Тақырыбы: Ана мен бала
Мақсаты: Аналар мен балаларды сайысқа қатыстыра отырып, олардың отбасылық тәрбие туралы білімдерін кеңейту. Аналардың мектеппен, мұғаліммен, басқа ата-аналармен тұрақты қарым-қатынасын қалыптастыру. Мектеп — отбасы — бала қарым-қатынастың тиімді модельдерін іздестіру. Ана мен бала арасындағы байланысты анықтау. Ынтымақтастықты қалыптастыру, бірге жұмыс істей алу қабілетін дамыту. Шеберлік қабілетін, сөйлеу дағдыларын қалыптастыру, аналарды аялауға,сыйлай білуге, құрметтеуге тәрбиелеу.
Түрі: Аналар мен балалардан құралған топтар арасындағы сайыс түрінде өтеді.
Көрнекілігі: Әр отбасына арналған слайд-шоу, бейнесюжеттер, шарлар, гүлдер.
Барысы:
Мұғалім: Халқымыз ғасырлар бойы аналарды қастерлеп келген. Сол дәстүр қазір де жалғасуда. Ұрпақ өсіріп жатқан аналарға қалайша риза болмасқа!
Біз ғана емес
Қадір тұтқан бабалар.
Аналардан туған небір даналар.
Ана деген тіршіліктің тірегі,
Армысыздар, қасиетті аналар!
Арайлым: Құрметті аналар, біздің мектептің ұстаздары, қыздары! Келе жатқан 8 - наурыз мерекесі құтты болсын! Аяулы аналарға, баршаңызға ұзақ ғұмыр, бақытты өмір, отбасыларыңызға амандық пен қуаныш тілеймін.
Ал, бүгінгі күні аналар мен балалардың өнерлерін көрсету үшін «Ана мен бала » атты сайысымызды өткізгелі отырмыз. Сайысқа 6 топтың анасы мен баласы сайысқа түседі.
Мұғалім:Жүздеріңнен мейірім мен нұр тамар
Алдарыңда жауқазындай құлпырған
Алаңсыз да балғын шақты балалар
Құшақ жая қарсы аламыз сіздерді,- деп ортаға сайысқа
қатысушыларымызды шақырамыз.
Бүгінгі сайысымызға қатысқалы отырған сайыскерлерімізді ортаға шақырайық.
Арайлым: Аяулы аналар мен сүйкімді балаларды ортаға шақырайық.
(Музыка әуенімен кіреді)
Мұғалім: Енді, сайысты қалай бастайтынымды білмей тұрғаным, неден бастасам екен?
Арайлым: Оның не ойланбағы бар, сайысымызды бастамас бұрын әділ тура бағасын беретін қазылар алқасын сайлап алмаймыз ба?
Мұғалім: Өте дұрыс айтасың, мен манадан бері сайысты қалай бастасам екен деп ойланып тұрып едім, бізге көмектесетін адамдар бар екен ғо.
Арайлым: Олай болса, ендігі кезекте әділ қазылар алқасын сайлайық.
1.Мектебіміздің тәрбие ісі жөніндегі орынбасары Жакупова Жадыра Мырзағалиевна
2. Мектебіміздің оқу ісі жөніндегі орынбасары Байбаракова Гулпаршын Жоламановна
3.Мектебіміздің бастауыш класс бірлестігінің жетекшісі Сеиілхан Таңшолпан Ақлбекқызы
Мұғалім: Енді, қай топ бастайтынын гүлдерді таңдау арқылы білейік.
(гүл артындағы нөмірлер арқылы)
Арайлым: Сайыста қандай тапсырмалар болатын еді?
Мұғалім: Ой, сол да қиын болып тұр ма, оны біз мына тақтаға қарап-ақ біліп аламыз. Олай болса, сайыс ережелерімен таныс болайық.
Арайлым: Таныссақ танысайық.
1.Таныстыру
2.Өз өнерін көрсету
3. Дәм-думан.
4. Шаш өру
5. Сіз білесіз бе?
6. Өз балаңды таба біл!
Мұғалім: Гүл көңілің қуаныштан өрілді
Жанарыңнан жалын нұры төгілді
Жыр ұшқындап тұр ғой әне үніңнен
Көпшілікке таныстыршы өздеріңді – дей келе
І сайысымыз топтардың өздерін таныстыруы.
1. Садуанова Арайлым Толыбаевна мен Қайрат Інжу Жасуланқызы
2. Динасилова Айсамал Кажимухановна мен Динасилова Назым
3. Уксикбаева Айжан Жарылкасыновна мен Жұмабай Жаннұр Медетқызы
4. Кулушова Жадыра Абилкасимовна мен Кенжебаева Ақбаян Саламатқызы
5.Табаналина Гульшат Куанышевна мен Қостаев Ерасыл
6. Абишева Зинегул Жумабековна мен Аманкелсін Оразғали Иранхариулы
Арайлым: Енді, таныстыру сайысымыздың әділ бағасын берулеріңізді сұраймыз.
Мұғалім: Әлемнің жарығын сыйладың сен маған,
Даланың әр гүлін жинадың сен маған.
Апай: Өнеріңіз керемет! Шабытыңыз оянды ма?
Мұғалім: Жоқ.
Апай: А-а-а, таптым-таптым сенің көргің келіп тұрғаны сайыскерлеріміздің өнерлерін тамашалау ма?
Мұғалім: Әрине!
Арайлым: Олай болса сайысымызды бастамас бұрын ортаға Сайлаубаева Майраны өзбек биімен қарсы алайық.
ІІ сайысымыз «Өз өнерін көрсету»
(Әр ана мен бала бірге өз өнерлерін көрсетеді)
Мұғалім: Аналар туралы тақпақтар тыңдайық.
Тақпақтар
1. Анашым менің анашым,
Мәпелеп өсірген сен едің.
Мейірімің қандай керемет!?
Анашым менің анашым.
2. Анашым аяулы адам сен едің,
Серігі болған біздердің.
Түн ұйқысын төрт бөлген,
Қамқоршы менің анашым.
3. Анашым асыл адам сен едің,
Біздерді бесігіңмен тербедің.
Аялаған біздерді
Ардақты анашым сен едің.
4. Мейірім төккен баршаға
Онымен өмір қаншама?
Анасыз өмір бола ма,
Айтыңдаршы, баршаң да?
5. Алысқа кетсем де,
Сағынамын мен сені!
Әрқашан да жанымнан,
Табылатын менің анашым!
Арайлым: Енді, өз өнерін көрсету сайысымыздың әділ бағасын берулеріңізді сұраймыз.
Мұғалім: Әрбір мерекеде дастарханнан түйпейтін ол не нәрсе?
Апай: нан, тәттілер, торт солар шығар.
Мұғалім: Жоқ сен таба алмадың, оны біздің бүгінгі бармағынан бал тамған аналарымыз бен олардың көмекшілері дайындап келіпті.
Олай болса, келесі сайысықа кезек берейік.
ІІІ сайысымыз «Дәм-думан»
Дәм-думан сайысының әділ- қазылардан бағасын сұрайыз.
Арайлым: Сұлу қыздар, ару қыздар, бұрымдылар,
Шашты кеспей оны күтіп қараңдар.
Қыздың көркі шаш екенін түсініп,
Өріп қойып шаш үлгісін жасаңдар.
Мұғалім: Иә, сенің ойыңды мен бірден түсініп қойдым. «Шаш өру» сайысын бастайық дегенің бе?
Арайлым: Әрине, уақытты созбай «Шаш өру» сайысына кезек берейік.
Мұғалім: Бастасақ бастайық
Арайлым: ІV сайысымыз «Шаш өру»
Мұғалім: Ал, іске сәт.
Осы кезде көздеріңіз қатысушыларда, құлақтарыңыз әнде болсын.
Арайлым: «Құлақтан кіріп бойды алар
Тәтті ән мен жақсы күй
Көңілге түрлі ой салар
Әнді сүйсең менше сүй» — деп Абай атамыз айтқандай
Оқушыларымыздың аналарына арналған әнін қабыл алыңыздар.
Мұғалім: Ән: Анашым
Арайлым: Шаш өрудің әділ- қазылардан бағасын сұраймыз.
Арайлым: Сіздің жақсы көретін гүліңіз қандай?
Мұғалім: Ой, оны меннен сұрағаның қалай, одан да сайыскерлеріміздің нені жақсы көретінін білейік.
Арайлым: Онда сайысымызды бастайық.
V сайысымыз «Сіз білесіз бе?»
(сұрақ-жауап)
Мұғалім: Аналарға
1. Балаңыздың сүйікті түсі қандай?
2. Қандай тамақты жақсы көреді?
3. Жақсы көретін әншісі және әні қандай?
Арайлым: Балаларға
1. Сенің анаңның сүйікті телехикаясы қандай?
2. 8-наурыз күні әкең анаңды қалай құттықтайды?
3. Аналарыңның туған күні қай айда және нешесі?
Мұғалім: Аналар туралы тақпақтар тыңдайық.
6. Менің анам ардақты,
Алтыннан да салмақты.
Жақсы көріп баласын,
Мәпелейді анашым.
7. Жақсылыққа шақырып,
Жамандықтан тыяды.
Мейіріммен тәрбиелеп
Иман нұрын құяды.
8. Ана, сен бақыттысың!
Гүлің болып өсіп келем.
Жайнап жүрші,
Күліп жүрші,
Алладан мен тілеп жүрем.
9. Бал бөбегін баптаған,
Анам үшін мақтанам.
Аялайтын біздерді,
Көп жасасын ақ мамам!
10. Асыл анам, нұр шашқандай келбетің,
Сенсіз басып жүре алам ба жер бетін?
Бір қолыңмен балаң жатқан бесікті,
Бір қолыңмен ұлы әлемді тербеттің
11. Өзіңсің ғой өмірімнің тірегі.
Аман жүрсең - маған сол ғой керегі.
Бақытты бол, ауырма деп тілейді
Сәбиiңнiң жұдырықтай жүрегі!
Мұғалім: «Сіз білесіз бе?» сайысының бағаларын әділ-қазылардан сұраймыз.
Арайлым: Сен көрген адамыңды қалай танып аласың?
Мұғалім: Мен оның бет әлбетінен, яғни көзі маған таныс болып қалады.
Арайлым: Олай болса, біздің аналарымыз өз балаларын қалай таниды екен, оны алдағы сайыста білетін боламыз.
Мұғалім: VI сайысымыз «Өз балаңды таба біл!»
Арайлым: «Өз балаңды таба біл!» сайысының бағаларын әділ- қазылардан сұраймыз.
Мұғалім: Енді сіздер қорытынды бағаны есептегенше,
Ән: Happy Mother’s Day
Mommy, Mommy
You love me.
You hug me.
You help me.
I love you, Mommy.
I love you, Mommy.
Happy Mother's Day!
Happy Mother's Day!
Сөз кезегін әділ – қазылар алқасына береміз.
(Қатысушыларға номинация бойынша мадақтама беріледі)
Арайлым: Осы жарысқа уақыттарыңызды қиып, балаларыңызбен
біздің мектепке келіп сайысқа қатысқандарыңызға
мың алғыс. Намысқа тырысып, жеңуге деген
ұмтылыстарыңыздан еш уақытта қайтпаңыздар.
Мұғалім: Адам барма ана сүтін татпаған,
Алуан-алуан ауыр сынды аттаған.
Адалдықтың ар намысын сақтаған,
Мен анамның сонысына мақтанам,- деп
бүгінгі кешімізді аяқтаймыз.Сіздерге зор денсаулық,
отбастарыңызға бірлік пен татулық тілейміз.
Арайлым: Келесі кездескенше, қош, сау болыңыздар!
