"Менің Отаным-Қазақстан"

Сынып сағаты тақырыбы:

«Менің Отаным – Қазақстан!»

Күні

02.09.2025ж

Сынып жетекші:

Досалина Г.А.

Сынып: 2 В

Қатысушылар саны: 14

Қатыспағандар саны:

Мақсаттары:

• Танымдық белсенділікті арттырып, өз пікірлерін тұжырымдап айтуға, еркін сөйлеуге, өзіне сенімді болуға үйрету. Балалардың «мейірімділік», «қайырымдылық» құндылықтары туралы түсініктерін кеңейту.

Барысы

Сабақтың кезеңі/ уақыт

Мұғалім әрекеті

Оқушы әрекеті

Ресурстар

Ұйымдастыру кезеңі (7 мин)

Ұйымдастыру.

Мұғалім:
Сәлеметсіздер ме, менің сүйікті оқушыларым. Мен сендерді екінші сыныпта есейіп, ақылды болып өскендеріңді көріп қуаныштымын. Міне, жазғы демалыс аяқталып, жаңа оқу жылы басталуда. Барлығыңызды білім күнімен құттықтап, үлкен жетістіктер тілеймін. Жаз бойы демалып, есейіп, күш жинап, бірінші сынып оқушыларынан ерекшеленіп тұрсыңдар. Оларға барлық жағынан үлгі болыңдар: оқуда, тәртібімізбен.

Өмір бойы мектебімді жыр етем,

Бір өзіңде бақыт, білім, берекем.

Шәкірттерің өрістесін, өрлесін,

Құтты болсын «Білім күнің »- мерекең!

-   Қане балалар! Кім сыныптағы достарын көргеніне қуанышты солар бір шапалақ соқсын. ( бір рет шапалақ) 

-  Кім мектепті сағынды солар үш шапалақ (үш рет шапалақ)

-  Кім екінші сыныпты үздік оқимын деп келді солар көп рет шапалақ соқсын.  (көп рет шапалақ)  

Аман-есен мектепке оралдық.

Енді өзіміздің өмірімізді сақтау үшін қандай қауіпсіздік ережелерін білуіміз керек:

- Мектепке келе жатқанда жолда жүру ережесін сақта!

- Танымайтын адамдармен сөйлеспе! Бөтен адамға есік ашпа!

- Үйде электр қуатымен және отпен ойнама!

- Үшкір әрі өткір заттарды ұқыпты пайдалан!

- Тамаша балалар! Ал бүгінгі біздің мерекелі тәрбие сағатымыздың тақырыбын білу үшін ойын ойнауымыз керек. Дайынбыз ба  ойынға?

-   Балалар сендердің отырған орындықтарының астында белгілі бір қағаз бар. Сол қағазда сандар орналасқан.  Қане кім тапты?

-  Кімде 1 деген сан ? (балалар рет ретімен шығады., берілген қағаздың артқы жағында әріпті атайды)

-  Балалар сонымен қандай сөз шықты? ҚАЗАҚСТАН 

- Дұрыс айтасындар балалар. Бүгінгі біздің  «Менiң Отаным - Қазақстан» тақырыбындағы тәрбие сағатын  ашық деп жариялауға рұқсат етіңіздер.

амандасу

Шапалақтау

Ретімен шығады.

Күн, мұғалім, табиғат,мектеп суреті

Суреттер

Негізгі бөлім

-Балалар, әр мемлекеттің өз президенті  және мақтан ететін рәміздері бар, ал біздің президентіміз кім?

- Ал, еліміздің мемлекттік рәміздерін кім айтады?

Балалар: Ту, Елтаңба, Әнұран.

- ҚР- ның бас қаласын атайық? Астана

Олай болса төрт топқа суретті мақалдар беріледі сол мақалды тауып мағынасын ашу керек.

1 топ: Отан -   да ыстық.

2 топ: Отан  -нан басталады. Т.б

3 топ: туған жерге тік.

4 топ: Отансыз адам, ормансыз

«Менен жақсы сөз» ойыны

Oқyшылap  қoлдapынa ақ парақты алып өз қолдарының силуэтін салып бас бармағына өзі туралы жақсы  бір қасиетін жазады. Ақ қағаздың жоғарғы жағына оқушы өз атын жазып қояды. Мұғалім қолымен бір рет шапалақтаған кезде, оқушылар қағаздарын бір –бірлеріне беріп жаныныдағы оқушы парақ иесі туралы жақсы қасиетін жазады. Mыcaлы: ceн өте қамқорсың……………………… топтағы оқушылар жазып болған соң,жазылған қағазды өздеріне ескерткіш ретінде алып қалады.

Ал, ендеше балалар біздер 2 сыныпта қандай пәндермен танысамыз екен Мозаика ойыны арқылы сол пәндерді құрастырып көрейік.

Әр топ өз пәндерінен болашақта не үйретіні туралы айтады.

Жазғы демалысым

(Оқушылар білетіндерін айтады.)

(Астана туралы білгендерімен бөліседі.

Мақалдардың мағынасын түсіндіреді

Жақсы сөздер жазады бір-

мозаика

парақшалар

презентация

Соңы

-Балалар, енді біз жазғы демалыста бір-бірімізді сағынып көрісіп отырмыз солай ма? Олай болса достарымыз туралы ұмытып қалған жоқпыз ба екен ойын ойнайық. Қазір мына қағаздарды таңдап сол қағазда жазылған сөзге сәйкес келетін оқушыны барып құшақтаймыз.

• Сыныбымыздағы шашы ұзын қызды құшақта!

• Көңілді жүретін оқушыны құшақта!

• Бойы ұзын оқушыны құшақта!

• Ең мейірімді оқушыны құшақта!

• Жазуы әдемі оқушыны құшақта!

• Жазғы демалыста кездейсоқ көріп қалған досыңды құшақта!

• Жазғы демалыста бірге ойнаған досыңды құшақта!

• Жазғы демалыста қатты сағынған досыңды құшақта!

• Жазғы демалыста көріспеген досыңды құшақта!

• Суретші оқушыны құшақта!

• Ең тәртіпті оқушыны құшақта!

• Әдемі оқушыны құшақта!

• Математик оқушыны құшақта!

• Әнші оқушыны құшақта!

• Биші оқушыны құшақта!

• Ең сүйкімді оқушыны құшақта!

- Міне, балалар, осы күннен бастап бізде күнделікті сабақтарымыз, қызықты да көп нәрсеге үйренетін күндеріміз басталды.Әрқашан бүгінгідей жақсы көңілмен, барлығын үйренеміз деген мақсатпен мектепке келулеріңе тілектеспін. Бүгінгі 1-ші қыркүйек – білім күніне арналған сыныпсағатымыз осымен аяқталды.

Ойын ойнайды

презентация