"Біз - болаша? белесіміз"

Біз – болашақ белесіміз!

Мақсаты: Оқушыларды Отансүйгіштікке, адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеуге, халқының тегін, тарихын білуге тәрбиелеу.

Мұғалім:

• Армысыздар, аяулы ұстаздар, қадірлі қонақтар! Қазақстан Республикасының тәуелсіздігіне 16 жыл толуына орай, 2-сынып оқушылары дайындаған мерекелік тәрбие сағатымызды назарларыңызға ұсынамыз.

1-оқушы:

- Қазақ жері – қонақжай төрлер жері,

Қазақ жері – қас сақтай ерлер жері.

Елі кедей болмаған-жері байтақ,

Едігедей, Бабырдай шерлер жері!

2-оқушы:

-Қазақ жері көп шеккен қасиетті,

Қазақ ері-өнерлі, өсиетті.

Египетті билеген Бейбарыстың

Елі текті, киелі, қасиетті!

3-оқушы:

- Даудан қашық жүріндер дүрлікпе тек,

Жаудан қашып, қор болып, үрікпе де.

Біріктірді қазақты Төле биі,

Бақыт, жеңіс, азат күн – бірлікте деп.

4-оқушы:

-Абылайлап Сабалақ қол көтерді,

Абылай хан атанып, ел басқарды.

Ерлігінен хандардың басталады-

Тәуелсіздік, елдіктің мол бастауы.

5-оқушы:

-Атыңнан айналайын қазақ деген,

Қазағым, қайсарлығың ғажап дер ем.

Сақтапсың елдігіңді сағың сынбай,

Көрсең де қиындықты азаппенен.

6-оқушы:

-260 жылдан кей»н келген Азаттық! Осы азаттықты қаншама ата- бабамыз аңсап, армандап кетті?!

7-оқушы:

-Алысқа бармай-ақ, кешегі желтоқсанда жас өмірін жалау етіп, алаңға шыққан жастарымыз да осы тәуелсіздікті арман етті емес пе?!

8-оқушы:

- Әр дәуірдің еркіне сай нақты өзгерген алтынның,

Айналайын, алтын әнім, жас өркені халқымның!

Желтоқсанда шындық жырын шырқаймын деп шарқ ұрдың,

Желтоқсанда тәуелсіз ел болсақ біз деп талпындық!

9-оқушы:

-Қыршын кеткен Ләззат Асанованың, Ербол Сыпатаевтың, Сәбира Мұхаметжанованың, Қайтар Рысқұлбековатың аңсаған арманы мен үміт- тілектері бұл күні толық орындалды. Қазақ елі өз тәуелсіздігін алды.

10-оқушы:

- Бір өкініш бар – ол азаттық үшін жан аямай алысқан сол боздақтардың бүгінгі бақытты күнге жете алмағаны. Қуанышқа куә болып, ортақтаса алмағаны.

Оқушылар Желтоқсан құрбандарының суреттерімен сахнаға шығарды.

11-оқушы:

- Бұл боздақтарымыздың есімі халқымыздың ұлттық батыры ретінде тарихта мәңгілік қалды.

Мұғалім:

-Тәуелсіздік үшін күрескен, бұл күнге жетпеген батырларымызды бір минут үнсіз тұрып еске алайық.

1 минут үнсіздік.

12-оқушы:

-Бүгінгі жас ұрпақ, сен бақыттысың. Өйткені, сен тәуелсіз Қазақстанда өмір сүрудесің. Бабаларымыз қанымен қорғаған байтақ жерін ұрпағының – сенің еншіңде қалдырды.

13-оқушы:

-Ұландарым, сенім, үміт сендерде,

Өзге ұлттан өзіңді еш кем көрме!

Несіне біз қазақ болып туамыз,

Бұқпантайлап өтсек егер кең жерде?!

14-оқушы:

- Жаңа қоғам жаңа ойға жетелеп,

Сен атқарар, балам, парыз өте көп.

Халқыңды ойла, ертеңді ойла күнбе-күн,

Өз басыңның тойынғаны не керек?

15-оқушы:

Ұраның да жасасын!

Құраның да жасасын!

Қасиет-кие дарыған

Ұланың да жасасын!

16-оқушы:

-Қанатыңнан қайырылып,

Қыр арқаңнан майырылып.

Қонақ-Тәуелсіздіктен

Қала көрме айырылып.

Мұғалім

• Қазақстан Жоғары Кеңесі 1991 жылдың 16-желтоқсанда Қазақстанды тәуелсіз Республика деп жариялады. Екі жүз жылдай патшалық Ресейдің отары, 70 жылдан астам Кеңес өкіметінің бұғауында болған Қазақстан тәуелсіз ел болды.

• Бұл күн Қазақстан тарихында Қазақстан Республикасының Тәуелсіздігінің күні деп алтын әріптермен жазылды. Ән. «Қазақстаным менің»

Қазақстаным менің

Сөзі: Көмек ыбыраев.

Әні: Көмек Ыбыраев.

1.Әлемге аян кең төрі,

Ұлы-қызы батыр зерделі.

Алтын заңымен көркейіп

Егемен елдің ертеңі.

Қайырмасы:

Думанға толы айналам,

Бағымда бұлбұл сайраған

Жомарт қой дархан бай далам,

Қазақстаным менің

Арманда алға жалғаған

Тура жолды өзі таңдаған

Қыраны биік самғаған

Қазақстаным менің!

2. Осынау елде бақ табам

Осынау елде шаттанам

Мерейін елдің арттырған

Астанам менің-асқақ ән.

Қайырмасы:

3. Сенімен қарап таңыма,

Келешек ұрпақ бағына-

Достықтың туын көтеріп,

Шырқайық достар тағы да.

Қайырмасы:

17-оқушы:

-Өзіңдікі-елдің де,

Өзіңдікі-жерің де!

Өзіңді-өзің еткен бақ-

Тәуелсіздік төріәңде.

18-оқушы:

-Өзіңдікі туың да,

От пен ауа, суың да.

Жаса, Қазақстаным,

Белді бекем буын да!

19-оқушы:

-Қара жерде қылтыңы жоқ бір елміз,

Әр биік, әрі кеңбіз, тереңбіз.

Әнімен бар асқақ тудай өрлеген,

Көтерілсе-тік көтерер халқымды.

Кең даладай кең пейілді қазақпыз,

Құл емеспіз, еркін жанбыз, азатпыз!

Қас тағдырдың қиқаңына көнбейміз,

Ел намысын ешкімге де бермейміз!

Сертің осы, азат жігіт, азат қыз!

Мұғалім:

• Қазақ мемлекетінің тәуелсіздігін 140-тан астам ел таныды. Содан бері 15 жыл өтіпті.

15 жыл бейбіт өмір, тыныштықта,

15 жыл тұрақтылық пен теңдікте,

15 жыл бірлік пен ынтымақта.

20-оқушы:

-Бізге де кез келді ғой көктем шығар,

Зілзала, құйын заман өткен шығар.

Күнсіз-түн шырылдаған құлын дауысың

Құдайдың құлағына жеткен шығар.

21-оқушы:

-Тебірентіп тұрса болды Жер-бесігім,

Дәулеттің тілемейтін көл-көсірін.

көз тимей, кірбің түспей қабағыңа,

Жалғыз-ақ құтты болғай енді осы күн!

Би «Той бастар» орындайтын 4 «Е» сынып оқушысы Жангірғанова Айкүміс

22-оқушы:

-Біткендей қанат, жаңа дем,

Айбындв күйді кешеміз.

Таниды енді бар әлем,

БҰҰ-ға мүшеміз.

23-оқушы:

-Басқаша мүлдем тапты өрнек,

Ағымы заман көшінің.

Аруақтар рухын қастерлеп,

Көшеге бердік есімін.

24-оқушы:

-Пейіліндей кең даласы,

Жері шүйгін, суы бал.

Азат елміз, қарашы,

Елтаңбасы, Туы бар.

25-оқушы:

-Ұлты үшін мыңмен алысып,

Атылған жау мен банды боп.

Елімен қайта табысып,

Бабалар бағы жанды көп.

26-оқушы:

-Паш еткен даңқын, атағын,

Қазақстан-Отаным!

Нұрға бөлер даңқыңды,

Ақ таңың боп атамын.

Мұғалім:

-16-желтоқсанда еліміздің тәуелсіздігіне 15 жыл толады. Ғасырдан ұшқыр 15 жыл!

-Бұл күн - талай-талай қилы замандарды басынан кешірген қазақ халқы үшін ақ түйенің қарны жарылған ақжарқын күн. Сонымен бірге біз қазір 4 сыныптар үздіктерін «Балдырған» ұйымына қабылдаймыз, акт.

Көгілдір галстукті тағуға қонақтарымызға ұсынамыз.(ҰРАН).

Ұландар сөздері.

1 бала:

- «Ұлт бол» деп нығайтқан қатарларын.

Мағжан мен Мұхтар, Жүсіпбектің,

Ұмытпа ешқашан да баталарын.

2 бала:

- Біз – намыскер қазақ елі ұланымыз,

Қорғайтын жерді – Отан қыранымыз.

«Талап, еңбек, терең ой, қанағат қыл,

Рақым ет» дер Абай айтқан ұранымыз.

3 бала:

- Біз жас ұлан – Отан – ана өркені,

Үміт артқан болашағы, ертеңі.

Туған жердің даңғын көкке өрлетіп,

Гүлге бөлеп, жақсартамыз өлкені.

4 бала:

- Сарыарқаның самалындай есеміз,

Тайсалмаймыз, талай сынды кешеміз.

Бізді әлпештеп, еркелеткен туған ел,

Мақтан етер перзентің боп өсеміз.

Ән «ЖАС ДӘУІРДІҢ ТҮЛЕГІМІЗ»

«ЖАС ДӘУІРДІҢ ТҮЛЕГІМІЗ»

1. Бау, бақша, белдер,

Орман, тау, көлдер –

Көрікті шексіз даламыз.

Дәулеті тасқан,

Сәулеті асқан –

Көңілді ауыл, қаламыз.

Қайырмасы:

Жадырап күндей,

Жайнаған гүлдей – 2 рет

Бақытты біздер баламыз!

2. Өзіміз туған,

Көбелек қуған –

Өлкеде өсіп, толамыз.

Жалықпай оқып,

Көңілге тоқып –

Білімді адам боламыз.

Қайырмасы:

3. Аялар бізді

Қамқоршы ізгі –

Сүйікті Отан – анамыз.

Отанды мақтап,

Айтамыз тақпақ –

Шырқатып әнге саламыз.

Қайырмасы:

Ендігі сөз кезегі мектеп директорының орынбасары Имамбаева Рыскүл Әбдіғалиқызына беріледі.

Мұғалім:

• Елбасымыз Н.Ә.Назарбаев: «Біз тәуелсіздікке бейбіт жолмен жеттік. Біздің туымыз, тәуелсіздік тірегіміз - бейбітшілік», - деге. Тәуелсіз Қазақстанның жас ұрпақтары да бейбітшілікті қолдайды.

27-оқушы:

- Биік ұш, бейбітшілік көгершіні,

Асып өт нелер мұхит, небір шыңды.

Қаққанда қанатыңды бірге естілсін,

Әлемге жас ұрпақтың өршіл үні.

Хор: «Аққөгершін»

Ақкөгершін

1. Ақ көгершін, көгершін,

Қолқанат құс сен едің.

Бар кезіп қайт ел үшін,

Кең дүниенің көлемін.

Әділеттің құсы деп

Көз алмастан жолыңнан.

Бақыт болып қоншы деп

Ұшырамын қолымнан.

Қайырмасы:

Ел тілегін алып ұш

Адамзаттың бағына

Қара бұлтты жарып ұш

Мұхиттың арғы жағына.

2. Сенен көзін алмайды

Ақ ниетті бар адам.

Ақ қанатың талмайды

Әділеттен жаралған.

Тыныш бейбіт өмірдің

Белгісі боп қанат қақ.

Әлемге ортақ көңілдің

Қайт шыңына қонақтап.

Қайрмасы:

28-оқушы

- Жасай бер, тәуелсіз менің Қазақстаным!

Гүлдей бер, көркейе бер, менің Қазақстаным!

(хормен)

Мұғалім:

• Қорған болған елінің елдігіне,

Батырлардың бас идік ерлігіне.

Тәуелсіздік қамалын көрдік, міне, - дей

келіп, бүгінгі тәрбие сағатымызды аяқтаймыз.