СӘЛАМӘТЛЕК УТРАВЫНА СӘЯХӘТ
Уен-сәяхәт ике команда арасында ярыш формасында оештырыла. Жюри сайлана.
Катнашалар: кече яшьтәге мәктәп укучылары, алып баручы, Убырлы карчык, Бегемот, Үлемсез Кощей, Спорт, Сәламәтлек.
Җиһазлар: 2 гимнастик эскәмия, гимнастик стенка, бау, 2 агач ат, мамык-марля бәйләвечләр (балалар санынча), 2 сикергеч, бүрәнә, дару үләннәре рәсемнәре яки гербарий, 2 рюкзак, сәяхәт маршруты картасы.
Алып баручы. Җир шарының коньягында да түгел, төньягында да түгел, көнбатышында да түгел, көнчыгышында да түгел, ә әллә кайсы почмагында тылсымлы «Сәламәтлек утравы» бар икән. Ә шул утрауның нәкъ үзәгендә Спортландия дигән гаҗәеп бер ил урнашкан. Һәм сез бүген менә шул илгә сәяхәткә чыгачаксыз. Ә сәяхәткә буш кул белән барып булмый бит.
Ике өстәлгә төрле предметлар куела. Укучылар сәяхәткә кирәкле әйберләрне генә сайлап алып, аларны рюкзакларга тутыралар. Кайсы команда бу эшне дөрес һәм тизрәк башкара, шул җиңүче була.
Алып баручы.
Дусларым, ерак сәфәргә Юлларда очрамый калмас
Юл аласыз сез бүген. Каршылыклар, киртәләр.
Тик шулай да серле илгә Көч, җитезлек һәм зирәклек
Барулар җиңел түгел. Сезне алга илтерләр.
(Карта буенча сәяхәт маршруты белән таныштыру.)
Әйдә, хәерле сәгатьтә Авырлыкларны кичкәндә
Кузгалыйк әле, дуслар! Юлдаш булсын уңышлар.
(«Яшь туристлар җыры» башкарыла.)
Алып баручы.
Беренче киртә — чокыр, Тимәсәгез аларга,
Чокыр тулы еланнар. Алар да сезгә тимәс,
Аларга баса күрмәгез, «Табигатьнең дошманы бу,
Сак булыгыз, оланнар. Иң начар кеше», — димәс.
I сынау. «Чокыр» аша гимнастик эскәмия буйлап чыгу.
Алып баручы.
Ай, нинди кара урман, Алан уртасындагы йорт
Ә уртасында алан, Борыла безгә табан.
Убырлы карчык (иснәнеп).
Адәм исе килеп китте, Бу урманнарга кешеләр
Кемнәр йөриләр микән? Аяк басмады күптән.
(Балаларны күрә.)
Ха-ха-ха, балалар, Минем йортым яныннан
Монда сез йөрисезме? Үтә алабыз дисезме?
(Кинәт башын тотып.)
Ай-вай-вай! Нигә икән авыр чакта
Башым тагын авырта! Ярдәмчем юк янымда!?
Балалар.
Әби, сиңа нәрсәләрнең Нинди дару кулланасың,
Әйт, тия соң файдасы? Аны каян табасы?
Алып баручы.
Безнең дуслар ярдәм итәр, Олыларны хөрмәтлиләр,
Алар бик тә уңганнар, Бар да җитез, булганнар.
Убырлы карчык.
Йөгерек чишмә буенда,
Корыч тау итәгендә,
Үсеп тора дәү юкә.
Шул юкәнең чәчәкләре
Миңа бик ярдәм итә.
II сынау. Укучылар, берәрләп йөгереп барып, гимнастик стен- кага менәләр, «чәчәк» өзәләр, кире йөгереп килеп урыннарына басалар.
Алып баручы.
Чү, кемдер елый бугай, Ә, бу бегемот икән
Кем бәлагә юлыккан? Сазлыкка кереп баткан.
(Бегемот елап утыра.)
Балалар.
Еламасын бегемот Аны шушы сазлыктан
Аңа ярдәмгә барыйк! Яле, тартып чыгарыйк!
III сынау. Бау тартышу. Бауның уртасына катыргыдан бегемот рәсеме ясап беркетелгән.
Бегемот.
Рәхмәт сезгә, балалар — Болай кая юл тоттыгыз —
Коткардыгыз үлемнән. Ярыймы соң белергә?
Балалар. Без Сәламәтлек утравындагы Спортландия иленә барабыз.
Бегемот.
Атлар — минем дусларым — Юкса гел җәяү йөрсәгез,
Сезне озата барырлар, Аяклар бит талырлар.
(Агач атлар бирә.)
IV сынау. Агач атларга атланып билгеләнгән араны йөгереп узу.
Үлемсез Кощей.
Кая барасыз болай Ут төртәм юлыгызга
Әй, адәм балалары? Кичеп карагыз аны!
Алып баручы.
Аяклар пешмәсен өчен Төтенгә буылмас өчен
Сикергечләрне алыйк, Бәйләвечләрне ябыйк!
V сынау. Авыз-борынны бәйләвеч белән каплап, сикергеч белән сикереп билгеләнгән араны узалар.
Алып баручы. Дуслар, сез инде сәламәтлек утравына килеп җиттегез. Шушы стенаны гына үтәсегез калды. Ә аның артында Спортландия иле.
VI сынау. Гимнастик бүрәнә аркылы үрмәләп чыгу.
Спорт һәм Сәламәтлек булып киенгән укучылар чыга.
Спорт.
Исәнмесез, кунаклар,
Ничек килеп җиттегез?
Сәламәтлек.
Күрәсең, дускай, болар Сезнең зирәклекне дә.
Бар да уңган, бик җитез. Кайсы үсемлекләрне
Ә хәзер тикшерим әле Сез күрәсез биредә?
(Дару үләннәре рәсемнәре яки гербарий күрсәтелә.)
I командага II командага
Гөлҗимеш Кура җиләге
Каен яфрагы Бака яфрагы
Кычыткан Әрем
(Жюри нәтиҗәләрне әйтә.)
Спорт.
Бик уңганнар икәнсез — Әйдә, Сәламәтлек дус,
Уздыгыз сынауларны. Бүләклик балаларны.
(Балаларга алтын, көмеш «медальләр» бирәләр. Ахырда «Өйрәтәләр мәктәпләрдә» көенә физик күнегү ясап җыр җырлыйлар.)
1. Сәяхәткә йөрергә,
Уйнарга, йөгерергә.
Өйрәтәләр мәктәпләрдә.
Ятимнәргә, картларга
Һәрчак ярдәм итәргә
Өйрәтәләр мәктәпләрдә.
2. Киртәләрне җиңәргә
Һәм спортны сөяргә
Өйрәтәләр мәктәпләрдә.
Рюкзаклар тутырырга
Һәм сәламәт булырга
Өйрәтәләр мәктәпләрдә.
