықтардан аулақ болуға тырысуы керек.

4 кезең: «Ойлан тап» (сұрақ-жауап)

Мына әріптерден адам бойындағы жақсы жаман қасиеттерге байланысты сөздерді тауып жаз.
Лдаа, қлаас, зөміішл, кеттен, ітітпәрт, зіспітртә, ытпықұ, зсыпықұ
Жауаптары:
Адал, салақ, өзімшіл, тентек, тәртіпті, тәртіпсіз, ұқыпты, ұқыпсыз

5 кезең: «Әдептілік әліппесі» ( жағдаяттық көрініс)

Топ мүшелері «Әдеп» сөзінің әрпін таңдау арқылы, берілген тапсырманы топпен ақылдаса отырып шешеді.

1. Мектеп дәлізіндегі әдептілік

2. Сынып ішіндегі әдептілік

3. Досыңмен телефон арқылы сөйлесудегі әдептілік

Қорытынды:

Жарайсыңдар балалар енді сабағымызды қорытындылай келе «әдептілік» ережесін құрайық. (күн бейнесіне әдептілік қасиеттерді жабыстыру)
Қипақтайды қит етсе, анаң, әкең
Қайтсем ғана осыны адам етем
Басқалардың осындай балалары
Тап осындай жаңғалақ болар ма екен?- деп М. Әлімбаев ағамыз айтқандай, ата - анамызды ренжітпей әдепті бала болайық.

Әдептілік әлемі
Қарсы ал ерте күн көзін,
Төсегіңді жина өзің.
Асықпай іш тамақты,
Жалама аяқ - табақты.
Пышақты ұста оң қолмен,
Шанышқыны сол қолмен
Нанды үгітпе, қадірле,

Қабығымен бәрін же.
Осымен тәрбие сағатымыз аяқталды. Назар қойып тыңдағандарыңызға рахмет. Сау болыңыздар!