Бақытым да, байлығым да – денсаулық

Сабақтың тақырыбы: Бақытым да, байлығым да – денсаулық

Мақсаты: 1.Оқушыларға адам денсаулығының қымбаттылығын, өмір сүру қажеттілігін, басты байлық екенін түсіндіру.

2.Өз денсаулықтарына жауапкершілікпен қарауға баулу, шығармашылық қабілеттерін және сөйлеу шеберліктерін дамыту.

3. Денсаулықты сақтауға, тазалыққа, салауатты өмір салтын сақтауға тәрбиелеу.

Түрі: тәрбие сағаты.

Әдісі: сұрақ-жауап, ойын, топтық жұмыс.

Көрнекілік: интербелсенді тақта, мақал-мәтелдер, сөзжұмбақ, көрініс.

Сабақтың барысы:

1. Ұйымдастыру кезеңі.

а/ Психологиялық дайындық.

Ақ ниетті жүрекпен,

Ақ ниетті тілекпен.

Амандасып алайық,

Қонақтарға ізетпен.

1. Сабақтың тақырыбын ашу.

-Балалар, қазір сендер мына берілген әріптер қатарынан жасырынған сөздерді табасыңдар және олармен сөйлем құрайсыңдар.

-Кәнекей, қандай сөздер шығады екен, іздестіріп көрейік.

/Оқушылар іздестіреді/

-жақсы. Тамаша. Бақытым да, байлығым да- денсаулық деген сөйлем шықты. Көңілімізді көтеріп, қошаметтеп қол соғып қояйық.

Ендеше, бүгінгі тәрбие сағатымыздың тақырыбы «Бақытым да, байлығым да- денсаулық»

-Енді осы тәрбие сағатымыздың мақсаты не деп ойлайсыңдар?

Оқушылар:

Өз денсаулығымызға жауапты қарау.

тазалықты сақтау

Салауатты өмір салтын ұстау.

Зиянды заттардан аулақ болу.

Денсаулықтың мықты болуына көңіл бөлу

-Тамаша. Қол соғып көңілімізді көтеріп қояйық.

Мұғалім:

-Жақсы. Құрметті ұстаздар, қонақтар, оқушылар. Елбасы Нұрсұлтан Әбішұлы Назарбаев «Қазақстан -2050» стратегиялық даму бағдарламасындағы халқына жолдауында «Қазақстанның әрбір азаматының денсаулығы мықты, хал-ахуалы жақсы болуына тиіс» деп атап көрсеткен сол бағдарламаға орай бүгінгі өткізгелі отырған « Бақытым да, байлығым да- денсаулық» атты тәрбие сағатымызға қош келдіңіздер.

-Балалар, бүгінгі сабағымызда денсаулығымызды қалай сақтаймыз, не нәрселерден аулақ болуымыз керек жайлы ой өрбітіп, әртүрлі тапсырмаларды орындау арқылы шығармашылық қабілеттерімізді дамытуға үйренеміз.

-Сондықтан да қазір сендерді 3 топқа бөлемін.

1- топ «Денсаулық» Ұраны: «Денсаулық – зор байлық»

2-топ « Шымыр» «Шынықсаң шымыр боласың»

3- топ « Тазалық» «Тазалық- денсаулық кепілі»

-Ал, балалар сендер деніміз сау болсын дегенді қалай түсінесіңдер?

- Деніміз сау болсын десек, біз дұрыс тамақтанып, таза ауада көбірек жүруіміз керек, спорттың өзімізге ұнаған түрімен шұғылдануымыз қажет.

- Меніңше уақтылы жатып, дұрыс тамақтану. Сол кезде деніміз сау болады.

– Ал меніңше деніміз сау болмаса бізге ешқандай байлықтың да , ақшаның да керегі жоқ. Деніміз сау болса бізде барлығы да болады.

–Денсаулық дегеніміз – ол адам өміріндегі ең үлкен байлық – деп ойлаймын. Денсаулықтың арқасында біз еңбек етіп, жақсы өмір сүреміз.

- Ал, меніңше денсаулық ол адам ағзасының бір қалыпты дұрыс жұмыс істеуі, сондықтан да адам дұрыс тамақтануы керек.

– Денсаулықты сақтап , оны нығайту әрбір адамның өзіне байланысты – деп ойлаймын. Егер де адам өзіне немқұрайлы қараса, ол өзі аурушаң, ашуланғыш болады. Ештемеге ыңғайы келмейді, көп ауырады

- Менің ойымша тазалықты сақтау, тамақтан соң аузымызды шайып, қолды жақсылап жуу керек. Сол кезде деніміз сау болады.

-Балалар, сонымен денсаулыққа не қажет екен?

-Серуендеу

-дұрыс тамақтану,

-тазалық,

-дене шынықтыру.

-Өте тамаша. Енді осы топтарға шығармашылық тапсырмалар беріледі, соны орындап көрелік.

1-топқа Өлең жолдарын жалғастыру.

/Таза киім/ .... киемін,

/Тазалықты / .... сүйемін.

/Денем/ ... таза болса да,

Түсемін жиі .... /моншаға/

2- топқа Мақал-мәтелдерді жалғастыру.

1. ..... ..... ..... /Бірінші байлық – денсаулық/

Екінші байлық ақ жаулық,

Үшінші байлық – он саулық.

1. Ауырып ем іздеген ше,

..... ...... ..... ....... /Ауырмайтын жол ізде/

1. Байлық байлық емес,

..... ..... /Денсаулық/- байлық.

1. Көзің ауырса қолыңды тый,

....... ..... ...... / Ішің ауырса аузыңды тый/

1. Денсаулықтың қадірін,

..... ..... ..... ..... /Ауырғанда білесің/

3- топқа. « Салауат» сөзінің әрбір әріптерінен денсаулыққа қажетті сөздерді табу

С- серуендеу

А – ас- адамның арқауы

Л- ластың досы – шыбын

А- аман болу

У- уланудан сақтану

А- ауаға шығу

Т- темекі шекпеу

-Әр топ өздерінің жұмыстарын қорғайды. /қол соғып қошаметтеп қоямыз/

-Балалар, егер де сендер ауырып қалдыңдар делік, сонда сендерді аналарың балалар дәрігеріне көрсетеді. Сол балалар дәрігерін кім деп атайды? /Педиатр/

-Жақсы, осы балалар дәрігері енді бізде қонақта отыр.Ол кісі сендерге бірнеше жұмбақтар ала келіпті соны шешіп көрейік.

- жұмбақтарды шешу, үш тілде оны айту

1.Шомылған баланы,

Аймалап алады.

Сүртеді қолын да,

Сүртеді жонын да / орамал – полотенце –шаул/

2.Дымқылдап күнде сен,

Қолыңа сүйкесең.

Кетіп кір-ласың,

Тап-таза боласың / сабын – мыло- соуп/

3.Түйістіреді көзіңді көзіңе,

Жолықтырады өзіңді өзіңе /айна – зеркало – мироу/

4 .Қалтамда жатыр,

Тістері бар батыр / тарақ – расческа –хеяброш/

1. Дәмі де жоқ, түсіде жоқ,

Пайдаланбас кісі жоқ. / су – вода –вотер/

Сергіту сәті

Бекжан:

-Ахмет, тұр. Бізде сабақ болып жатыр ғой.Тұр, ояншы. Сабақ үстінде ұйықтағаныңа жол болсын. Мұғалім Ахмет ұйықтап қалыпты.

-Ахмет керіліп созылып орнынан тұрады.

Мұғалім: Ахмет қазір бізде балалар дәрігері қонақта отыр, бар не айтады екен?

Көрініске дайындалғанша «Жалқаубек» әнін орындау

Көрініс. /Алия мен Ахмет/

Оқушылардың ойлары, беретін кеңестері

Мұғалім:

-Балалар ал , сендер Денсаулықтың қандай қастарын білесіңдер?

1- Дұрыс тамақтанбау

2.Компьютерде көп отыру

3. Салақтық

4. Көп ұйықтау

5. Жалқаулық

6. Ашушаңдық

7. Күн тәртібін сақтамау

8. Зиянды әрекеттер

Ал , енді осыған қарама-қарсы достары қандай?

1.Дәрумендер

2.Дұрыс тамақтану

3.Спортпен шұғылдану

4. Серуендеу

5. көңілді жүру

6. тазалық

7. дұрыс ұйықтау

8. шынығу

-Мұғалім: тамаша сендер денсаулықтың достары мен қастарын біледі екенсіңдер. Ал қазір шағын жарнаманы тамашалайық.

-Сөйтіп осы жарнамадан кейін сендер ауырып ем іздеген ше, ауырмайтын жол іздейсіңдер деп ойлаймын.

Енді сөзжұмбақ шешсек қайтеді?