Сыныптан тыс іс - шара Әліппемен қоштасу

Сабақтың барысы:

Вы уже знаете о суперспособностях современного учителя?

Тратить минимум сил на подготовку и проведение уроков.

Быстро и объективно проверять знания учащихся.

Сделать изучение нового материала максимально понятным.

Избавить себя от подбора заданий и их проверки после уроков.

Наладить дисциплину на своих уроках.

Получить возможность работать творчески.

=> ПОЛУЧИТЬ СУПЕРСПОСОБНОСТИ УЧИТЕЛЯ <=

Просмотр содержимого документа
«Сыныптан тыс іс - шара Әліппемен қоштасу»

Сабақтың тақырыбы:Қош бол , құтты әліппем!

Сабақтың мақсаты: Әліппені дәріптеуді салтанатты түрде атап өту.

Сабақтың міндеттері:

оқушылардың танымдық белсенділігін дамыту;
оқушылардың төрт айда игерген білімдерін ата – аналарға, көрермендерге критерийлерімен бағалату;
сынып оқушыларының ынтымақтастық қарым-қатынасын қалыптастыра отырып татулыққа тәрбиелеу.

Сабақтың түрі:Танымдық ойын сабағы
Көрнекілігі: шарлар, суреттер, нақыл сөздер: «Әліппе- әдемі әріптер әлемі», «Әліппе - білім бесігі», «Әліппе-ғылым анасы»,слайдтар, «Әліппені дәріпте» атты баннер.

Сабақтың барысы:

*Мұғалім сөзі
* Бағалау критерийлерімен таныстыру (Білімді, алғыр, шебер, өнерлі, дарынды, тапқыр, ақылды номинациялары бойынша ДИПЛОМЫмен марапаттау)
*Жүректен- жүрекке (оқушылардың тілектері)
*Ата-аналармен «Кері байланыс» жүргізу.
*Концерттік бағдарлама.
Мұғалімнің сөзі.
Құрметті әріптестер, оқушылар, ата – аналар! 1 «А»сынып оқушыларының «Қош бол , құтты әліппем!» атты мерекелік сабағына қош келдіңіздер.
Барлық кітаптың атасы - Әліппе. Бұл кітап – бүкіл ғылым дүниесінің алғашқы жолы, білімге бастайтын сара жол. Әліппені алғаш қолға ұстаған сәт әрбір адамның есінде ұзақ сақталары сөзсіз. Сондай - ақ әліппемен қоштасу да бірінші сынып оқушылары үшін өміріндегі елеулі оқиға. Сөзімізге бүгінгі «Қош бол , құтты әліппем!»атты сабақ нақты дәлел бола алады. Ондағы Әліппенің арқасында 42 әріпті таныған оқушылардың қуанышы сіздердің де көңілдеріңізге нұр құяры сөзсіз.
Құрметті ұстаздар, ата - аналар, оқушылар! Бүгінгі балалардың алдағы шығатын биік белестерінің ең алғашқысы - Әліппені аяқтау қуанышты күні құтты болсын! Білім жолындағы белестерге қанаттары талмай көтеріле берсін деп тілек білдіргім келеді.

Көрініс:

Барысы: Атасы немересін жетектеп келеді.
Автор:
Жеті жасар баласын,
Жетпісте шал жетектеп.
Келе жатыр көшеде,
«Қайда әлгі мектеп»-деп.
Жетпіс келед жүгіріп.
Ата:
Балам,балам, жақсы бол,
Міне,сенің мектебің.
Сабағыңа зейін сал
Ақылды бол тентегім.
Немере:
Қыркүйекте келдім де
Сыныпқа кірдім қуанып,
Қарсы алды ұстаз мейіріммен
Қадамымды құп алып.

Жаңағы көріністе көрген баладай 1 «А» сынып оқушылары әліппені қалай меңгергендерін, сонымен қатар қалай есептеп, қалай көркем жаза алатындарын, ән айту, сурет салу шеберліктерін көрсетеді. Мерекемізді бастайық!

«Ақ тілек»(Әліппеге оқушылардың ыстық ықыластары)

ДИЯС: Таныстырған 42 әріппен

Қош бол, менің сүйікті Әліппем,

Сеніңарқан оқи жаза білгенім

Сауатты адам қатарына кіргенім

АЛДИЯР: Қош бол, құтты Әліппе,

Көп нәрсені үйреттің

Таныстырып әріппен

Тақылдатып сөйлеттің

Олжас: Келгенде алғаш мектепке

Білмеуші едік әріпте

Оқимыз қазір ертекті

Үйреткен оны Әліппе

Мұзафар:Әліппе салған алтын жол

Апарар сені алысқа

Жеңіл емес, ауыр жол

Тырысып бақ намысқа

Хор: «Рахмет саған әліппе!» (Осы сәтте Әліппе шығады.)
Әліппе: - Әліппе: Менің атым әліппе

Мені анаңдай дәріпте,

Мені оқып, ер жеткен,

Ағаң менен әпкең

Өсті міне, бойларың,

Өсті міне, ойларың.

Қуанышқа ортақпын,

Құтты болсың тойларың!

Мұғалім:Көлге айналған бұлақтың
Қайнар көзін көріп пе ең?
Том - том қалың кітаптың
Басы болар Әліппең.

Ортада:

1. А әрпінен есімім
Айтсам сөздің кесімін.
Алдия деген баламын,
Айдай өсіп толамын.

2. Д дегенің Диясы ғой сыныптың
Әріптерден мен де қалыс қалмаспын
Білім іздеп, оқу оқып терлеген.

3. Мұзафарды білесіз,
Көңілге мені түйесіз.
М әрпі де атымда
Оқып – біліп жүресіз.

4. Т дегенің Темирханов,
Олжас деген мен бала.
Жақсы оқысам сабақты
Одан артық жоқ шара.

Рахмет балалар, Білмесбек болмай, Білгішбек болыңдар!
( сахнаға кір-қожалақ Білмесбек келеді)
Білмесбек: Сәлеметсіздер ме?
-Мыналар не жиналған -әй. Менің атымды атаған қайсың?
Мұғалім:
-Сәлеметсің бе Білмесбек! Сені атаған мен ғой. Бүгін бізде «Әліппемен қоштасу» мерекесі.Сен әлпе дегеннің не екенін білесің бе?
-Білмесбек:Жоқ

Мұғалім: бәрінен мақрұм қалыпсың ғой
Балалар, біз барлығына өзіміздің нені білгенімізді, нені меңгергенімізді көрсетейік, ол үшін білім сайысына түсеміз. (Осы сәтте балалар дайындалады. Музыка ойнап тұрады. Ата-аналарға бағалау парақшасымен, кері байланыс парақшалары үлестіріледі.)

1 сынып оқушылары жарысқа түсуге дайын:

ІІ. «Ойлан тап» танымдық ойыны (ұяшықтардағы тапсырмалар)
1. «Әріптер сөйлейді» (Сиқырлы ағаштағы Буындардан сөз құрастыру құрастыру)
2. Бұл кім? (Мамандық иелері туралы айту)
3.Сен білесің бе? (жұмбақтар шешу)
4. Сергіту сәті («Көңілді күн»)
5.Математика әлеміне саяхат (математикалық тапсырма)
6. Мені бейнеле (бейнелеу өнері)
7. Музыкалық пауза (қытай қызының өнерін тамашалау)
8.Ағылшын тілі пәнінің мұғалімінің тапсырмасын орындау (ағылшын тілі)
9. Бейнелі сурет (дүниетану пәні бойынша)
10. «Білгенге маржан, білмегенге арзан» (сұрақтарға жауап)
11. «Менің Отаным-Қазақстан» тақырыбындағы мәтінді оқу
12. Көркем, сауатты жаза білейік.

ТАПСЫРМАЛАР
1 ұяшық. «Әріптер сөйлейді»

2-ұяшық. «Бұл кім»Ұяшықтан суреттер (Дәрігер,мұғалім,ғарышкер,құрылысшы) шығады. Олар туралы білетіндерін ортаға салады.

3-ұяшық.Сен білесің бе? (жұмбақтар шешу)
*Бір үйге көзсіз боп басың сұғасың,
Бұл үйден көреген болып шығасың. (Мектеп)

*Бетін адам ашады
Білім нұрын шашады.(Кітап)

*Маған да, саған да,
Жақын туыс – бес адам.
Үш әріптен тұратын,
Оңға оқы, солға оқы,
Өзгермейді еш одан,
Бәрі де өз жұратың,
Айтады кәне: кім атын?(Ата; Ана;Апа; Аға; Іні)

*Білімнің дәнін тереді,
Балаға тәлім береді. (Мұғалім)

*42 жауынгер
Сапын түзеп тұрады
Бүлдіршіндер, қауымды ел,
Сырын терең ұғады. (Алфавит)

*Оңға қарай оқысаң да сол халық,
Солға қарай оқысаң да сол халық. (Қазақ)

4-ұяшық. Сергіту сәті («Көңілді күн») Мен ақылдымын,үлгілімін, көңілдімін,дана, ойлы,тәртәпті,жақсы
5-ұяшық. Математика әлеміне саяхат ()

6-ұяшық. Мені бейнеле (бейнелеу өнері)
7-ұяшық.Бейнелі сурет (дүниетану пәні бойынша)
*Тыныс алу мүшесі деген не? (Мұрын)
*Есту мүшесі деген не? (Құлақ)
*Дәм сезу мүшесін ата. ( тіл)
*Табиғаттағы денелер нешеге бөлінеді? (2-ге- тірі дене және өлі дене)

8- ұяшық.«Білгенге маржан, білмегенге арзан» (сұрақтарға жауап)
І.1.О қандай дыбыс?Сөз айт (дауысты)
2.Т қандай дыбыс? Сөз айт(дауыссыз)
3.А қандай дыбыс?Сөз айт (дауысты)

4. Н қандай дыбыс?Сөз айт (дауыссыз)

9-ұяшық. Мәтін оқу «Менің Отаным Қазақстан»

Біз Отанымызды, елімізді сүйеміз. Туған ел, туған жерсіз адамның күні жоқ.
- Балалар, «Туған жерсіз адамның күні жоқ» - дегенді қалай түсінесіңдер?
- Туған ел, туған жер деген сөздер адамның жүрегіне жылы әсер етеді.
- Туған елін, өскен жерін сүю әр адамның парызы.
- Әр адам туып өскен жерін аялайды, қастерлейді, қорғайды, мақтан тұтады

10-ұяшық. Көркем, сауатты жаза білейік. Мына сөйлемдерді дәптерлеріңе әдемі, көркем жазындар:

Мен анамды жақсы көремін.Мені анам мақтан ететін болады.Уәде!
Қорытынды.
*Ұлы арман жолында асқарлы,
100 жылдық тарихы бар мектебімізді
Аяулы Шырын апай басқарады.- демекші, сөз мектебіміздің директоры — Қапарова Шырын Мамашайқызына беріледі

*Мұнда біреу жымияды қызына,
Мұнда біреу ақыл айтар ұлына.
Мұнда біреу сөз сөйлейді сызыла,
Мұнда біреу елтіп отыр жырыма.
Ол кім десең,
Қуаныштан езулері жымиған,
Ол - ата - ана, әлемдегі сыйлы адам,- дей келесі сөз кезегін ата - аналарға беремін.

Бағалау.«Әліппені оқыдың сен қастерлеп,
Марапатқа лайықсың, сен жас бөбек!»
Оқушыларды дипломмен марапаттау.
Кері байланыс(ата-аналар)
1. Сіздің бүгінгі сабақтан алған әсеріңіз қандай?
2. Балаңыздың бүгінгі сабағын қалай бағаладыңыз?

Музыкалық бағдарлама
1. Шежіресі мектептің жатқан аңыз,
Болашаққа білім ап аттанамыз. Түрлі саладағы мектептің түлектері,
Соларменен біз бүгін мақтанамыз

2.Өмір бойы мектебімді жыр етем,
Бір өзіңде бақыт, білім, берекем.
Шәкірттерің өрістесін, өрлесін,
Құтты болсын 100 жылдыбұл мерекең!
1. «Мектебім» әні. Б.Бейсенованікі
2. Қамажай. Қыздар биі
3. «Алғашқы ұстазым» әні
4. Үнді биі
5. Өзбек биі
6. «Біз бақытты балдырған» әні
Мұғалім:Қымбатты балалар! Сендердің зейін қойғыштықтарың, еңбек сүйгіштіктерің және білімге құштарлықтарың арқасында жеткен алғашқы жеңістеріңмен құттықтаймын. Сендер алфавиттің бүкіл әріптерін жаттап алдыңдар, әрі өздеріңнің тұңғыш оқулықтарың – «Әліппе» бойынша оқуды үйрендіңдер. «Әліппе» сендерді тек әріптермен таныстырып қана қойған жоқ, оның беттері сендерді бір - бірлеріңмен тату, дос болуға, адамгершілікке үйретті, мектеп ережелерімен таныстырды.
Білім баспалдағына өрлеген сапарларыңыз сәтті болсын!

Бойларыңда от бар екенін байқадым,
Жүректеріңде шоқ бар екенін байқадым,
Әрқашанда сол шоқтарды өшірмей,
Жалындатып шарықтаңдар әрдайым,-дей келе, сіздерге рахмет демекпін.

Құрметті ата-ана, қуанышыңыз құтты болсын!

Ата- ананың аты- жөні____________________________Балаңыз_______________

1. Сіздің бүгінгі сабақтан алған әсеріңіз қандай?
____________________________________________________________________________________________________________________________________________________________________________________________________________________________________________________________________________________________

2. Балаңыздың бүгінгі сабағын қалай бағаладыңыз?
_____________________________________________________________________________________________________________________________________________________________________________________________________________________

Құрметті ата-ана, қуанышыңыз құтты болсын!

Ата- ананың аты- жөні____________________________Балаңыз_______________