К?з - береке молшылы?.( ерте?гілік)

Ақтөбе облысы

Байғанин ауданы

Миялы ауылы

Т.Айбергенов атындағы орта мектебінің

бастауы класс мұғалімі

Қазыбай Ақдәурен Магаданқызы.

Сабақтың тақырыбы: «Күз береке молшылық».

Сабақтың мақсаты: Күз мезгілі жайында оқушылардың білімін

кеңейту ,күз туралы өлең-жырлар айту.

Оқушы өзін еркін ұстауға,өз ойын толық жеткізе

білуге дағдыландыру,шығармашылық пен жұ-

мыс істеуін дамыту.

Ерінбей еңбек етуге,табиғатты сүюге,қорғауға

тәрбиелеу.

Көрнекілігі: табиғат жайлы суреттер,нақыл сөздер,күз тақырыбына байланысты салынған суреттер,тақпақтар,көрініс.

1-бастаушы: Құрметті қонақтар!Бүгін бастауыш класс оқушыларының дайындаған «Күз -береке молшылық» атты ертеңгілігімізге қош келдіңіздер!

2-бастаушы:Бүгінгі ертеңгілігімізді Тұманбай Молдағалиев атамыздың өлеңімен ашсақ.

Ақшыл ма,әлде күлгін,әлде қоңыр.

Торлады көк аспанды бұлт керуені

Сорғалап әлсін-әлсін күміс жаңбыр.

Ажарсыз шөптің басын жел тербеді.

-Осы өлеңде қай мезгіл суреттелген?

Барлығы хормен «Күз мезгілі» деп жауап береді.

1-жүргізуші: Иә,күзде келіп жетті.Күн көзі күңгірт тартып,аспанды жиі-жиі бұлт басты.Әрбір жерден сарғайған шөптер қылтиа бастады.Ағаштардың жапырақтары сарғайып,желмен ұшып түсіп жатыр.Күн қысқарып,түн ұзара бастады.Күз мезгілі өте керемет.

2-жүргізуші: Бүгінгі біздің мерекемізге алыстан «Күз ханшайымы» келе жатыр.

Күз ханшайымы: Сәлеметсіңдер ме,қымбатты балалар!Күзгі бақтағы қонақтар .Мен сендердің әсем әндерің естуге,күз туралы тақпақ-тарыңды тыңдауға асығып келдім.Бәрі күзді көңілсіз кезең деп есептейді,бірақ күздің көптеген әдемі көріністері бар.

Ән айтыңдар бақытты,

Молайтыңдар шаттықты!

1-жүргізуші: Күз ханшайымы хош келдіңіз.Балалардың өнерін тамашалауға төрлетіңіз.

1-оқушы: Қуандырып біздерді

Мерекелі күз келді.

Берекелі күз келді.

2-оқушы: Өнім үйіп тастадық

Оқуды да бастадық.

Берекелі алтын күз

Ашық болсын аспаның

3-оқушы: Күздің сыйын алайық

Қызығына қарайық.

Күзге арнап бәріміз

Әнімізді бастайық

4-оқушы: Өрік,шие,алма,алша

Жидек ,жүзім піседі

Қауын,қарбыз,қиярғ сәбіз

Қоймаларға түседі.

Айтыңдаршы балалар

Бұл қай кезде болады?

Хормен: «Күзде.»

2-класс оқушысы Әлия күз туралы өлең оқиды.

2-жүргізуші: Күз айларын атайық?

Хормен Қыркүйек,қазан,қараша.

1-жүргізуші:Күз айларындағы мереке күндерге тоқталайық.

1 қыркүйек - Білім күні.

6-оқушы: Ықылас ынта раймен.

Ерекше жарқын шыраймен

Жүздері жайнап,қуанып,

Шоқ-шоқ қызыл гүл алып

Мектебіне келеді.

2-жүргізуші: Күз мезгіліндегі келесі мереке 22-қыркүйек – Тілдер мерекесі.

7- оқушы: Ана тілін жырлап өтер талайлар

Жырлап өткен Ыбырай мен Абайлар

Қасиетті менің ана тілімде

Өшпес мәңгі алаулаған арай бар.

1-жүргізуші: Келесі мереке Қарттар күні.

8-оқушы: Кім үлкенді сыйласа,

Кім Үлкенді тыңдаса

Үлкен болған кезінде,

Сыйлы болмақ өзі де.

2-жүргізуші келесі мерекеміз Ұстаздар күні.

ӘН: « Ұстазым»

Нұрхан Жанаевтың «Мұғалім» өлеңін Әсемгүл оқиды.

Күз ханшайымы:Рақмет балалар сендер жақсы өнер өнер көрсетіп жатырсыңдар.

9-оқушы: Көбейді құт береке.

Астық толы қоймамыз.

Құтты болсын мерекемізге

Алтын күзді тойлаймыз.

10-оқушы: Жайдарлы күз,жарқын күз.

Аяулы күз,алтын күз

Дәнге толы ен дала,

Дариядай шалқар күз.

11-оқушы: Кездеске соң күзімен,

Бұтағынан үзілген

Ай-жапырақ,сары алтын,

Айналаның бәрі алтын.

12-оқушы: Сары алтындай алтын күз,

Алтын сары қызыл көк.

Күзгі бақта күлімдеп ,

Алтын күзді тойлаймыз.

13-оқушы:Алтын күн әсем айналам,

Қараймын көзім талғанша.

Сары алтындай күзбент біз

Қоштасамыз ендеше.

Ән: « Аққаздар ұшып барады.»

14-оқушы: Қош бол,өскен жеріміз.

Айдын шалқар көліміз

Аман болып жасаңдар

Айналайын ,еліміз.

15-оқушы: Жемісі мол теретін,

Күз дос екен бізбенен

Бәрін тауып беретін

Жомарт екен күз деген.

16-оқушы: Қараңдаршы қандай сұлу

Бидай басқан кең дала.

Алтын жайып тастағандай.

Біздің дала бай дала.

17-оқушы: Береке бақ дарыған,

Жомарт көңіл,жарқын жүз.

Сары алтынға малынған

Жетті міне алтын күз.

1-жүргізуші: Кел балалар ойнайық

Тектен -текке тұрмайық.

Жемістерді жинайық

үзіп алып бақтардан.

Жолдастарға сыйлайық.

Ойын «жемістер мен көкөністерді орналастыр » Ортаға екі оқушы шығады,себеттерге үстел үстіндегі жемістерді бір оқушы,көкөністерді екінші оқушы музыка тоқтағанша жинайды.Қай оқушы тез болса сол жеңімпаз.

2-жүргізуші: Келесі кезекті жұмбақ шешуге берейік.

1.Қырық қабат орамалға ,

Оранды ол бала. /орамжапырақ/

2.Сыртым қызыл,өзім ақ,денем доптай

Шешіндірсең жылатам,үрмай-соқпай. / пияз/

3. Ағайынды бәрі.

Шықса көк , түссе сары. / жапырақ /

4. Ұзын мұртты сарылар,

Қойнында наны бар. / бидай/

5. Қалпағыңа ие бол ,

Алып қашып жүрмесін /Жел/

6.Тігіп алып көк шатыр,

Қызылкүрең доп жатыр. / қызылша/

7.Көктемде ақ гүлге оранады,

Күзде қолға доп болып оранады. / алма/

8. Жазда інге тығылып,

Жатқан қызыл түлкіні

Құйрығынан суырып ,

Әкелді әкем бір күні. Ол не? / сәбіз/

1-жүргізуші:Келесі кезекті «Күздің сыйына »береміз.

Нан

-Ас атасы-нан.Нан бидайдан алынады.Нанда жердің нәрі бар.Нанда күннің иісі бар.Нанда адамзаттың жаны бар.Нан болса,әнде болады.

Алма.

Алма-ағашта өсетін жеміс.Оның түрлері өте көп.Алма денсаулыққа пайдалы.Бірақ алманы көп жей беруге болмайды,себебі іш түйіліп ауруы мүмкін.

Сәбіз.

Сәбіз -бақшада өсетін көкөніс. Онда адамның өсуіне қажет дәрумендер бар.Сәбіз көздің көру қабілетін жақсартады.

Картоп.

Картоп-тамақта көп қолданылатын көкөніс.Картоп құрамында дәрумендер және крахмал бар. Онда әр түрлі тағамдар дайындалады.

Шырын.

Шырынның алуан түрі бар.Ол көкөністен де,жеміс-жидектен де жасалатын сусын.Шөлдегенде шөліңді басады. Шырынның құрамында дәрумендер өте көп.

Тосап.

Тосап-әр түрлі жеміс-жидектен қайнатып жасайтын тағам түрі.Оны әсіресе қыста тұмаумен ауырғанда ыстық шайға қосып ішкенде өте пайдалы.

Күз ханшайымы : Жарайсыңдар ,балалар!Сендер өнерлі,ақылды балалар екенсіңдер!Сендердің өнерлеріңді тамашаладым.Енді менің өнерімді тамашалаңдар.Мен сіздерше «Қызыл,жасыл көбелек»әнін орындап беремін.

2-жүргізуші: Қымбатты күз ханшайымы сізде өнерлі екенсіз.Сіздің де бізбен қоштасатын кезіңіз болды.

Күз ханшайымы. Балалар,ендеше мен де сендермен қоштасамын.Қош сау болыңыздар.

1-жүргізуші: Құрметті күзгі бақтағы қонақтар,оқушылар.Осымен күз мезгіліне арналған ертеңгілігіміз аяқталды.Келгендеріңізге рақмет.Келесі кездескенше сау болыңыздар.