Кішкентай ару

Қарақұдық орта мектебі

өткізген: Өсербаева А

2014-2015 о.жСабақтың тақырыбы: “Кішкентай ару-2015”

Білімділігі: Оқушыларға Ұлыстың ұлы күні амал мерекесі, Наурыз мерекесі туралы толық мағлұмат беру.

Дамытушылығы: Мерекеге байланысты ұлағатты сөздердің мәніне,мағынасына қарай оқушылардың ой-өрісін,ой-қиялын, адамгершілік қабілеттерін дамыту.

Көрнекілігі: Ғарышкерлер суреті,видео,слайд.

Тәрбиелілігі:Оқушыларды елін,Отанын сүюге баули отырып, ұлттық салт-дәстүрді дәріптей отырып,жас ұрпақтың бойына сіңіре отырып,патриоттық рухқа,адамгершілік қаситке, сұлулыққа,әдемілікке,инабаттылыққа,ізеттілікке тәрбиелеу.

Көрнекіліктер:Шарлар,нақыл сөздер,интерактивті тақта,сыйлықтар.

Нұртілеу.Қымбатты ұстаздар,қадірлі ата-аналар және оқушылар! Бүгін мектепалды даярлық топтары арасында «Кішкентай ару-2015» атты сайысы өтуде. Еркенұр.Қадірменді көрермендер! Ақылына көркі сай қыздарымыздың өнерімен өнегесін,білімімен парасатын тамашалауға баршаңызда қош келдіңіздер. Нұртілеу. Бастарыңа қонсын дәйім бақ құстары,

Күн қуатын тілейміз ғарыштағы

Ұзақ ғұмыр,қуанышнұр сыйласын,

Өмірдің тыншымайтын ағыстары-дей отырып, ақ маңдайлы,ашық жүзді,аққу мойын,бота көзді қыздарымызды салтанатты түрде орта шақырамыз. Еркенұр.Ендігі сәтте бүгінгі сайысымыздың шарттарымен таныстырып өтейін.

1.Таныстыру 2.Мәнерлеп оқу 3.Өз өнерін көрсету 4.Сәнді киім үлгісі Нұртілеу.Өнер білім өнеге тұнған дарын

Өнерліге өз басым таң қаламын,

Өнерді әділдікке бағалайтын

Таныстырайын әділқазы алқаларын,- Жәния апай, Арай апай, Раушан апай

Қожанияз. Уа,арулар,арулар,

Ешкімнің жоқ алалар.

Кішкентай ару атағын

Қайсысың жеңіп алалар деп,ортадағы сайысқа қатысқалы отырған кішкентай аруларымызды таныстырып өтейін.

1.Дайындық «А» тобынан: Көшербай Айкөркем, Терекбай Әйгерім

Дайындық «Ә»тобынан: Олжабай Элмира, Табанбай Аружан

3.Дайындық «Б»тобынан: Бөкенбай Әсел, Ысқақ Инабат (Арулар ортаға шығады)

Ақторғын:Кішкентай арулар келіп жетті танысуға

Бойындағы бар дарынды дарытуға

Қорықпастан сахнаға келіп жетті,

Әдеппен,ізетпен танысуға.

(Таныстыруларын айтып,ұпай сандары сұралды.) Қожанияз: Өлең сөздің патшасы сөз сарасы

Қиыннан қиыстырар ер данасы,

Тілге жеңіл жүрекке жылы тиіп

Қазақтың келістірер қай қаласы. Ақторғын: Өлеңге әркімнің-ақ бар таласы,

Деп айтқан Абай атам ұлы ағасы.

Болмасада ұқсап бағып көркем сөзді

Мәнерлеп оқып берер сіз қараша-деп екінші кезекте мәнерлеп оқу сайысын тамашалаңыз.(Мәнерлеп өлең оқылып,ұпай сандары сұралады)

Еркенұр. Ән салса табиғатта тыңдар оны

Билесе көрінетін ырғақ жолы

Шақырамыз ортаға өнер көрсет

Қане,арулар тұла бойы өнерге толы-деп өнерлі аруларымыздың өнерін тамашалайық. (Арулар өз өнерін көрсетеді,ұпай саны сұралады) Нұртілеу.Ұлыстың ұлы күні Наурыз мерекесінде әнімен жарысқан шешен қыз-жігіттеріміз,әзіл қалжыңмен айтыс өнерін тамашалаған. Олай болса кезекті айтыс өнеріне берейік.Ортада қыз бен жігіт айтысынан үзінді. Қосшы Дилназ және Шаңытбай Жадырасын қол соғып,қошеметтеп ортаға шақырамыз. Дилназ: Салемдесу ата-салтым бұл дағы Үйренейік асылдарды қолдағы Ата-баба ұмыт болмай өсиеті Салтын білген әдепті боп өседі. Жадырасын: Ата-баба дәстүрін Үйренуден қашпаймыз Айтыс десе сәнденіп, Қыздар іздей бастаймыз. Дилназ: Біржан болып сен келсең Ақын Сараң мен болам Сәйгүлік болып сен шапсаң Аққу құсың мен болам. Жадырасын: Біздің топтың ұлдары Шеттерінен ақылды-ақ Жұмбақ тақпақ бұл тойға Айтып берер тақылдап Дилназ: Үй жабдығын бұл тойға Біздің қыздар сәндеді Қонақ күтіп ән салса Ұлдарыңнан кем бе еді. Жадырасын: Түрлендіріп қамшы өрсем Қыздарың таң қалады Күмбірлетіп күй шертсем Мұнда думан болады. Дилназ: Мақтандың ғой жігітім Өнеріңді көрейік Көрсет сәнді қамшыңды Біздер баға берейік Жадырасын: Тойға барам деген соң Домбыра ұстап жетіп ем Шашақталған қамшымды Үйге тастап кетіп ем Дилназ: Қалып қойса қамшыңыз Тағы тойға келерсіз Сол қамшыны мына бізге Сонда сыйға берерсіз. Жадырасын: Мінгені сылқымдардың берен екен Өнері талаптының өлең екен Сұрайын жыл қайыруын айтып берші Бірінші жалға кірген немене екен? Дилназ: Дүние ойлап тұрсам дұшпан екен Өмірде кінәліні қысқан екен Айтайын сұрағыңа анық жауап Бірінші жылға кірген тышқан екен. Жадырасын: Бәйгеден келсе жүйрік жарар еді Сүзілтіп жал-құйрығын тарар еді Жыл атын өткен жылға айтып берсең Көкейге қонып ,өшпей қалар еді. Дилназ: Қонғаны ауылымның ой болады, Мереке жылда осылай той болады Түйіп ал көкейіңе ұмытпастай Жыл басы өткен жылғы жылқы болар. Жадырасын: Ауылым қыстап отыр ой қораны Мереке күнде осындай той болады Биылғы жылдың атын айтып берші Білгеннен соң тағыда ой толады. Дилназ: Адамға құдай берер несібені Мына дос қалай-қалай көсіледі Біліп ал мен айтамын мұның жайын Биылғы кірген жылың қой болады. Жадырасын: Наурыз келді-жыл келді Тірілтуге гүлдерді Сәнденеді аналар Сәбилермен бірге енді Наурыз келді,нұр келді Түгел аймақ түрленді Қуаныш сыйлап еліме Күлімде, наурыз күлімде. Дилназ: Күттіріп келген жыл басы Бізбенен бірге жырлашы Дастарханына елімнің Береке-ырыс сыйлашы. Жадырасын: Қоштасайық халқыммен Ақындарын пір тұтқан Сөз өнерін шөлдегенде Рахаттана пір тұтқан. Дилназ: Өлең сөз шырқалды қосымменен Айтысты аяқталық осыменен Сау болып,тұрыңыздар ағайындар Сәбиде жетіледі досыменен. (Балалардың тақпақтары) Ақторғын: Ілесіп Наурыз бенен көктем жетсін Көңілін үлкен-кіші көкке өрлетсін Еңсесі көтеріліп ер азамат Ақжүніс: Бүгін міне арулар Ортаға кеп қалыпты Сән үлгісін көрсетпек Қошеметпен,құрметпен Қарсы алайық қыздарды. (Сән үлгісі,ұпай саны сұралады)

Балалардың тақпақтары:

Жүргізуші: Ақторғын: Ілесіп Наурызбенен көктем жетсін,

Көңілін үлкен-кіші көкке өрлетсін.

Еңсесі көтеріліп ер-азамат

Ескі жылмен реніш ақпен кетсін-дегендей жаңа жыл құтты болсын! Жаңа жыл тек қана жақсылығын,жақсы жаңалығын әкелсін. Ақ мол болсын!Денсаулық зор болсын,халқымыз тоқ болсын. Ерасыл: Уа,тарады дауысым әлемге менің,

Оянды дала әніммен

Бас иіп күнге сәлем беремін,

Қарсы алып Наурыз таңым мен.

Уа,қадірменді халайық!Ұлыс күндеріңіз құтты болсын!Жаңа жыл сендерге тек қана бақыт,табыс,береке әкелсін!

Ақжүніс:Жер әлемді жайнатып,

Әнші құстарды сайратып.

Наурыз тойын тойлатып

Ұлыстың ұлы күні келді,достар!

Той құтты болсын!

Ұлыс оң болсын!

Ақ мол болсын!

Қожа:Ұлыс бақытты болсын

Әр күніміз жақсы болсын,

Достығымыз берік болсын

Білім өнер серік болсын,

Ұлыс оң болсын! Бестік баға мол болсын!

Элвира-Айгерім: Жайқалсын жас гүліміз

Бақта бұл-бұл сайрасын,

Сәнді көктем нұрымыз,

Наурыз тойы жырымыз

Күңіл гүлдей жайнасын

Құлпырып тұр қыр мен ой

Құтты болсын,Наурыз той.

Жүргізуші: Қазақтың өнері ғой ұрпағымыз,

Мың бұралып билейді қыздарыңыз

Қыздар тобын ортаға шақырамыз

Қошеметпен қол соғып қарсы алыңыз.

«Қамажай» биі. Орындайтындар: Ноғай Орынгүл, Бақытжан Дана.

Еркенұр: Наурыз-гүл көктем,

Сен де ай арайлы

Күлімдеп күн көктен

Нұр шашып қарайды,

Бусанып жерім бай

Төсінде қалқып ән

Наурыз-көңілді ай

Шаттығы шалқыған.

Ринат: Ата – бабам тойлаған

Наурызым армысың

Қызыққа еш тоймаған

Дархан дала қарлы шың.

Азамат:

Көгіме күн өрлеткен

Төрт түлігін төлдеткен

Қаймақ,сүтін көлдеткен,

Ырзық-құтын селдеткен,

Келді Наурыз-Ұлы күн.

Айкөркем:

Наурыз келді құт болып,

Мына бізге сүт болып

Аққа ауызымыз толады

Бар жақсылық болады.

Әбілмансұр:

Құлпырады кең далам

Жапырақтары жайқалып,

Бақтар жасыл түске енді

Тізбектеліп сән түзеп

Жылы жақтан құс келді.

Әсет:

Бәйшешек гүл ашады

Мұздар сайға қашады

Суға толып өзен,көл

Кемерінен асады.

Сабина:

Наурыз тойға жиналған халқым менгің

Бәріңнің ойға алған жарқын сенім

Бүгінгі той, ертенгі ардақты ісің,

Ғажап болсын таппайтын тепе-теңім!

Хор: «Армандай»

Құрметті көрермендер бүгінгі «Кішкентай ару-2015» байқауы өз мәресіне жетті,сөз кезегін әділқазы апайларға береміз.

Бас жүлде-Көшербай Айкөркем

І орын-Ысқақ Инабат

ІІ орын-Терекбай Айгерім

ІІІ орын-Олжабай Эльмира

Ынталандыру-Табанбай Аружан, Бөкенбай Әсел

Кікентай Ару-2015 сайысына қатысқан әр ару сыйлықтармен, мақтау қағаздарымен марапатталады.

Сабақтың тақырыбы: 1-20-ға дейінгі сандар

Сабақтың мақсаты: 1.Екінші ондық сандарының оқылуымен,жазылуымен таныстыру.

2. 20 көлеміндегі реттік және есептік санауды бекіту. Геометриялық пішіндер,айналадағы заттардың көлемін, формасын тікелей бақылата отырып меңгерту,ойлау қабілеттерін дамыту.

3.Баланы тапқырлыққа,ақылды болуға алғырлыққа тәрбиелеу.Табиғатты сүюге, құстарға қамқор болуға тәрбиелеу.

Сабақ көрнекілігі: Интерактивті тақта,кесте цифрлары,әліппе дәптер,қарындаш. т.б.

Сабақтың барысы: а)Ұйымдастыру бөлімі.

-Ал, балалар, өткен сабақта не үйреніп, немен таныстық?

-1-20 дейін сандар қатары,олай болса 1-20 ға дейін санау.-1,2,3,4,5,6,7,8,9,10,11,12,13,14,15,16,17,18,19,20.

1-9-бір таңбалы сан.

10-20-2 таңбалы сан деп атаймыз.

1-ден 20 ға дейін бір сан тастап санаймыз.

1,3,5,7,9,11,13,15,17,19-тақ сан деп атаймыз.

20,18,16,14,12,10,8,6,4,2,0-жұп сан деп атаймыз.

Одан әрі дәптерге аударамыз.

№1 тапсырма берілген.

Мына сиқырлы тақтаға қараймыз, қандай сандар берілген оқимыз,балалар сандардың атын атап оқиды.

2 4 6 8 10 12 14 16 18 20

/ \ / \ / \ / \ / \ / \ / \ / \ / \ /

1 3 5 7 9 11 13 15 17 19

№2 Сурет бойынша есеп ойластыру,шешіуін жазу.

1+3=4

Сергіту жаттығулары.

№3 Ұқсас пішін мен затты салыстыру.

№4 Сандарды жазып,берілген тапсырманы жалғастыра сызу.

Балаларды ауызша бағалау.

Сабақты қорытындылау:

-Балалар,1 жылда неше мезгіл бар?

-4 мезгіл бар

-Қандай?

-Қыс,көктем,жаз,күз.

-Қазір қай мезгіл?

-Көктем

-Көктем мезгіліндегі ерекшеліктерін кім айтады?

-Күн жылынады,жаңбыр жауады,жер көгереді,ағаштар бүршік атып гүл жарады.

-Мал төлдейді,құстар балапан шығарады.Табиғатқа қамқорлық жасап,қорғау керек.

-Бір аптада неше күн бар ?

-Жеті

-Апта атын атау?

-Балалар біз қандай мемлекетте тұрамыз?

-Қазақстан мемлекетінде

-Елбасымыз кім екен?

-Елбасымыз Н.Ә.Назарбаев

-Еліміздің рәміздерін білеміз бе?

-Ән-ұран,Ту,Елтаңба

-Әнұранымызды шырқайық

-Сабақ аяқталды.