Пәні
Тәрбие сағаты
Сабақтың тақырыбы:
Табиғатты қорғайық!
Сабақтың мақсаты:
Оқушылардың табиғат туралы түсінігін анықтау, табиғат – адам өмірінің тірегі екенін оқушы санасына жеткізу, оқушыларды табиғатты сүюге, оны қорғауға үйрету.
Күтілетін нәтиже
1.Табиғат туралы түсініктері кеңейеді.
2. Өз ойларын, пікірлерін айта білуге тәрбиеленеді.
Сілтеме
Мектептегі сыныптан тыс жұмыстар (журнал)
Сабақта қолданылатын материалдар:
АКТ слайд, суреттер
Оқыту әдістері:
топтық жұмыс
Сабақтың барысы.
І. Ұйымдастыру кезеңі
Табиғаттан бабамыз ала берген секілді,
Дархандықты қазаққа дала берген секілді,
Еркелікті ерікті желден алған секілді,
Мөлдірлікті көгілдір көлден алған секілді.
Табиғат – бізді қоршаған орта. Демек, адам табиғатсыз өмір сүре алмайды. Табиғатта тепе - теңдік үнемі сақталып тұрады
Қызығушылығын ояту
Доппен жұмыс. Допты әр балаға лақтырып тірі табиғат және өлі табиғат атауларын сұраймыз.
Мұғалім: - Табиғатқа арнап ән шумағын жазған ұлы адам кім еді?
- Абай Құнанбаев.
- Ән сабағында жаттаған ән қалай аталады?
- «Желсіз түнде жарық ай».
ІІІ. Жаңа сабақ
Оқушымен жұмыс
Сұрақ – жауап. (ауызша топтарға сұрақтар қою.)
* Адам өміріне не қажет?
* Адам өзіне қажетті жағдайларды қайдан алады
* Судың қандай қасиеттерін білесіңдер?
* Тірі табиғатты ата.
Табиғат дегенді қалай түсінесіңдер?
- Табиғат! осы бір сөз жүрекке жылы, көңілге қонымды естіледі. Табиғат сөзінде қаншама терең ой, мағына, ұлағатты мол ұғым, тұжырымы кең ой жатыр деуге болады.
- Табиғат күллі тіршілік атаулының құтты қоныс – мекені, алтын ұя бесігі, құт – берекесі. Адам үшін табиғат – ең қасиетті де қастерлі ұғым
Балалар, алдарыңдағы қағазға табиғат, оның түрлерін схема түрінде көрсетіңдерші.
Адам. Жануар. Өсімдік
су ауа өсімдік білім
баспана тамақ жылы су киім
Оқушыларға ақ парақ таратылып беріледі.
Шығармашылық жұмыс
Әр топ берілген сұрақтарға жауап жазады.
1 – топ: Табиғаттың адамға деген пайдасын жаз.
2 – топ: Табиғатты қалай қорғайсыңдар?
3 – топ: Табиғатты көріктендіру үшін не істейсіңдер?
Табиғат жайлы мақал-мәтелден жарыс ұйымдастырылады.
1.Екпей егін шықпас, оқымай білім жұқпас.
2.Жер адамды асырайды, ана баласын асырайды.
3.Алтын жерден алынады.
Ал, білім кітаптан алынады.
4.Гүл – жердің көркі, қыз – елдің көркі.
5.Жаңбыр жауса – жер ырысы.
Жұмбақ шешу. Көктемде көгереді,
Жазда ырысқа бөленеді.
Күзде пісіп марқаяды,
Қыста бірден қартаяды. (Жер)
- Жердің тіршілік үшін қандай пайдасы бар?
- Табиғаттың басты байлығы – жер. Жер – біздің қазынамыз, байлығымыз.
Жер біздің алтын бесігіміз. Анамызды қалай жақсы көрсек, табиғатымызды да, сүйе білуіміз керек.
ҮІII. Қорытынды
Табиғатсыз адам өмір сүре алмайды екен, ендеше жердің, табиғаттың иесі мына сендер, біз оны қорғауымыз керек. Демек, табиғатты қорғау – өз Отанымызды сақтау деген сөз.
«Табиғатты қорғайық» деген белгі тапсырылады
