Тәрбие сағаты Сара Алпысқызы Назарбаеваның өмір жолы

Тақырыбы:  Сара Алпысқызы Назарбаеваның өмір жолыМақсаты: Оқушыларға 12 ақпан Сара Алпысқызы Назарбаеваның туған күні екенін айтып, бұл күннің біз үшін өте ерекше екендігін айтып түсіндіру. С.А.Назарбаеваның өміріне тоқталып,жаңа мәліметтер беру.

 Көрнекіліктері: нақыл сөздер,бейнеролик, слайдтар, плакаттар, шарлар.

Сабақ барысы

Ұйымдастыру кезеңі.

Хор: әнұран.

Мұғалім:

            Бүгінгі «Өзін- өзі тану» пәнінің негізгі авторы С.А.Назарбаеваның туған күніне арналған «Сара Алпысқызының өмір жолы!» атты тәрбие сағатына қош келдіңіздер!

         «Адам баласы өзінің жан дүниесін қайырымдылықпен қайғыны түсіне білу қасиеттерімен нығайтып, шынайы өмір сүре білу керек», – деп Сара  Алпысқызы айтқан екен.

         Назарбаева Сара Алпысқызының өмірбаянынан үзінді бейнеролик арқылы.

Мұғалім:

Бар жақсылық бір өзіңнен табылар

Ұстазға тән қасиеті бәрі бар

Сара Алпысқызы бір өзіңе арналған

Шәкіртіңнің жыр – пейілін қабыл ал дегендей ендігі кезек тақпақтар:

Деба

Қайырымды, мейірімді жан

Бұл дүниедегі

Әдемі әрі нәзік жан

Бұл өмірдегі

Жанашыр,балалардың тірегі

Кім десеңіз

Бұл – Сара Алпысқызы

 Әсел:

Өзің дара тұлғасың,

Мен үшін өзің данасың!

Мейірімді көзбен қарайсың,

Айналайын Сара ана!

Ұқсайды дархан көңілің,

Ұлан байтақ далаға.

Ұсындың бізге мейіріммен!

Өзін-өзі тану сабағы,

Берері мол бұл пәннің

Мың алғыс саған айтамын.

Аида:

Жанарыңыз мөлдір судай тұңғиық,

Тірі жанға жылы шырай нұр құйып.

Сіз шықсаңыз арқаланып қалушы ек,

Алдымыздан көрінгендей бір биік.

Таң атар деп әлі алдан арайлы,

Аманаттап қалдырады талайды.

Өзін- өзі тану сан ұрпақтың санасы,

Жаңғыртуға ғибратты жарайды.  

         Сара Алпысқызы  1941 жылы 12 ақпанда Қарағанды облысы Қызылжар ауылында дүниеге келген. Еңбек жолын қарапайым құрылыс жұмысшысы болып бастаған.Жоғары білімді экономист.

          1992 жылдан бастап балаларға рухани,адамгершілік білім беру және тәрбиелеуге байланысты мәселелерді шешуге нақты көмек көрсететін «Бөбек» Республикалық балалар қайырымдылық қорының негізін қалаушы және президенті. Сара Алпысқызы –қоғамның,адамның рухани адамгершілік дамуы бойынша бірнеше кітаптардың авторы, бақытты балалық шақ туралы тұжырымдама құрды 2006 жылы мамыр айында Мәскеуде адамзатты ізгі мұраттарына қызмет атқарғаны үшін «Алтын жүрек» халықаралық сыйлығы тапсырылды.

           Сара Алпысқызы жалпы рухани-адамгершілік құндылықтарды қалыптастырудың қайта өрлеу «Өзін-өзі тану» бағдарламасының авторы болып табылды.

         4 сынып оқушылары Сара Алпысқызына арнап шығарған жүрек жарды өлеңдері мен тілектерін арнайды.

Эльмира:

Сара апа қадір тұтар қасиетіңіз,

Бізге қымбат әр айтқан өсиетіңіз,

Сіздің әрбір ісіңізден өнеге алып,

Әрқашанда алдыңызда бас иеміз.

Әрбір айтқан ақылыңыз шуақ бізге

Бойыма күш бергендей қуат табам,

Шын көңілмен мен бүгін өзіңе арнап,

Жүрегімнің түбінен жыр ақтарам.

Қиындықты көрсем де жасымаған,

Қамқоршым да өзіңсің, Сара апам.

Қуанышқа кенеліп әр күн сайын,

Жүре бер деп тілеймін есен- аман

Ақбота:

Жанарынан жылылық сезіледі,

Жүрегінен мейірім төгіледі.

Сара апаны ойласам өмірімнің,

Төріндегі қиялы сөгіледі.

Сізді көрсем бақыт та көрінеді.

Сіз арқылы бақытым өріледі,

«Өзін- өзі тану» пәні арқылы,

Ажыраттым ақ- қараны өмірдегі

Сабина:

Аяулы да, алтын жүзді анашым.

Жүрегіммен мәңгі бірге боласың,

Сен- асқарсың, сен- аспансың, биіксің!

Сен- дарқансың, сен- жомартсың, данасың!

Сізге деген менің көңілім ұшан теңіз.

 Мұғалім:

           Сіз әрбір бүлдіршіннің шуақты шаңырақ астында, жайлы сыйласуға, балаларды адамгершілікке баулу үлкен мән бердіңіз. Жаныңыздың жылуын балаларға бердіңіз. Аяулы ана! Көңіліңіз шат, жүзіңіз жарқын, деніңіз сау болсын деп әрқашан тілеймін.

          Сара Алпысқызы жалпы рухани-адамгершілік құндылықтарды қалыптастырудың қайта өрлеу «Өзін-өзі тану» бағдарламасының авторы болып табылды. «Өзін-өзі танудың»  философиясына ұланғайыр үлес қосқаны үшін Шыңғыс Айтматов атындағы «Алтын» медальға ие болды.2010 жылы аналар мен балаларды қорғаудағы,Қазақстанның жас ұрпағына рухани тағылымдық білім берудегі еңбегі үшін «Достық жұлдызы» сыйлығы табыс етілді,бұл марапатты тұңғыш рет Сара Алпысқызы иеленіп отыр.

 Сара Алпысқызы «Өмір әдебі» деген кітабынан алынған үзіндіні оқи отырып, оқушылар әр адамның өз өміріне өзі жауапты екендігіне назар аударады, өзара пікір алмасады.

 Оқушылар Сара Алпысқызына арналған өлеңдерді оқиды.

Медет:

Жүрегі кең, ақ пейілді, дара анам,

Шәкірттерің биік өрге самғаған.

Шуақ шашып жер жүзіне  мейірімің,

Ел, Анасы атандың сен, Сара апам!

Абдумұхит:      

Бөбектердің былдырлаған тілдері,

Еліміздің қуанышы гүлдері.

Тарихында қазағымның жасасын,

«Бөбек» қоры еліміздің бүгінгі.

Алақаның ыстық сенің аялы,

Кең пейілді, мейірімді анасыз.

Пана болып бауырыңа тарттың сен,

Барша жұрттың жетім қалған баласын.

Адэля:

Сара апа қадір тұтар қасиетіңіз,

Бізге қымбат әр айтқан өсиетіңіз.

Сіздің әрбір ісіңізден өнеге алып,

Әрқашанда алдыңызда бас иеміз,

Әрбір айтқан ақылыңыз шуақ бізге.

Бойыма күш бергендей қуат табам,

Шын көңілмен, мен бүгін өзіңе арнап.

Жүрегімнің түбінен жыр ақтарам.

        «Мен бала күнімде шамадан тыс қарапайым жасқаншақ болдым.Актриса болуды армандадым, рас,актриса бола қойған жоқпын. Бірақ өмірімді бұрмаламай көрсететін бір қарапайым ақиқатты түсіндім. Ал нақтырақ алатын болсақ,адамдарды бір-бірінен ажыратуға болатын басты айырмашылық жан дүниесі мен рухтың үйлесімі арқылы өмір сүру қабілетін айқындайтын олардың санасының даму деңгейі екен».

                                                                                          (Сара Алпысқызы).

Би: «Шашу биі»

Дина:

Күн шуағын төккен жан,

Жүрегі қандай мейірімді.

Сара анамыздың балаларға,

Күндей жылы жүрегі.

Күн нұрынан жаралған,

Шуағы бізге таралған.

Мейірбан, Сара  анамыз,

Жаралған нұрдан пейілі.

Әбдімтәлі Аяулым:

Бір өзіңсіз бүкіл елдің анасы,

Барлық бала, барлық жанның панасы.

Құшағына қалай ғана сыйды екен,

Бүкіл елдің «Қазақ» атты баласы.

Алақаның аялы, құшағы кең,

Сендей адам табылмас жер жүзінен.

Байсеркеева Аяулым:

Сізді көрсем бақытта көрінеді,

Сіз арқылы бақытым өріледі.

«Өзін-өзі тану» пәні арқылы,

Ажыраттым ақ-қараны өмірдегі.

Ұлмекен:

Ел аман,жұртымыз тыныш болып,

Басымыздан бақ құсы кетпесін мүлде.

Құтты болсын туған күнің Сара апа,

Әрқашан бақытты бол жан апа.

Арманыңыз орындалып әрқашан,

Аспаныңыз ашық болсын әрдайым.

Ән:  «Бір үйдің баласындай»

Қорытынды

          Сара Алпысқызының жүректен шыққан жылы сөзі адамды тебірентіп өзін-өзі тануына, өзін-өзі сыйлай білуіне,шын ниет,адал жүрекпен басталған істің нәтижелі болатынын ұғындырады.Әр адамның тұлғалық дамуы әркімнің өзіне, жасалған әрекетіне байланысты болады.

         Сара Алпысқызының ұлағатты ұстанымдары арқылы жас ұрпақтың жүрегіндегі өмірге,ата-анасына,ең жақын адамдарына,жалпы адам атаулыға деген бауырмалдық,сүйіспеншілік,махаббат,достық сенімді ізгілік қасиеттерін дамыта түседі.