Жүргізуші. Сәлеметсіздер ме, қадірменді қонақтар, аяулы аналар, құрметті ұстаздар,әдепті де тәртіпті оқушылар! Шұғылалы көктемнің алғашқы мерекесі – 8 наурыз Халықаралық әйелдер күні мейрамымен,амал мерекесімен,22- наурыз Ұлыстың ұлы күнімен шын жүректен құттықтаймын. Осынау жарқын мерекенің біздің барлық үміттеріміз бен армандарымызды тығыз байланыстыратын көктемнің алғашқы айының басында келуі, жақсылықтың нышаны болса керек. Қашаннан бергі дәстүріміз бойынша біз бұл күні Сіздерге – аналарымыз бен апа - қарындастарымызға, қыздарымызға ең ыстық құттықтауларымыз бен ең ізгі тілектерімізді жолдаймыз
Армысың, өнер сүйер асыл халқым,
Мереке құтты болсын ауылдасым.
Тағы да келіп жетті сайысымыз
Жырлайтын қазағымның дәстүр салтын.
Бүгінгі өткізіліп отырған байқауымызда «Қыз – ұлт болашағы» деп тегін атаған жоқпыз. Еліміздің ертеңі мына ұрпақтың қолында. Бүгінгі ұл – ертеңгі әке, бүгінгі қыз ертеңгі ана. Сол себептен ұлтымыздың салт - дәстүрін, әдет - ғұрпын олардың бойына сіңіріп өсіру – басты мақсатымыз. Сондықтан осы байқауда қыздарымыз көп біліп, өз білімдерін көтереді деп ойлаймын.Және де оларға біздердің ұлдарымыз көмектеседі.
Олай болса сайысқа бағын сынайтын ару қыздарымыз бен ұлдарымыздың бойындағы нағыз қазаққа тән қасиеттерін сайыс барысында байқайтын боламыз.Ендеше ортаға сайыскерлерді шақырамыз.
3 «А» сыныбының ару қыздары мен батыр ұлдарын қошеметпен ортаға шақырамыз.
3 «Ә»сыныбының көрікті қыздары мен тәртіпті ұлдарын қошеметпен ортаға шақырамыз.
3 «Б» сыныбының сұлу қыздары мен әдепті ұлдарын қошеметпен ортаға шақырамыз.
Сайыста бақ сыналар, бап сыналар,
Бас жүлдені өнерлі, тапқыр алар.
Кім өнерлі, кім тапқыр, шешу қиын,
Қазылар алқасы болмаса нық сыналар.
Сайысымыздың әділ бағасын беретін қазылармен таныстырып өтсек. Әр сайыс ең жоғарғы бал 5 ұпаймен бағаланады.
Директор орынбасары: Байсагенова Камшат апай
Тәрбие әдіскері: Жуматаева Гүлнұр апай
Бастауыш әдіскері: Битан Индира апай
Сайысымызды бастамас бұрын байқау шартымен таныстырып өтсек.
Сайыс кезеңдері:
1 - шарт. «Сәлем – сөздің атасы» – деп аталады, әр сынып өзін - өзі таныстырады. (5 мин)
2 - шарт. «Өнерлі өрге жүзер», әр сынып өз өнерлерін көрсетеді.
3-шарт. «Үй тапсырмасы» Әр сынып үйде ата-анасымен бірге жасаған қол өнерлерін көрсету керек.
4-шарт. «Сән үлгісі» деп аталады.Оқушылар өз қолдарымен жасап тіккен көйлектерін көрсетеді.
5- шарт. «Сұрақ-жауап».Бұл бөлімде сайыскерлер билет алу арқылы сұрақтарға жауап береді.2мин
Жүргізуші: Олай болса бірінші сайыс «Сәлем сқздің атасы»
Сайыстың таныстыруын бастайық,
Көрерменді бір серпілтіп тастайық
Сайыскерлер таныстырсын өздерін
Білгірлерді ду қол соғып қостайық.
Алдарыңызда 3 «А» сыныбы.(таныстырады)
Ендігі кезекте 3 «Ә» сыныбы таныстырады.
Соңғы сайыскерлер 3 «Б» сыныбы таныстырады
Қазылар алқасынан бірінші бөлімнің бағасын сұраймыз.
ІІ бөлім: «Өз өнері».
Аруларымыз өз өнерлерін көрсетеді
Өнері өрге жүзер талаптының
Таланты талмай ұшар қанаттының.
Әлди әуен әлемі өнер аты
Шарпып өтсін лебімен қанаттының – деп сайыскерлеріміздің өнерін тамашалауға шақырамын.
(3 а, ә, б сыныптың қыздары өз өнерлерін көрсетеді).
Қазылар алқасынан екінші бөлімнің бағасын сұраймыз.
ІІІ бөлім «Үй тапсырмасы».Бұл бөлімде әр сынып үйден дайындап әкелген бұйымдарын қазылар алқасына тапсырады.
Қазылар алқасынан үшінші бөлімнің бағасын сұраймыз.
ІV бөлім. «Сән үлгісі» Сайыскерлер өз қолдарымен жасап тіккен көйлектерін көрсетеді.
Қазақ қызы – тамсандырған талайды,
Тоғжан болып ғашық қылған Абайды.
Қазақ қызы күлкісі күн, тілі бал,
Ай секілді асқақ ару арайлы- деп сән үлгісін көрсетуге аруларымызды жұптарымен бірге ортаға шақырамыз.
Әділқазылар алқасынан төртінші бөлімнің бағасы сұралады.
V. Бөлім. Соңғы бөлім. «Сұрақ-жауап» Бұл бөлімде әр сынып билет алу арқылы сұрақтарға жауап береді.
Білім құйған бойына
Қанын өмір жайына.
Салт дәстүрдің әр сөзін
Сақтап жүрген ойына-деп сайыскерлерді ортаға шақырамыз.
Бесінші бөлімнің бағасын әділқазылар алқасынан сұраймыз.
Қазылар алқасы әділ бағасын шығарып болғанша оқушыларымыздың өнерін тамашалайық.
Нәзік жандар қашанда ел еркесі,
Отбасының, отанның берекесі.
О, қош жарқырап ортамызға
Жұпар кеуде адамның мерекесі – дей келе көрермендерге тамаша көңіл күй сыйлап ән шырқаймыз.
Ән:
Орындайтын:
Халқымыздың ежелгі үрдісі бар,
Адастырмас оң жолдан үлгісі бар.
Үлкен сыйлау ұққанға соның бәрін
Зерделі ол, зейінді келіп сынар- дей келе қазылар алқасының қорытындысын тыңдайық.
Сұлулықтың дүниеде барын қарап,
Аққайың да ұрлана тақырқамақ.
Пай-пай шіркін! Қыздардың құдіреті ай
Ес еркіңді әкеткен барымталап.
Құрметті көрермендер!Бүгінгі «Қыз – ұлт болашағы» атты байқауы өз мәресіне жетті.Әрқашан да құшақтарыңыз гүлге,көңілдеріңіз шаттыққа толы болсын-дей келе отырып бүгінді тамаша кешімізді аяқтаймыз.Көріп тамашалағандарыңызға рақмет!Сау болыңыздар!
